ایشین کرکٹ کونسل اجلاس کی شفافیت پر سوالات، بھارت کا کردار مشکوک
اشاعت کی تاریخ: 11th, July 2025 GMT
data-id="863a0a8" data-element_type="widget" data-widget_type="theme-post-content.default">
ایشین کرکٹ کونسل (اے سی سی) کے سالانہ اجلاس کے حوالے سے اس وقت شدید تنازع کھڑا ہو چکا ہے، اور بھارت اس معاملے میں کھل کر مخالفت پر اتر آیا ہے۔
ذرائع کے مطابق بھارتی کرکٹ بورڈ اور حکومت نے اجلاس کے وینیو، یعنی بنگلا دیش کے دارالحکومت ڈھاکا، پر اعتراض کرتے ہوئے رکن ممالک پر دباؤ ڈالنا شروع کر دیا ہے کہ وہ اجلاس میں شرکت نہ کریں۔
یہ بھی سامنے آیا ہے کہ بھارت نے مختلف رکن ممالک سے نہ صرف اجلاس کا بائیکاٹ کرنے کی اپیل کی ہے بلکہ انہیں ترغیبات کی پیشکش بھی کی جا رہی ہے تاکہ وہ اس اجلاس کا حصہ نہ بنیں۔ آئی سی سی کے چیئرمین جے شاہ، جو خود بھی بھارتی بورڈ سے تعلق رکھتے ہیں، اس مہم میں سرگرم کردار ادا کر رہے ہیں اور رکن ممالک کو خط لکھنے پر آمادہ کیا جا رہا ہے کہ وہ اجلاس کی مخالفت کریں۔
ادھر سری لنکا کے بعد عمان نے بھی بھارت کے موقف کی حمایت کرتے ہوئے اجلاس کی مخالفت کی ہے، تاہم ذرائع کا کہنا ہے کہ بیشتر رکن ممالک اب بھی صدر محسن نقوی کی حمایت کر رہے ہیں اور ڈھاکا میں اجلاس کے انعقاد کے حق میں ہیں۔
صورتحال اس وقت مزید کشیدہ ہو گئی ہے جب معلوم ہوا کہ محسن نقوی نے 24 جولائی کو اجلاس طلب کر رکھا ہے، اور رکن ممالک 23 جولائی کو ڈھاکا میں اکٹھے ہونے والے ہیں۔ تاہم بھارت اور سری لنکا نے مطالبہ کیا ہے کہ اجلاس کو ملتوی کیا جائے اور وینیو کو تبدیل کیا جائے۔
اس ساری صورتحال نے اے سی سی کے سالانہ اجلاس پر غیر یقینی کی کیفیت طاری کر دی ہے، اور دیکھنا یہ ہے کہ صدر محسن نقوی اپنے فیصلے پر قائم رہتے ہیں یا دباؤ کے تحت کوئی تبدیلی عمل میں لاتے ہیں۔
.ذریعہ: Jasarat News
کلیدی لفظ: رکن ممالک
پڑھیں:
مدارس کو مشکوک بنانے کی سازشیں ناکام ہوں گی، علامہ راشد سومرو
جلسے سے خطاب کرتے ہوئے رہنما جے یو آئی نے کہا کہ علماء دین کے سپاہی اور ملت کے رہبر ہیں، دولت یا دباؤ سے خریدے نہیں جا سکتے، چند روپیوں کے عوض علماء کے ضمیر خریدنے کا خواب دیکھنے والے خود ذلت و رسوائی کا شکار ہوں گے۔ اسلام ٹائمز۔ جمعیت علمائے اسلام سندھ کے سیکریٹری جنرل علامہ راشد محمود سومرو نے کہا ہے کہ مدارس کو قومی دھارے میں لانے کی بات کرنے والے دراصل خود قومی دھارے سے کٹے ہوئے ہیں کیونکہ دینی مدارس ہی اصل قومی دھارا ہیں جو صدیوں سے ایمان، اخلاق اور خدمت خلق کے فروغ میں مرکزی کردار ادا کر رہے ہیں۔ ان خیالات کا اظہار انہوں نے ایک بڑے جلسے سے خطاب کرتے ہوئے کیا۔ انہوں نے مزید کہا کہ آج کے حکمران مغرب کی خوشنودی کے لیے اپنی تہذیب، مذہب اور نظریاتی اساس سے کٹتے جارہے ہیں، لہٰذا ضرورت اس بات کی ہے کہ وہ خود کو دینی و قومی دھارے میں شامل کریں۔
علامہ راشد محمود سومرو نے کہا کہ مدارس کو مشکوک بنانے کی سازشیں ناکام ہوں گی، قوم کا اعتماد ہمیشہ علمائے کرام اور دینی اداروں پر قائم رہے گا۔ پنجاب میں علماء کرام کو 25 ہزار روپے دینے کے اعلان پر ردعمل دیتے ہوئے انہوں نے کہا کہ حکمران کن قوتوں کے اشارے پر علماء کو خریدنے کی کوشش کر رہے ہیں۔ انہوں نے کہا کہ علماء دین کے سپاہی اور ملت کے رہبر ہیں، دولت یا دباؤ سے خریدے نہیں جا سکتے۔ جے یو آئی رہنما نے کہا کہ چند روپیوں کے عوض علماء کے ضمیر خریدنے کا خواب دیکھنے والے خود ذلت و رسوائی کا شکار ہوں گے۔
عالمی بینک نے پاکستان ڈیولپمنٹ اپ ڈیٹ رپورٹ 2025 جاری کردی