پالتو جانوروں کے ساتھ بے رحمی کرنے والوں کے خلاف کارروائیاں شروع
اشاعت کی تاریخ: 11th, July 2025 GMT
لاہور:
پنجاب وائلڈلائف کے بعد پولیس اینیمل ریسکیو سنٹر نے بھی گھروں میں رکھے پالتو جانوروں کے ساتھ بے رحمی کرنے والے شہریوں کے خلاف کارروائیاں شروع کردی ہیں۔
ایکسپریس نیوز کے مطابق لاہور کے ڈی ایچ اے فیز ٹو میں مبینہ طور پر جانوروں پر تشدد کرنے اور ویڈیو سوشل میڈیا پر شیئر کرنے والی والی ایک خاتون کے خلاف مقدمہ درج کیا گیا اور خاتون کے گھر سے تمام پالتو جانور اور پرندے ریسکیو کر لیے گئے ہیں۔
پولیس اینیمل ریسکیو سینٹر(پارک) لاہور کے مطابق خاتون کے قبضے سے 28 جانوروں کو ریسکیو کیا گیا ہے جن میں سانپ، کبوتر، عقاب، خرگوش سمیت دیگر شامل ہیں۔
سوشل میڈیا پلیٹ فارم انسٹاگرام پر ایک خاتون کی جانب سے خرگوش کی تصویر وائرل ہوئی جس میں خرگوش کو سر پر چوٹ کو دیکھا جا سکتا ہے، صارفین نے جب خرگوش سے متعلق پوچھا تو خاتون نے بتایا کہ اس نے اسے مار دیا ہے جس کے بعد خاتون نے ایک بلی کی تصویر پوسٹ کرتے ہوئے لکھا کیا کسی کو یہ بلی چاہیے یا میں اسے مار دوں۔
جانوروں پر تشدد کی ویڈیوز جانوروں کے حقوق کے لیے سرگرم کارکنان کے وٹس ایپ گروپ میں شیئر کی گئیں جس کے بعد پولیس سے رابطہ کیا گیا، پولیس نے اینیمل ریسکیو سینٹر لاہور میں تعینات سب انسپکٹر ڈاکٹر محمد بلال کی مدعیت میں مقدمہ درج کیا اور خاتون کے خلاف کارروائی عمل میں لائی گئی۔
ایکسپریس نیوز کو ڈاکٹر محمد بلال نے بتایا کہ سوشل میڈیا پر ویڈیو سامنے آنے کے بعد کارروائی کی گئی ہے۔
ڈاکٹر محمد بلال نے بتایا کہ پارک کے اہلکاروں اور پولیس نے مشترکہ طور پر ڈیفنس میں واقع خاتون کے گھر پر چھاپہ مارا جہاں سے مختلف جانور زخمی اور انتہائی بری حالت میں ملے۔
انہوں نے بتایا کہ کارروائی کے دوران سات بڑے اور دو چھوٹے خرگوش، دو بلی کے بچے، ایک مرغی، سات کبوتر، تین بطخیں اور دو چکور کے بچے انتہائی بری اور نازک حالت میں ملے، ایک کبوتر اور خرگوش زخمی حالت میں پائے گئے جنہیں قبضے میں لے لیا گیا، سانپ، چکور اور عقاب وائلڈلائف کے حوالے کردیے گئے اور باقی جانور پارک کی تحویل میں ہی ہیں۔
ڈاکٹر بلال کے مطابق خاتون کی ذہنی حالت ٹھیک نہیں ہے جس کے لیے ان کا میڈیکل کروایا جا رہا ہے اور مزید تفتیش جاری ہے جبکہ خاتون جانوروں سے محبت کرتی ہیں اور انہوں نے کافی وقت سے مختلف جانور اپنے پاس رکھے ہوئے تھے لیکن ساتھ ہی یہ بھی بتایا کہ 2015 سے خاتون ذہنی بیماری کا شکار ہے۔
انہوں نے بتایا کہ پولیس اینیمل ریسکیو سینٹر کو اب تک 1472 ایسے کیسز رپورٹ ہوئے ہیں جن میں 1550 جانوروں کو ریسکیو کیا گیا ہے، 1382 جانوروں کو ریسکیو کر کے شیلٹر پہنچایا جا چکا ہے۔
ان کا کہنا تھا کہ اب تک جانوروں پر تشدد یا دیگر واقعات سے متعلق 19 مقدمات درج کیے جا چکے ہیں جن میں 10 مقدمات کا تعلق جوئے میں جانوروں کے استعمال یا ان کی لڑائیوں سے ہے۔
.ذریعہ: Express News
کلیدی لفظ: اینیمل ریسکیو نے بتایا کہ جانوروں کے خاتون کے کے خلاف کیا گیا کے بعد
پڑھیں:
ون وے کی خلاف ورزی کرنے پر کتنے ماہ قید اور جرمانے کی سزا ہو سکتی ہے؟
اسلام آباد ٹریفک پولیس نے ٹریفک قوانین کی سنگین خلاف ورزیوں کے خلاف سخت کارروائی کا آغاز کردیا ہے۔ اور ’ون وے‘ کی خلاف ورزی پر اب صرف چالان نہیں بلکہ فوجداری مقدمات بھی درج کیے جا رہے ہیں، ون وے کی خلاف ورزی پر ایک دن میں 66 سے زیادہ مقدمات جبکہ 141 گاڑیاں اور موٹر سائیکل مختلف تھانوں میں بند کردیے گئے۔
وی نیوز نے یہ جاننے کی کوشش کی کہ ون وے کی خلاف ورزی کرنے والوں کے خلاف کس دفعہ کے تحت مقدمہ درج ہوتا ہے اور اس میں کتنی سزا اور جرمانہ ہو سکتا ہے۔
یہ بھی پڑھیں: اسلام آباد میں بغیر لائسنس گاڑی چلانے پر اب ایف آئی آر درج ہوگی، بڑا فیصلہ کرلیا گیا
اسلام آباد ٹریفک پولیس کے مطابق ون وے کی خلاف ورزی کرنے والوں کے خلاف تعزیراتِ پاکستان کی دفعہ 279 کے تحت مقدمات درج کیے جا رہے ہیں۔ یہ دفعہ ان افراد پر لاگو ہوتی ہے جو عوامی سڑکوں پر لاپرواہی یا خطرناک انداز میں گاڑی چلاتے ہیں اور کسی دوسرے کی جان کو خطرہ میں ڈالتے ہیں۔
قانون کے مطابق دفعہ 279 کے تحت مجرم کو کم از کم 2 ماہ قید اور زیادہ سے زیادہ 2 سال قید کی سزا دی جا سکتی ہے، جبکہ جرمانے کے حوالے سے عدالت کی صوابدید ہے کہ وہ کتنا بھاری جرمانہ کرے۔
ماضی میں مختلف کیسز میں ملزمان کو ایک ہزار روپے سے 4 ہزار روپے تک کی سزائیں ہوئی ہیں۔ ملزمان کو قید اور جرمانہ بیک وقت بھی دیا جا سکتا ہے البتہ یہ دفعہ قابل ضمانت ہے اور ملزم کو ضمانت پر رہائی مل جاتی ہے۔
یہ بھی پڑھیں: اسلام آباد ٹریفک پولیس کا ون وے خلاف ورزیوں کے خلاف کریک ڈاؤن، 249 مقدمات درج
اسلام آباد ٹریفک پولیس نے شہریوں سے اپیل کی ہے کہ ٹریفک قوانین کی پاسداری نہ صرف آپ کی بلکہ دوسروں کی زندگیوں کے تحفظ کے لیے بھی ضروری ہے۔ ون وے کی خلاف ورزی سنگین جرم ہے اور اس پر کوئی رعایت نہیں دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسلام آباد ٹریفک پولیس ٹریفک قوانین جرمانہ خلاف ورزی قید ون وے خلاف ورزی وی نیوز
شراب و اسلحہ برآمدگی کیس: وزیراعلیٰ علی امین گنڈاپور کے وارنٹ گرفتاری جاری