جعلی سرکاری آفیسر سِول لائن پولیس کےہتھےچڑھ گیا
اشاعت کی تاریخ: 12th, July 2025 GMT
سٹی42: لاہور میں سول لائن پولیس نے کارروائی کرتے ہوئے خود کو جعلی سرکاری افسر ظاہر کرنے والے ایک شخص کو گرفتار کر لیا۔ گرفتار ملزم عمران نہ صرف جعلی افسر بن کر گھوم رہا تھا بلکہ آئس نشہ آور مواد کی اسمگلنگ میں بھی ملوث نکلا۔
ایس پی سول لائنز کے مطابق پولیس نے دورانِ سنیپ چیکنگ مشکوک گاڑی کو روک کر تلاشی لی جس پر نیلی بتی اور جعلی سبز نمبر پلیٹ لگی ہوئی تھی۔ تلاشی کے دوران گاڑی کی سیٹ کے نیچے سے 100 گرام آئس کا پیکٹ برآمد ہوا۔
مون سون : لاہور سمیت کئی شہروں میں بارش
پولیس کے مطابق گرفتار ملزم عمران نے اعتراف کیا ہے کہ وہ جعلی سرکاری افسر بن کر آئس کی ڈلیوری کیا کرتا تھا تاکہ چیکنگ سے بچ سکے۔ اس نے سرکاری گاڑی کا تاثر دینے کے لیے پرائیویٹ گاڑی پر نیلی بتی اور سرکاری نمبر پلیٹ نصب کی ہوئی تھی۔
تفتیش کے دوران معلوم ہوا کہ ملزم عمران ضلع وہاڑی کا رہائشی ہے اور وہاڑی پولیس کو فراڈ اور چوری جیسے متعدد مقدمات میں مطلوب ہے۔پولیس نے ملزم عمران کے خلاف مقدمہ درج کرتے ہوئے اسے انویسٹی گیشن ونگ کے حوالے کر دیا ہے تاکہ مزید تحقیقات کی جا سکیں۔
بھارتی مسافرطیارہ کیسے گرا? ابتدائی رپورٹ سامنے آ گئی
.
ذریعہ
ذریعہ: City 42
کلیدی لفظ: سٹی42
پڑھیں:
کوٹ عبدالمالک: بیٹی‘ سابق بیوی پر تشدد‘ تیزاب پھینک دیا‘ دونوں جھلس گئیں
فیروزوالہ (نامہ نگار) شرقپور خورد کوٹ عبدالمالک میں ایک شخص وقاص احمد نے بیوٹی پارلر پر جا کر سابقہ بیوی مسرت بی بی اور جواں سال بیٹی ایمان فاطمہ کو تشدد کا نشانہ بنانے کے بعد تیزاب پھینک دیا جس سے مسرت بی بی جسم پر تیزاب پڑنے سے بری طرح جھلس گئی جبکہ ایمان فاطمہ معمولی زخمی ہوئی۔ دریں اثناء ایس ایچ او کوٹ عبدالمالک نے بتایا ہے کہ ملزم وقاص احمد نشہ کا عادی ہے۔ وقوعہ کے وقت وقاص احمد اپنی بیٹی ایمان فاطمہ کو ملنے کی خاطر سابقہ بیوی مسرت بی بی کے بیوٹی پارلر پر آیا جہاں مسرت بی بی نے بیٹی کو ملانے سے انکار کر دیا۔ ملزم شیخوپورہ کے قریب قصبہ بھکھی میں رہ رہا ہے جس کو گرفتار کرنے کی خاطر اس کے تمام ممکنہ ٹھکانوں پر چھاپے مارے جا رہے ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ