کراچی: بجلی اور گیس کی بندش پر احتجاج، قیوم آباد سے مائی کلاچی تک ٹریفک جام
اشاعت کی تاریخ: 12th, July 2025 GMT
data-id="863a0a8" data-element_type="widget" data-widget_type="theme-post-content.default">کراچی کے پنجاب کالونی انڈر پاس کے قریب رہائشیوں نے طویل اور غیر اعلانیہ لوڈشیڈنگ کے خلاف احتجاج کرتے ہوئے دونوں ٹریکس بند کر دیے، جس کے نتیجے میں قیوم آباد سے کراچی پورٹ ٹرسٹ (کے پی ٹی) فلائی اوور اور پنجاب چورنگی سے مائی کلاچی روڈ تک کنٹینرز، ٹرکوں اور ہیوی گاڑیوں کی طویل قطاریں لگ گئیں۔
بندرگاہ سے صنعتی علاقوں کو جانے والی اہم سڑکوں پر ٹریفک جام نے موٹرسائیکل سواروں اور کار مالکان کو شدید مشکلات سے دوچار کر دیا۔ احتجاج علی الصبح شروع ہوا اور دو پولیس موبائلز موقع پر تعینات ہونے کے باوجود کئی گھنٹے تک صورتحال جوں کی توں رہی۔
مظاہرین نے انڈر پاس کے ایک ٹریک پر تین گاڑیاں کھڑی کر کے ٹریفک کی روانی مکمل طور پر معطل کر دی۔ رہائشیوں کا کہنا تھا کہ وہ شکایات کرنے کے باوجود طویل اور غیر اعلانیہ لوڈشیڈنگ سے نجات حاصل نہیں کر سکے، جس پر مجبور ہو کر سڑکوں پر نکلنے کا فیصلہ کیا۔
کورنگی جام صادق سے کے پی ٹی فلائی اوور، قیوم آباد چورنگی، ڈیفنس موڑ، گذری موڑ اور پنجاب چورنگی تک کنٹینرز، ٹرکوں اور آئل ٹینکرز کی قطاریں لگی رہیں۔ ہفتے کے روز صبح دفاتر اور دیگر مقامات پر جانے والے شہری پبلک ٹرانسپورٹ نہ ملنے کے باعث سڑکوں پر بے یار و مددگار نظر آئے۔
شہر قائد میں معمولی شکایات پر بھی اہم شاہراہیں بند کر دینا معمول بن چکا ہے، جس سے نہ صرف لاکھوں افراد کا روزمرہ متاثر ہوتا ہے بلکہ بندرگاہ سے اندرون ملک جانے والا کارگو بھی تاخیر کا شکار ہو جاتا ہے۔
بالآخر پولیس حکام نے دن 11 بجے کے قریب مظاہرین سے مذاکرات کر کے سڑک ٹریفک کے لیے کھلوا دی۔
.ذریعہ: Jasarat News
پڑھیں:
کراچی سمیت ملک بھر کے صارفین کےلئے بجلی مہنگی کرنے کی تیاری
data-id="863a0a8" data-element_type="widget" data-widget_type="theme-post-content.default">
کراچی: کراچی سمیت ملک بھر کے بجلی صارفین کے لیے بری خبر ہے، ماہانہ ایڈجسٹمنٹ کی مد میں بجلی19 پیسے فی یونٹ مہنگی کرنے کی درخواست نیشنل الیکٹرک پاور ریگولیٹری اتھارٹی (نیپرا) میں دائر کی گئی ہے۔ سی پی پی اے نے اگست 2025 کی ماہانہ ایڈجسٹمنٹ کی درخواست جمع کرائی ہے، نیپرا کا بجلی مہنگی کرنے کی درخواست پر 29 ستمبر کو سماعت کرنے کا فیصلہ کر لیا۔
میڈیا ذرائع کے مطابق حکومتی پالیسی گائیڈلائنز کے مطابق ماہانہ ایڈجسٹمنٹ کا اطلاق کےالیکڑک صارفین پر بھی ہوگا، اکتوبرکے بلوں میں اگست کی ماہانہ ایڈجسٹمنٹ کا اطلاق کیے جانےکا امکان ہے۔
واضح رہے کہ نیپرا نےگزشتہ ہفتےکے الیکٹرک کےلیے جون اور جولائی کی ماہانہ ایڈ جسٹمنٹس کا نوٹیفکیشن کیا تھا ۔اس وقت کے الیکٹرک صارفین کو2 ماہانہ ایڈجسٹمنٹس میں 2 روپے57 پیسےکمی کاریلیف مل رہا ہے، باقی صارفین کےلیےجولائی کی ایڈ جسٹمنٹ میں ایک روپے 79 پیسےکی کمی کی گئی تھی۔
ڈسکوزصارفین کوجولائی کی ایڈجسٹمنٹ کاریلیف رواں ماہ کےبلوں میں مل رہاہے۔
سندھ میں سیلاب سے نقصانات؛ حکومت اور جائیکا کا متاثرہ کسانوں کیلیے اقدامات کا اعلان