لاہور سے کراچی کے بجائے جدہ پہنچنے والے مسافر کا نجی ایئر لائن انتظامیہ کو لیگل نوٹس
اشاعت کی تاریخ: 12th, July 2025 GMT
—علامتی تصویر
لاہور سے کراچی کے بجائے جدہ پہنچنے والے مسافر شاہ زین نے نجی ایئر لائن کی انتظامیہ کو لیگل نوٹس بھیج دیا۔
نوٹس میں کہا گیا ہے کہ نجی ایئر لائن کی سنگین غفلت سے سعودی عرب میں پریشانی کا سامنا ہوا۔
شہری کا کہنا ہے کہ سندھ کنزیومر پروٹیکشن ایکٹ 2014ء کی خلاف ورزی کے تحت نجی ایئر لائن کو نوٹس بھیجا ہے۔
دنیا بھر میں ایئر لائنز کی مختلف غلطیاں تو سامنے آتی رہتی ہیں لیکن پاکستان کی نجی ایئر لائن نے لاہور سے کراچی کے ڈومیسٹک مسافر کو پاسپورٹ اور ویزے کے بغیر جدہ پہنچا دیا۔
نوٹس میں کہا گیا ہے کہ 7 جولائی 2025ء کو نجی ایئر لائن کی لاپروائی کے سبب لاہور سے کراچی کی بجائے جدہ پہنچا۔
شہری نے نوٹس میں کہا ہے کہ بغیر دستاویزات پہنچنے پر سعودی امیگریشن اتھارٹیز کی پوچھ گچھ سے پریشانی کا سامنا کرنا پڑا۔
نوٹس میں شہری کی جانب سے یہ بھی کہا گیا ہے کہ ایئر لائن کی غلطی کے باعث اضافی سفری اخراجات برداشت کرنے پر مجبور ہوا۔
.ذریعہ: Jang News
کلیدی لفظ: لاہور سے کراچی نجی ایئر لائن ایئر لائن کی نوٹس میں
پڑھیں:
ہرجانہ کیس میں اہم پیش رفت
اسلام آباد(نیوز ڈیسک)وزیراعظم شہباز شریف کی جانب سے بانی پاکستان تحریک انصاف کے خلاف 8 سال سے جاری 10 ارب ہرجانہ کیس میں اہم پیش رفت ہوئی ہے۔
نجی ٹی وی کے مطابق لاہور کی سیشن عدالت نے وزیراعظم شہباز شریف کی جانب سے بانی پی ٹی آئی عمران خان کے خلاف 10 ارب ہرجانہ کیس میں لیگل نوٹس کو ریکارڈ کا حصہ بنانے کی وزیراعظم کی درخواست منظور کرتے ہوئے لیگل نوٹس کو ریکارڈ کا حصہ بنانے کی اجازت دے دی ہے۔
وزیراعظم شہباز شریف نے لیگل نوٹس کو دعوے کے ساتھ ریکارڈ کا حصہ بنانے کی عدالت سے استدعا کر رکھی تھی۔ ان پر جرح کے دوران عمران خان کے وکیل حسین چوٹیا نے اعتراض اٹھاتے ہوئے کہا تھا کہ وزیراعظم نے بانی پی ٹی آئی کو لیگل نوٹس نہیں بھجوائے اور لیگل نوٹس بھجوائے بغیر دعویٰ قابل سماعت نہیں ہے۔
اس کیس کا آغاز 2017 میں اس وقت ہوا تھا، جب اس وقت کے وزیراعلیٰ پنجاب شہباز شریف نے بانی پی ٹی آئی عمران خان کو ان پر پاناما لیکس پر 10 ارب روپے رشوت کی پیشکش کا الزام لگانے پر 10 ارب ہرجانے کا دعویٰ دائر کیا تھا۔
شہباز شریف نے اس حوالے سے اس وقت اپنے وکیل کے ذریعہ عمران خان کو لیگل نوٹس بھی بھیجا تھا۔ اس لیگل نوٹس میں بانی پی ٹی آئی کے بیان کو سراسر جھوٹ قرار دیتے ہوئے کہا تھا کہ ان کے اس بیان سے مجھے اور میرے خاندان کو ذہنی اذیت کا سامنا کرنا پڑا اور ساکھ بھی بری طرح متاثر ہوئی ہے۔
بعد ازاں عدالت نے مذکورہ کیس کی سماعت کرتے ہوئے کئی بار عمران خان کو کئی بار نوٹس بھی جاری کیے تھے۔
یادرہے کہ عمران خان نے دعویٰ کیا تھا کہ پاناما لیکس پر انہیں خاموش رہنے کے لیے شہباز شریف اور حمزہ شہباز کے مشترکہ دوست نے 10 ارب روپے دینے کی پیشکش کی تھی۔
مزیدپڑھیں:عمران خان کے بچے قانونی دائرے میں رہ کر تحریک چلائیں،عرفان صدیقی
اسرائیل نے مجھے قتل کرنے کی کوشش کی ، ایرانی صدر نے تفصیلات بیان کردیں