سیمنٹ کی آڑ میں چھالیہ کی کھیپ کراچی اسمگل کرنے کی کوشش ناکام
اشاعت کی تاریخ: 13th, July 2025 GMT
کراچی:
موچکو پولیس نے لاکھوں روپے مالیت کی چھالیہ اسمگل کرنے کی کوشش ناکام بنادی۔
ایس ایس پی کیماڑی فیضان علی کے مطابق موچکو چیک پوسٹ پر پولیس نے دوران چیکنگ حب چوکی سے آنے والے سیمنٹ سے بھرے ٹرک کوچیک کیا جس پر بظاہر سیمنٹ کی 340 بوریاں موجود تھیں۔
چیکنگ کے دوران صرف 193 بوریوں میں سیمنٹ نکلا جبکہ باقی 147 بوریوں میں سے چھالیہ برآمد ہوئی۔
برآمد کی جانے والی چھالیہ کا مجموعی وزن 3001 کلو گرام ہے، چھالیہ کو سیمنٹ لے جانے کی آڑ میں بوریوں میں چھپا کر کراچی اسمگل کیا جارہا تھا۔
چھالیہ شہر کے مختلف علاقوں میں ترسیل کرکے گٹکا، ماوا اور دیگر کاموں میں استعمال ہونا تھی جس کو ناکام بنادیا گیا۔
کارروائی کے دوران ٹرک ڈرائیور محمد نصیر ولد عبدالستار کو حراست میں لے لیا گیا، ٹرک کو کسٹم حکام کے سپرد کردیا گیا۔
.
ذریعہ
ذریعہ: Express News
پڑھیں:
کراچی میں کھلے مین ہول میں گر کر 7 سالہ بچہ جاں بحق
شہر قائد کے علاقے مواچھ گوٹھ میں کھلے مین ہول میں گر کر 7 سالہ بچہ جاں بحق ہوگیا۔
ایکسپریس نیوز کے مطابق مواچھ گوٹھ کے نور شاہ محلے میں 7 سالہ بچہ کھلے مین ہول میں گرکر جاں بحق ہوا جس کی شناخت جہانگیر کے نام سے کی گئی۔
ایس ایچ او موچکو واقعے کی تصدیق کی اور بتایا کہ بچہ گھر کے قریب کھیلتے ہوئے کھلے مین ہول میں گرا۔
کھلے مین ہول میں گرکر بچے کی ہلاکت پر اہل خانہ شدت غم سے نڈھال ہوگئے اور واقعے کے بعد علاقہ مکینوں میں شدید اشتعال پھیل گیا۔
مواچھ گوٹھ میں کھلے مین ہول میں گرنے سے بچے کی ہلاکت کے بعد علاقہ مکینوں نے بچے کی میت رکھ کر احتجاج کیا اور حب ریور روڈ و ناردرن بائی پاس پر ٹریفک کو بند کردیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی