پاکستان علما کونسل کا اقوام متحدہ میں فلسطینی ریاست کے قیام سے متعلق کانفرنس کی تائید کا اعلان
اشاعت کی تاریخ: 28th, July 2025 GMT
پاکستان علما کونسل نے کہا ہے کہ ہم اقوام متحدہ میں فلسطین کے مسئلہ پر سعودی عرب اور فرانس کی صدارت میں ایک آزاد و خود مختار فلسطینی ریاست کے قیام کے لیے ہونےوالی تاریخی کانفرنس کا نہ صرف خیر مقدم کرتے ہیں بلکہ اس کی مکمل تائید کرتے ہیں۔
یہ بھی پڑھیں: اقوام متحدہ میں عالمی کانفرنس کی تیاریاں، سعودی عرب فلسطینی ریاست کے قیام کے لیے سرگرم
چیئرمین پاکستان علما کونسل و سیکریٹری جنرل انٹرنیشنل تعظیم حرمین شریفین کونسل حافظ محمد طاہر محمود اشرفی، مولانا حافظ مقبول احمد، مولانا محمد شفیع قاسمی، علامہ طاہر الحسن، مولانا اسد اللہ فاروق، مولانا طاہر عقیل اعوان، مولانا عزیز اکبر قاسمی، مولانا محمد اشفاق پتافی، مولانا محمد اسلم صدیقی، قاری مبشر رحیمی، مولانا انوار الحق مجاہد نے اس حوالے سے مشترکہ بیان جاری کیا ہے۔
بیان میں کہا گیا ہے کہ ہم امید کرتے ہیں کہ ہمارے وزیر خارجہ اور نائب وزیر اعظم اسحاق ڈار، وزیر اعظم میاں شہباز شریف اور سپہ سالار فیلڈ مارشل جنرل حافظ سید عاصم منیر کے ویژن اور سوچ کے مطابق پاکستان کے عوام کے جذبات اور احساسات کی نمائندگی کریں گے۔
انہوں نے کہاکہ یہ کانفرنس سعودی عرب کے ولی عہد شہزادہ محمد بن سلمان کی طرف سے کی جانے والی فلسطین کے لیے جدوجہد اور کوششوں کا حصہ ہے۔
بیان میں کہا گیا ہے کہ فرانس نے فلسطین کو ریاست تسلیم کرنے کا اعلان کیا ہے، ہم امید رکھتے ہیں کہ اس کانفرنس میں برطانیہ اور یورپی ممالک بھی اس حوالے سے ایک قدم آگے بڑھیں گے اور امریکا سے بھی ہمیں یہی امید ہے۔
بیان میں کہا گیا ہے کہ امریکی صدر ڈونلڈ ٹرمپ سے یہ اپیل کرتے ہیں کہ وہ آگے بڑھیں اور سعودی ولی عہد شہزادہ محمد بن سلمان کے ویژن اور سوچ کو جو انہوں نے خادم الحرمین شریفین شاہ سلمان بن عبد العزیز کی سرپرستی میں دنیا کے سامنے رکھی ہے کہ ایک آزاد و خود مختار فلسطینی ریاست کا قیام جس کا دارالخلافہ القدس شریف ہو اس کی تکمیل میں اس وقت فلسطینیوں کا ساتھ دیں۔
یہ بھی پڑھیں: فرانس کے فلسطینی ریاست کو تسلیم کرنے کے اعلان کا سعودی عرب کی جانب سے خیرمقدم
بیان میں مزید کہا گیا کہ فلسطینی اسرائیلی جارحیت کا شکار ہیں اور پانی اور غذا نہ ہونے کی وجہ سے شہید ہو رہے ہیں۔ ہمیں توقع ہے کہ انشااللہ یہ کانفرنس کامیاب ہوگی، اس کانفرنس کی کامیابی کے لیے جس طرح سعودی ولی عہد شہزادہ محمد بن سلمان کوشش کررہے ہیں، ترکیہ کے صدر رجب طیب اردوان، وزیراعظم پاکستان شہباز شریف، امیر قطر اور دیگر عالم اسلام کے رہنما اس میں اپنا بھرپور کردار اور حصہ ڈالیں گے اور انشااللہ یہ کانفرنس فلسطینیوں کی ایک آزاد و خود مختار ریاست کی ضامن بنے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد فلسطینی ریاست اسحاق ڈار اقوام متحدہ پاکستان علما کونسل سعودی عرب شہزادہ محمد بن سلمان مکمل تائید کا اعلان وی نیوز.ذریعہ: WE News
کلیدی لفظ: ا زاد فلسطینی ریاست اسحاق ڈار اقوام متحدہ پاکستان علما کونسل مکمل تائید کا اعلان وی نیوز پاکستان علما کونسل فلسطینی ریاست اقوام متحدہ کرتے ہیں کہا گیا کے لیے
پڑھیں:
الفاشر پر آر ایس ایف کے قبضے کے بعد شہر جہنم میں تبدیل ہو گیا ہے، اقوام متحدہ
اقوام متحدہ کی سلامتی کونسل کو بریفنگ دیتے ہوئے عالمی تنظیم کے ریلیف چیف ٹام فلیچر نے کہا کہ خواتین اور لڑکیوں کی عصمت دری کی جا رہی ہے، لوگوں کو مسخ اور قتل کیا جا رہا ہے، اور یہ سب کچھ مکمل استثنیٰ کے ساتھ ہو رہا ہے۔ اسلام ٹائمز۔ اقوام متحدہ کے اعلیٰ عہدیداروں نے خبردار کیا ہے کہ سوڈان کے شمالی دارفور کے دارالحکومت الفاشر پر آر ایس ایف ملیشیا کے قبضے کے بعد شہر ’’مزید گہری جہنم‘‘ میں تبدیل ہو گیا ہے۔ پانچ سو روزہ محاصرے کے بعد جب باغیوں نے شہر پر قبضہ کیا تو ہزاروں افراد پیدل ہی بھاگنے پر مجبور ہو گئے، جبکہ اجتماعی قتل، عصمت دری اور بھوک سے اموات کی اطلاعات موصول ہو رہی ہیں۔ اقوام متحدہ کی سلامتی کونسل کو بریفنگ دیتے ہوئے عالمی تنظیم کے ریلیف چیف ٹام فلیچر نے کہا کہ خواتین اور لڑکیوں کی عصمت دری کی جا رہی ہے، لوگوں کو مسخ اور قتل کیا جا رہا ہے، اور یہ سب کچھ مکمل استثنیٰ کے ساتھ ہو رہا ہے۔ انہوں نے مزید کہا کہ ہم ان چیخوں کو نہیں سن سکتے، مگر آج جب ہم یہاں بیٹھے ہیں، یہ ہولناکیاں جاری ہیں۔فلیچر کے مطابق آر ایس ایف نے سوڈانی مسلح افواج (ایس اے ایف) کے آخری بڑے گڑھ پر قبضے کے بعد گھر گھر تلاشی شروع کی اور فرار کی کوشش کرنے والے شہریوں کو اجتماعی طور پر ہلاک کیا۔ سعودی زچگی اسپتال سمیت کئی طبی مراکز نشانہ بنے، جہاں اطلاعات کے مطابق تقریباً 500 مریض اور ان کے تیماردار مارے گئے۔
انہوں نے بتایا کہ دسیوں ہزار خوف زدہ اور بھوکے شہری نقل مکانی پر مجبور ہیں۔ جو نکلنے میں کامیاب ہوئے، ان میں اکثریت خواتین، بچوں اور بزرگوں کی ہے، مگر وہ بھی راستے میں لوٹ مار، تشدد اور جنسی حملوں کا نشانہ بن رہے ہیں۔ افریقہ کے لیے اقوام متحدہ کی اسسٹنٹ سیکریٹری جنرل مارٹھا پو بی نے کہا کہ الفاشر کا سقوط سوڈان اور پورے خطے کے لیے سلامتی کے منظرنامے میں ایک سنگین تبدیلی ہے۔ انہوں نے خبردار کیا کہ اس کے اثرات نہایت گہرے اور خطرناک ہوں گے۔ انہوں نے بتایا کہ کردوفان کے علاقے میں بھی لڑائی تیز ہو چکی ہے جہاں آر ایس ایف نے گزشتہ ہفتے اسٹریٹجک قصبہ بارا پر قبضہ کیا، جبکہ دونوں فریقوں کی جانب سے کیے جانے والے ڈرون حملے اب بلیو نیل، جنوبی کردوفان، مغربی دارفور اور خرطوم تک پھیل چکے ہیں۔
اقوام متحدہ کے انسانی حقوق کے دفتر (او ایچ سی ایچ آر) نے الفاشر اور بارا میں اجتماعی قتل، فوری سزائے موت اور نسلی انتقام کی دستاویزات تیار کی ہیں۔ بارا میں گزشتہ دنوں کم از کم 50 شہری ہلاک ہوئے جن میں سوڈانی ریڈ کریسنٹ کے پانچ رضاکار بھی شامل ہیں۔ ٹام فلیچر نے کہا کہ الفاشر میں جو کچھ ہو رہا ہے وہ 20 سال قبل دارفور میں پیش آنے والے مظالم کی یاد دلاتا ہے، مگر اس بار دنیا کی بے حسی زیادہ خوفناک ہے۔ انہوں نے کہا کہ یہ بحران دراصل عالمی لاپرواہی اور بین الاقوامی قانون کی ناکامی کی علامت ہے۔
کراچی میں کیمیکل ملے دودھ کی فروخت کا انکشاف، 27 دکانیں سیل