کراچی: مرد اورخاتون کے قتل کا مقدمہ نامعلوم مسلح ملزمان کے خلاف درج
اشاعت کی تاریخ: 29th, July 2025 GMT
کلفٹن چائنہ پورٹ کے قریب مرد اورخاتون کو فائرنگ کرکے قتل کرنے کے واقعہ کا مقدمہ سرکار مدعیت میں نامعلوم مسلح ملزمان کے خلاف درج کرلیا گیا۔
پیرکو بوٹ بیسن تھانے کے علاقے کلفٹن بلاک 2 چائنہ پورٹ کے قریب سے مرد اورخاتون کی لاشیں ملی تھی جنہیں نامعلوم مسلح ملزمان نے فائرنگ کرکے قتل کیا تھا۔
فنگرپرنٹس کی مدد سے مرد کی شناخت28 سالہ ساجد مسیح اورخاتون کی 25 سالہ شناخت ثنا آصف کے نام سے کی گئی تھی۔
مقتولین گجراں والہ کے رہائشی تھے، پولیس نے قانونی کارروائی کے بعد مقتولین کی لاش سردخانے منتقل کردی تھیں۔
بوٹ بیسن پولیس نے واقعے کامقدمہ سرکارمدعیت میں قتل کی دفعہ کے تحت نامعلوم مسلح ملزمان کے خلاف درج کرلیا۔
مقدمے کے متن کے مطابق پیرکی صبح اطلاع ملی کہ سمندرکے قریب جھاڑیوں سے دولاشیں ملی ہیں، پولیس کی ٹیم موقع پر پہنچی تومعلوم ہوا کہ لاشیں مرد اورخاتون کی ہیں دونوں افراد کوگولیاں مارکرقتل کیا گیا۔
کارروائی کے بعد دونوں لاشوں کو جناح اسپتال منتقل کردیا گیا، دونوں لاشوں کا پوسٹ مارٹم کیا گیا۔
خاتون اورمرد دونوں کو سرکے پیچھے ایک ایک گولی ماری گئی، دونوں لاشوں کی شناخت فنگر پرنٹنس سے کی گئی ہے۔
پولیس کے مطابق واقعے میں دو ہتھیاروں کا استعمال کیا گیا ہے، جائے وقوعہ سے ملنے والے گولیوں کے چلیدہ خولوں کومحفوظ کرکے فارنزک لیبارٹری تجزیے کے لیے بھیج دیا گیا ہے۔
پولیس کا مقتولین کے اہلخانہ سے رابطہ ہوگیا ہے مقتولین کے اہلخانہ نے کراچی آنے کا کہا ہے جس کے بعد مزید قانونی کارروائی آگے بڑھائی جائے گی۔
.ذریعہ: Express News
کلیدی لفظ: نامعلوم مسلح ملزمان مرد اورخاتون
پڑھیں:
سندھ رینجرز کی کارروائی، فتنہ الخوارج کے 3 انتہائی مطلوب دہشت گرد گرفتار
کراچی ( نیوزڈیسک) سندھ رینجرز نے خفیہ معلومات پر کارروائی کرتے ہوئے کراچی کے علاقے منگھوپیر روڈ کنواری کالونی سے فتنہ الخوارج کے 3 انتہائی مطلوب دہشت گردوں کو گرفتار کر لیا۔
ترجمان رینجرز کے مطابق گرفتار ملزمان کی شناخت زید اللہ عرف زیدو، نور زادہ اور حضرت عثمان کے نام سے ہوئی۔
رینجرز حکام کا کہنا ہے کہ گرفتار ملزمان خوارجی امیرشمس القیوم عرف زاویل عرف زعفران کے قریبی ساتھی تھے، دورانِ تفتیش ملزمان نے انکشاف کیا کہ وہ علاقے کے لوگوں کے فون نمبرز شمس القیوم کو فراہم کرتے تھے، جس کے بعد وہ ان نمبرز پر بھتہ وصولی کیلئے کال کرتا تھا۔
ترجمان کے مطابق گرفتار ملزمان نے بھتہ وصولی اور لینڈ گریبنگ میں ملوث ہونے کا بھی اعتراف کیا ہے، ملزم نور زادہ اور حضرت عثمان کے بھائی پہلے ہی خوارج کے نیٹ ورک میں مارے جا چکے ہیں۔
ترجمان نے بتایا کہ ملزم زید اللہ عرف زیدو تھانہ ایکسائز کورنگی اور اے این ایف کو بھی مطلوب تھا، گرفتار ملزمان کو مزید قانونی کارروائی کیلئے پولیس کے حوالے کر دیا گیا ہے۔
پاکستان نے بھارت کے 7 بالکل نئے خوبصورت طیارے مار گرائے، ٹرمپ