سابق کینیڈین وزیراعظم کی امریکی گلوکارہ سے قربتیں، سیر و تفریح اور پرتعیش عشائیہ
اشاعت کی تاریخ: 30th, July 2025 GMT
معروف امریکی گلوکارہ کیٹی پیری اور کینیڈا کے سابق وزیراعظم جسٹن ٹروڈو نے پیر، 28 جولائی کی شام مونٹریال کے معروف ریسٹورنٹ لی وائلن میں ایک ساتھ عشائیہ کیا، جسے ریسٹورنٹ انتظامیہ نے ’شاندار شام‘ قرار دیا ہے۔
تفصیلات کے مطابق دونوں شخصیات نے نہ صرف مشہور شیف ڈینی اسمایلز سے ملاقات کی بلکہ کھانے کے بعد کچن میں جاکر عملے کا شکریہ بھی ادا کیا۔
یہ بھی پڑھیں: جسٹن ٹروڈو کی کینیڈین پارلیمنٹ سے ’چنچل‘ اخراج کی تصویر وائرل
ریسٹورنٹ کے ترجمان کے مطابق ’کیٹی اور جسٹن نے ایک شاندار اور خوشگوار شام گزاری۔ وہ عملے کے ساتھ نہایت خوش اخلاق اور دوستانہ انداز میں پیش آئے، ان کی موجودگی ہمارے لیے باعثِ افتخار تھی۔‘
شام کے آغاز میں کیٹی پیری اور جسٹن ٹروڈو کو مونٹریال کے ’ماؤنٹ رائل پارک‘ میں سیر کرتے ہوئے بھی دیکھا گیا، جہاں دونوں ہلکے پھلکے اور آرام دہ لباس میں خوشگوار موڈ میں نظر آئے۔
یہ بھی پڑھیں: کینیڈا کے وزیر اعظم جسٹن ٹروڈو اور اہلیہ میں علیحدگی کیوں ہوئی؟
یہ ملاقات ایسے وقت پر ہوئی ہے جب کیٹی پیری نے حال ہی میں اداکار اور منگیتر اورلینڈو بلوم سے 9 سالہ تعلق کے اختتام کی تصدیق کی ہے۔ دوسری جانب جسٹن ٹروڈو اور ان کی اہلیہ صوفی گریگور ٹروڈو نے اگست 2023 میں 18 سالہ ازدواجی زندگی کے بعد علیحدگی اختیار کرنے کا اعلان کیا تھا۔ ان کے تین بچے ہیں: زاویئر، عمر 17 سال، ایلا-گریس، عمر 16 سال، اور ہادریئن، عمر 11 سال۔
اگرچہ دونوں شخصیات کی اس ملاقات پر سوشل میڈیا پر چہمیگوئیاں شروع ہو گئی ہیں، تاہم ابھی تک کسی بھی جانب سے اس ملاقات کو ذاتی تعلقات سے جوڑنے کی تصدیق نہیں کی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اعشائیہ جسٹن ٹروڈو قربتیں کیٹی پیری کینیڈا کینیڈین وزیراعظم لی وائلن.
ذریعہ
ذریعہ: WE News
کلیدی لفظ: اعشائیہ جسٹن ٹروڈو قربتیں کیٹی پیری کینیڈا کینیڈین وزیراعظم لی وائلن
پڑھیں:
شہباز شریف کا کامیاب انسدادِ دہشت گردی کارروائیوں پر سکیورٹی فورسز کو خراجِ تحسین
بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کرتے ہوے وزیراعظم کا کہنا تھا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے۔ اسلام ٹائمز۔ وزیراعظم محمد شہباز شریف نے بلوچستان میں کامیاب انسدادِ دہشت گردی کارروائیوں پر سکیورٹی فورسز کو خراجِ تحسین پیش کیا، انہوں نے بلوچستان کے مختلف اضلاع میں کامیاب انٹیلی جنس بیسڈ آپریشنز پر سکیورٹی فورسز کی پیشہ ورانہ صلاحیتوں اور بہادری کو سراہا۔ شہباز شریف نے بھارتی سرپرستی میں سرگرم 17 فتنہ الہندوستان کے دہشت گردوں کو ہلاک کرنے پر سکیورٹی فورسز کو خراج تحسین پیش کیا۔ وزیراعظم نے کہا کہ قوم اپنی بہادر افواج اور قانون نافذ کرنے والے اداروں کی قربانیوں اور خدمات کو قدر کی نگاہ سے دیکھتی ہے، دہشت گردی کے خلاف جنگ میں سکیورٹی فورسز کی کامیابیاں پوری قوم کے عزم اور اتحاد کی عکاس ہیں۔
شہباز شریف نے کہا کہ بھارتی سرپرستی میں سرگرم دہشت گرد عناصر کے ناپاک عزائم کو ہر قیمت پر ناکام بنایا جائے گا، پاکستان سے دہشت گردی کے مکمل خاتمے تک انسدادِ دہشت گردی کی کارروائیاں جاری رہیں گی۔ وزیراعظم نے کہا کہ دہشت گردی کے ناسور کے مکمل خاتمے کے لیے حکومت سکیورٹی فورسز اور قانون نافذ کرنے والے اداروں کے شانہ بشانہ کھڑی ہے، پاکستان کے امن، استحکام اور ترقی کے خلاف ہر سازش کو ناکام بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ