پاک-چین بزنس ٹو بزنس تعاون سے سی پیک کا دائرہ وسیع ہوگا، احسن اقبال
اشاعت کی تاریخ: 2nd, August 2025 GMT
بیجنگ:
وفاقی وزیر منصوبہ بندی ترقی اور خصوصی اقدامات احسن اقبال نے کہا ہے کہ حالیہ علاقائی کشیدگی میں چین نے پاکستان کی غیر مشروط حمایت جاری رکھی، سی پیک کا سفر کاغذ سے اربوں ڈالر کے منصوبے تک پہنچا ہے پاک-چین دوستی بدلتے حالات اور ہر دور میں نئی توانائی کے ساتھ مضبوط تر ہوتی جا رہی ہے۔
وزیرمنصوبہ بندی احسن اقبال نے دورہ چین کے موقع پر چین کے نائب وزیر خارجہ سن ویڈونگ سے ملاقات کی، ملاقات میں باہمی دلچسپی، سی پیک فیز ٹو کے تحت صنعتی اور بزنس ٹو بزنس تعاون پر تفصیلی تبادلہ خیال کرتے ہوئے دونوں وزرا نے دوطرفہ تعلقات کو مزید مستحکم بنانے کے عزم کا اظہار کیا۔
احسن اقبال نے کہا کہ سن ویڈونگ کے پاکستان میں زمانہ سفارت کاری کے دوران ہم نے سی پیک کا سفر اربوں ڈالر کے منصوبے تک پہنچایا۔
انہوں نے کہا کہ حالیہ علاقائی کشیدگی میں چین نے پاکستان کی غیر مشروط حمایت جاری رکھی، پاکستانی عوام چین کی قیادت اور عوام کی لازوال دوستی پر ناز کرتے ہیں، پاک-چین دوستی بدلتے حالات اور ہر دور میں نئی توانائی کے ساتھ مضبوط ہوتی جا رہی ہے۔
وفاقی وزیر نے کہا کہ چین کی ترقی کا ماڈل ہمارے لیے مشعل راہ ہے، پاکستان چین کے تجربات سے مستفید ہو کر برآمدات اور ٹیکنالوجی کی بنیاد پر معیشت کی تشکیل کی جانب گامزن ہے۔
انہوں نے کہا کہ ااڑان پاکستان کا فائیو ایز فریم ورک سی پیک فیز ٹو کے وژن سے ہم آہنگ ہے، اڑان پاکستان کا مرکزی مقصد عوام دوست اصلاحات کے ذریعے معاشی، سماجی اور معاشرتی استحکام کو یقینی بنانا ہے۔
احسن اقبال نے کہا کہ سی پیک فیز ٹو میں صنعتی اور تکنیکی شعبے اہم ہوں گے، چین کی قیادت عالمی امن کے لیے مثالی کردار ادا کر رہی ہے۔
وفاقی وزیر نے مزید کہا کہ ہماری ترجیح ایک باصلاحیت، تعلیم یافتہ اور ہنر مند افرادی قوت کی تیاری ہے، بزنس ٹو بزنس تعاون سے سی پیک کا دائرہ وسیع ہوگا۔
چین کے نائب وزیر خارجہ سن ویڈونگ نے کہا کہ چین مختلف شعبوں میں پاکستان کے ساتھ تعاون کو فروغ دینے کے لیے پرعزم ہے، پاکستان کے فائیو ایز فریم ورک سے معاشی استحکام اور خود انحصاری کے امکانات روشن ہیں۔
انہوں نے کہا کہ سی پیک منصوبوں میں قائدانہ اور کلیدی کردار پر چین میں احسن اقبال کو قدر کی نگاہ سے دیکھا جاتا ہے۔
.ذریعہ: Express News
کلیدی لفظ: احسن اقبال نے سی پیک کا نے کہا کہ چین کے
پڑھیں:
سرپرست اعلٰی پاکستان بزنس فورم یورپ محمد ابراہیم ڈار نے سابق نگران وفاقی وزیر میاں مصباح الرحمن کے اعزاز میں دعوت کا اہتمام کیا
پیرس ( اُردو پوائنٹ اخبارتازہ ترین۔ 02 اگست 2025ء ) کاروباری اداروں اور کاروباری افراد کا کسی بھی ملک کی ترقی میں اہم کردار ہوتا ہے، اوورسیز پاکستانی بزنسمین دنیا بھر میں پاکستان کا مثبت امیج پیش کررہے ہیں، ان خیالات کا اظہار سابق نگران وزیر و سابق صدر لاہور چیمبر میاں مصباح الرحمن نے پیرس میں پاکستان بزنس فورم یورپ کے سرپرست اعلیٰ محمد ابراہیم ڈار کے آفس اور وئر ہاؤس کے دورہ کے موقع پر کیا۔ میاں مصباح الرحمن کا استقبال ابراہیم ڈار، اور جنرل سیکریٹری یاسر خان نے کیا، میاں مصباح نے مزید کہا کہ میں خود لاہور چیمبر کا صدر اور جم خانہ لاہور کا چیئرمین رہ چکا ہوں اور کسی بھی ملک کی معیشت میں بزنس مینوں کے اہم رول کو بخوبی سمجھتا ہوں ، آپ لوگوں نے بزنس مینوں کے لئے جو یہ پلیٹ فارم بنایا ہے یہ آپ کی کمیونٹی کے لئے بہت سودمند ثابت ہوگا اور میں پاکستان بزنس فورم فرانس و یورپ کو پاکستان میں ہر ممکن تعاون کی مکمل یقین دہانی کرواتا ہوں، میاں مصباح نے کہا کہ اوورسیز پاکستانی اپنی محنت اور جدوجہد سے آج دنیا بھر میں کامیابی سے اپنے کاروبار چلارہے ہیں اور زرمبادلہ پاکستان بھیج کر پاکستان کی معیشت میں اپنا حصہ ڈال رہے ہیں ، ابراہیم ڈار جیسے کامیاب پاکستانی بزنس مینوں سے مل کر دلی خوشی ہوتی ہے، بزنس فورم یورپ کے سرپرست اعلی ابراہیم ڈار اور جنرل سیکریٹری فرانس یاسر خان نے پاکستان بزنس فورم کے اغراض و مقاصد اور کارکردگی سے میاں مصباح کو آگاہ کیا- اور بزنس فورم کے مستقبل قریب میں ہونے والے کنونشن اور ایکسپو 2026 کے بارے میں تفصیل سے بریفنگ دی ، میاں مصباح نے شاندار دعوت پر محمد ابراہیم ڈار کا شکریہ ادا کیا- میاں مصباح نے دورہ فرانس کے دوران سنوفی میڈیسن کمپنی کا دورہ بھی کیا،یاد رہے کہ میاں مصباح الرحمن نگران وفاقی وزیر برائے ٹریڈ کامرس اور انڈسٹری کے علاوہ لاہورچیمبر آف کامرس کے صدر اور لاہور جمخانہ کے کئی سال تک صدر منتخب ہوتے رہے۔(جاری ہے)
پیپلز پارٹی کے دور حکومت میں چئیرمین سوئی گیس کے عہدے پر بھی براجمان رہے۔
بھارت کی روس کو مہلک دھماکہ خیز مواد کی خفیہ فروخت