پاکستان نے بھارتی رافیل کیسے گرائے؟ برطانوی خبر رساں ادارہ تفصیل سامنے لے آیا
اشاعت کی تاریخ: 2nd, August 2025 GMT
خبر ایجنسی کا کہنا ہے کہ 7 مئی کی رات کو پاکستان ایئر فورس کے ریڈار پر بھارتی طیارے نمودار ہوئے، ریڈار سگنل ملتے ہی ایئر چیف مارشل نے جے 10 سی اڑانے کا حکم دیا، ایئر چیف مارشل نے رافیل کو نشانہ بنانے کے خصوصی احکامات جاری کیے، وہ کئی روز سے کنٹرول روم میں سوتے تھے۔ اسلام ٹائمز۔ پاکستان نے بھارتی رافیل طیارے کیسے گرائے، برطانوی خبر رساں ادارے نے نئی رپورٹ میں حیرت انگیز انکشافات کردیے۔ رپورٹ کے مطابق بھارتی پائلٹ سمجھ رہے تھے کہ وہ پاکستان کے پی ایل 15 میزائلوں کی رینج سے دور ہیں، جے 10 سی نے 200 کلو میٹر دور سے رافیل طیاروں کو نشانہ بنایا، پاکستان نے بھارتی ریڈار جام کیے جس سے رافیل کے پائلٹ صورتحال سے لاعلم رہے، بھارت نے سخوئی طیاروں کے جام ہونے کی تصدیق کی۔
خبر ایجنسی کا کہنا ہے کہ 7 مئی کی رات کو پاکستان ایئرفورس کے ریڈار پر بھارتی طیارے نمودار ہوئے، ریڈار سگنل ملتے ہی ایئر چیف مارشل ظہیر سدھو نے جے 10 سی اڑانے کا حکم دیا، ظہیر سدھو نے رافیل کو نشانہ بنانے کے خصوصی احکامات جاری کیے، وہ کئی روز سے کنٹرول روم میں سوتے تھے۔غیرملکی خبر رساں ادارے نے بتایا کہ فضائی لڑائی میں دونوں جانب سے 110 لڑاکا طیارے حصہ لے رہے تھے، یہ دہائیوں بعد ہونیوالی سب سے بڑی فضائی لڑائی تھی۔
خیبر ایجنسی کی رپورٹ میں یہ انکشاف بھی ہوا کہ بھارتی رافیل گرنے میں غلطی بھارتی انٹیلی جنس کی تھی رافیل کی نہیں، بھارتی پائلٹ سمجھ رہے تھے وہ پاکستان کے پی ایل 15 میزائلوں کی رینج سے دور ہیں۔ برطانوی ادارے کا کہنا ہے کہ بھارتی پائلٹوں کو توقع نہیں تھی کہ اتنی دور سے بھی وہ نشانہ بن سکتے ہیں، پی ایل 15 میزائلوں نے 200 کلومیٹر دور سے بھارتی طیاروں کو مار گرایا۔
خیبر ایجنسی کی رپورٹ میں بتایا گیا ہے کہ پاکستانی ایئر فورس نے ملٹی ڈومین آپریشن کے ذریعے کِل چین ترتیب دی، پاکستان نے ایئر، لینڈ اور اسپیس سنسرز کو ایک دوسرے سے منسلک کیا۔ رپورٹ میں یہ باتیں بھی سامنے آئی ہیں کہ جے 10 سی طیارے ریڈار طیاروں سے براہ راست معلومات لے رہے تھے، پاکستانی طیارے اپنے ریڈار آف کرکے بھارتی سرحد کے قریب پرواز کر رہے تھے، ریڈار آف ہونے کے باعث پاکستانی طیارے بھارتی ریڈار پر نظر نہیں آرہے تھے۔
برطانوی رپورٹ میں کہا گیا ہے کہ بھارت بھی اب پاکستان جیسا فضائی سسٹم بنانا چاہتا ہے، بھارت کے طیارے مختلف ممالک کے ہونے کے باعث مشکلات ہیں، اس جنگ میں فتح اس کی ہوئی جس کے پاس سب سے بہتر معلومات تھیں۔ خبر رساں ادارے کی رپورٹ مزید بتایا گیا کہ بھارت نے پاکستان پر حملے کیلئے 70 طیارے روانہ کیے، پاکستان کے پاس نشانہ بنانے کیلئے بھارتی طیاروں کی کمی نہیں تھی، پاکستان نے بھارتی ریڈار جام کیے جس سے رافیل کے پائلٹ صورتحال سے لاعلم رہے۔
ذریعہ: Islam Times
کلیدی لفظ: پاکستان نے بھارتی رپورٹ میں کہ بھارت رہے تھے
پڑھیں:
ڈیلٹا ایئر لائنز کے طیارے کو شدید طوفانی جھکڑ کا سامنا، 25 مسافر زخمی، ہنگامی لینڈنگ
سالٹ لیک سٹی سے ایمسٹرڈم جانے والی ڈیلٹا ایئر لائنز کی ایک پرواز بدھ کی شام شدید طوفانی ہوا کا شکار ہوئی جس کے نتیجے میں 25 مسافر زخمی ہو گئے اور پرواز کو منی ایپولس-اسٹ۔ پال انٹرنیشنل ایئرپورٹ پر ہنگامی طور پر لینڈ کرنا پڑا۔
یہ بھی پڑھیں: امریکا: ٹیکساس میں شدید سیلاب سے 13 افراد ہلاک، 20 بچے لاپتا، ایمرجنسی نافذ
غیر ملکی میڈیا کے مطابق ایئر بس A330-900 میں 275 مسافر اور 13 عملہ کے ارکان سوار تھے۔ پرواز شام 7:45 بجے ایئرپورٹ پر لینڈ ہوئی جہاں ایئرپورٹ کے فائر ڈیپارٹمنٹ اور پیرا میڈکس نے فوری طور پر زخمی مسافروں کی مدد کی۔ زخمیوں کو طبی امداد کے لیے مقامی اسپتالوں میں منتقل کر دیا گیا۔
ایک مسافر لیان کلیمنٹ-نیش نے میڈیا کو بتایا کہ جو لوگ سیٹ بیلٹ نہیں پہنے ہوئے تھے، وہ کیبن میں ادھر ادھر جاگرے تھے۔ انہوں نے بتایا کہ وہ چھت سے ٹکرائے اور پھر نیچے گر گئے۔ ان کا کہنا تھا کہ کٹس بھی چھت سے ٹکرائیں اور نیچے گر گئیں جس سے لوگ زخمی ہوئے اور ایسا کئی بار ہوا جو بہت خوفناک تھا۔
ڈیلٹا ایئر لائنز نے ایک بیان میں کہا ہے کہ ہم تمام ایمرجنسی ریسپانڈرز کی مدد کے لیے شکر گزار ہیں جو اس حادثے میں شامل تھے۔
ماحولیاتی تبدیلی اور طوفانی ہواؤں کا بڑھتا ہوا خطرہاگرچہ طیاروں میں ٹربولینس کے نتیجے میں شدید زخمی ہونے کے واقعات نایاب ہیں لیکن ماہرین کا کہنا ہے کہ موسمیاتی تبدیلی کے اثرات کے سبب ان واقعات میں اضافہ ہو سکتا ہے۔ یہ حالیہ حادثہ اس سال رپورٹ ہونے والے طوفانی ہواؤں سے متاثرہ پروازوں میں سے ایک ہے جو ہوا بازی کی سلامتی کے بارے میں آگاہی کو بڑھا رہا ہے۔
مزید پڑھیے: احمد آباد طیارہ حادثہ، بھارتی تاریخ کے بدترین فضائی سانحات میں المناک اضافہ
جنوری میں واشنگٹن ڈی سی کے اوپر پیش آنے والے ایک فضائی تصادم میں 67 افراد کی جان چلی گئی تھی جبکہ حال ہی میں ڈینور انٹرنیشنل ایئرپورٹ پر ایک جہاز میں آگ لگنے کے بعد مسافروں کو ایمرجنسی سلائیڈ کے ذریعے باہر نکالا گیا تھا۔
جون میں ایک امریکی ایئر لائنز کی پرواز کو میامی سے رالی ڈورہم، نارتھ کیرولائنا جانے کے دوران طوفانی ہوا کا سامنا ہوا جس میں 5 مسافر زخمی ہوئے۔ اسی ماہ جرمنی کے جنوبی علاقے میں ایک رائن ایئر کی پرواز کو شدید طوفانی ہوا کا سامنا کرنا پڑا جس کے نتیجے میں نو افراد زخمی ہوئے۔
مزید پڑھیں: احمد آباد طیارہ حادثہ: سابق وزیراعلیٰ وجئے روپانی بیٹی سے ملنے لندن جارہے تھے
مارچ میں سان فرانسسکو سے سنگاپور جانے والی یونائیٹڈ ایئر لائنز کی ایک پرواز نے فلپائن کے اوپر شدید طوفانی ہوا کا سامنا کیا جس کے نتیجے میں 5 مسافر زخمی ہوئے۔
مہلک واقعہمئی 2024 میں سنگاپور ایئر لائنز کی پرواز میں شدید ٹربولینس کے باعث ایک شخص کی موت واقع ہو گئی تھی جو کئی دہائیوں میں کسی بڑے ایئر لائن حادثے میں ٹربولینس کے سبب ہونے والی پہلی ہلاکت تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ڈیلٹا ایئر طیارے کو حادثہ ڈیلٹا ایئر لائنز سالٹ لیک سٹی
بھارت کی روس کو مہلک دھماکہ خیز مواد کی خفیہ فروخت