اروشی روٹیلا کا زیورات سے بھرا بیگ ایئرپورٹ سے چوری، کتنی مالیت تھی؟
اشاعت کی تاریخ: 2nd, August 2025 GMT
بالی ووڈ اداکارہ اروشی روٹیلا نے دعویٰ کیا ہے کہ ان کا زیورات سے بھرا ہوا قیمتی بیگ لندن کے گیٹ وِک ایئرپورٹ سے چوری ہو گیا ہے۔
اداکارہ اروشی روٹیلا نے سوشل میڈیا پر بتایا کہ وہ وِمبلڈن ٹینس ٹورنامنٹ میں شرکت کے لیے لندن گئی تھیں۔ جس سے واپسی پر ائیرپورٹ پر ان کا تقریباً 70 لاکھ روپے مالیت کے زیورات سے بھرا بیگیج بیلٹ سے غائب ہو گیا۔
A post common by BollywoodShaadis.
اروشی نے ایئرپورٹ پر سیکیورٹی کی خامیوں پر تشویش کا اظہار کرتے ہوئے سوال اٹھایا کہ اتنی سخت سیکیورٹی کے باوجود بیگ کس طرح غائب ہو سکتا ہے۔
اداکارہ نے اپنے بیگ اور ٹکٹ کی تفصیلات اپنے انسٹاگرام اکاؤنٹ پر شیئر کرتے ہوئے متعلقہ حکام سے مدد کی اپیل کی ہے۔
یاد رہے کہ اس سے قبل، 2023 میں اروشی نے یہ دعویٰ کیا تھا کہ ان کا 24 قیراط سونے سے بنا ہوا آئی فون نریندر مودی اسٹیڈیم میں گم ہو گیا تھا۔
اروشی کی حالیہ چوری سے متعلق دعووں پر سوشل میڈیا پر صارفین بھرپور تبصرے کر رہے ہیں۔ کچھ صارفین کا کہنا ہے کہ اگر اداکارہ نے جولائی کے دوسرے ہفتے میں لندن سے واپسی کی تھی تو انہیں چوری شدہ بیگ کے بارے میں جولائی کے اختتام پر اعلان کرنا کیوں یاد آیا؟
TagsShowbiz News Urdu
ذریعہ: Al Qamar Online
پڑھیں:
الیکشن کمیشن آف انڈیا ووٹ چوری میں ملوث ہے، راہل گاندھی
کانگریس لیڈر نے کہا کہ ہماری یہ چھان بین چھ ماہ تک چلی اور جو ثبوت ہمارے ہاتھ آئے ہیں وہ کسی "ایٹم بم" سے کم نہیں، اگر یہ بم پھٹا تو الیکشن کمیشن پورے ملک میں کہیں دکھائی نہیں دیگا۔ اسلام ٹائمز۔ کانگریس لیڈر اور پارلیمنٹ میں حزب اختلاف کے لیڈر راہل گاندھی نے پارلیمنٹ کے احاطے میں میڈیا سے بات کرتے ہوئے الیکشن کمیشن پر سنگین الزامات عائد کئے۔ انہوں نے کہا کہ بہار میں جاری ایس آئی آر یعنی ووٹر لسٹ کی خصوصی جانچ دراصل ووٹوں کی چوری کی ایک سازش ہے، جس میں خود الیکشن کمیشن ملوث ہے۔ راہل گاندھی نے کہا کہ ہمارے پاس کھلے اور بند ثبوت ہیں کہ الیکشن کمیشن ووٹوں کی چوری کروا رہا ہے۔ انہوں نے کہا کہ جو بھی افسر اس عمل میں شامل ہے، چاہے وہ اوپر کے عہدے پر ہو یا نیچے، ہم کسی کو نہیں چھوڑیں گے۔ انہوں نے اسے ملک کے خلاف سازش قرار دیتے ہوئے کہا کہ یہ غداری سے کم نہیں۔ راہل گاندھی کا کہنا تھا کہ ہمیں مدھیہ پردیش اور مہاراشٹر کے انتخابات میں دھاندلی کا شک تھا۔ مہاراشٹر میں ایک کروڑ ووٹرز اچانک بڑھ گئے تھے، جب ہم نے تفصیل سے اپنی سطح پر چھان بین کی تو چونکا دینے والے حقائق سامنے آئے۔
راہل گاندھی نے مزید کہا کہ ہماری یہ چھان بین چھ ماہ تک چلی اور جو ثبوت ہمارے ہاتھ آئے ہیں وہ کسی "ایٹم بم" سے کم نہیں، اگر یہ بم پھٹا تو الیکشن کمیشن پورے ملک میں کہیں دکھائی نہیں دے گا۔ انہوں نے یہ بھی کہا کہ الیکشن کمیشن نے اس جانچ میں ان کی کوئی مدد نہیں کی، جس کے بعد کانگریس نے خود اپنی تفتیش کرائی۔ انہوں نے کہا کہ ہم جلد ہی یہ ثبوت ملک کے سامنے رکھیں گے اور سب کو معلوم ہو جائے گا کہ الیکشن کمیشن ووٹ کس کے لئے چوری کروا رہا ہے، بی جے پی کے لئے۔ انہوں نے کہا کہ یہ "اوپن اینڈ شٹ" کیس ہے، اس میں کوئی شک کی گنجائش نہیں۔
راہل گاندھی نے مزید کہا "میں یہ بات بالکل سنجیدگی سے کہہ رہا ہوں، جو بھی ریٹائرڈ ہو چکے ہوں یا ابھی عہدے پر ہوں، ہم انہیں ڈھونڈ نکالیں گے، کیونکہ وہ ہندوستان کے خلاف کام کر رہے ہیں اور انہیں جوابدہ بنایا جائے گا۔ واضح رہے کہ بہار میں ووٹر لسٹ کی خصوصی گہری نظرثانی کو لے کر سیاسی ماحول گرم ہے۔ اپوزیشن اس عمل کو ووٹوں کی چوری قرار دے رہا ہے جبکہ الیکشن کمیشن کا کہنا ہے کہ یہ عمل فرضی ووٹروں کو ہٹانے کے لئے کیا جا رہا ہے، یہ معاملہ اس وقت سپریم کورٹ میں زیر سماعت بھی ہے۔
پی ایس ایل 9: امپائر علیم ڈار کو اضافی فیس کیسے ملی؟ آڈٹ رپورٹ میں ہوشربا انکشاف