فرانس کا پاکستانی اخبار فروش کو اعلیٰ سول ایوارڈسے نوازنے کا اعلان
اشاعت کی تاریخ: 5th, August 2025 GMT
پیرس: فرانس نے نصف صدی سے اخبار فروخت کرنے والے پاکستانی شہری کو اپنے اعلیٰ سول ایوارڈ سے نوازنے کا اعلان کردیا۔
73 سالہ علی اکبر کا تعلق راولپنڈی سے ہے، وہ 1973 سے پیرس کے معروف اور فیشن ایبل علاقے لاطینی کوارٹرمیں سڑکوں، ریستورانوں اور دیگر مقامات پر اخبارات بیچ رہے ہیں۔
ٹی وی اور انٹرنیٹ کے باعث جب اخبارات کی مانگ میں کمی واقع ہوئی تو انہوں نے اخبارکی فروخت کےلئے مزاج کا سہارا لیا۔
ستمبرمیں فرانسیسی صدر علی اکبر کوایوارڈ سے نوازیں گے
فرانسیسی حکومت کی جانب سے ان کی طویل خدمات، محنت اور کمیونٹی سے وابستگی کے اعتراف میں انہیں یہ اعزاز دیا جا رہا ہے۔ ستمبرمیں فرانسیسی صدرایمانوئیل میکخوال علی اکبر کو دی نیشنل آرڈرآف میرٹ سے نوازیں گے۔یہ ایک ایساانعام ہے جو فرانسیسی حکومت کی جانب سے ملک کےلئے سول یافوجی میدان میں نمایاں خدمات انجام دینے والوں کو دیاجاتاہے۔
علی اکبرکیاکہتے ہیں
علی اکبرکاکہناہے کہ میرا اخباربیچنے کا ایک خاص طریقہ ہے،میں کوشش کرتاہوں کہ کوئی مذاق کروں تاکہ لوگ ہنسیں۔میں مثبت رہنے کی کوشش کرتاہوں اور ایک خاص ماحول بناتاہوں،اسے ہم زندگی کی خوشی کہتے ہیں۔
ان کاکہناہے کہ میں لوگوں کی جیبوں کی بجائے ان کے دل میں جگہ بنانے کی کوشش کرتاہوں،میں لوگوں کوہنساتاہوں ،انہیں خوش رکھتاہوں۔
Post Views: 2
.
ذریعہ
ذریعہ: Daily Mumtaz
پڑھیں:
جعلی دستاویزات پر بیرون ملک جانے کی کوشش ناکام، 2 خواتین آف لوڈ، ایجنٹس گرفتار
فیڈرل انویسٹی گیشن ایجنسی (ایف آئی اے) ملتان زون نے جعلی دستاویزات پر بیرون ملک جانے کی کوشش ناکام بنادی۔
ایف آئی اے ملتان زون کے مطابق 2 خواتین کو آف لوڈ کرکے 2 ایجنٹوں کو گرفتار کرلیا۔ مسافروں نے جعلی نکاح نامے پر سوازی لینڈ کے وزٹ ویزے حاصل کیے تھے۔
ایف آئی اے کے مطابق گرفتار ایجنٹ نے مسافروں کی غیرقانونی امیگریشن کیلیے رشوت دینے کی کوشش بھی کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ