بھارت کے فاسٹ باؤلرز کی شاندار کارکردگی، آئی سی سی ٹیسٹ رینکنگ میں بڑی چھلانگ
اشاعت کی تاریخ: 6th, August 2025 GMT
بھارت کے تیز گیند باز محمد سراج اور پرسدھ کرشنا نے انگلینڈ کے خلاف دی اوول ٹیسٹ میں شاندار کارکردگی دکھا کر آئی سی سی کی تازہ ترین ٹیسٹ رینکنگ میں کیریئر کی بہترین پوزیشن حاصل کرلی ہے۔
پانچویں اور فیصلہ کن ٹیسٹ میں پلیئر آف دی میچ کا اعزاز حاصل کرنے والے محمد سراج نے 674 ریٹنگ پوائنٹس حاصل کرتے ہوئے 12 درجے ترقی کے ساتھ 15ویں پوزیشن پر قبضہ جما لیا ہے۔ وہ اب عالمی سطح پر سرفہرست فاسٹ باؤلرز میں شمار ہونے لگے ہیں۔
دوسری جانب پرسدھ کرشنا نے بھی 8 وکٹیں حاصل کرکے 25 درجے ترقی کے بعد 59ویں پوزیشن حاصل کی ہے، جو ان کے کیریئر کی بہترین رینکنگ ہے۔ دونوں کھلاڑیوں نے انگلینڈ کے خلاف بھارت کی 6 رنز سے تاریخی فتح میں کلیدی کردار ادا کیا۔
مزید پڑھیں:انگلینڈ بھارت ٹیسٹ سیریز میں ٹوٹے اور بنے نئے ریکارڈز
انگلینڈ کے نوجوان فاسٹ باؤلر گس ایٹکنسن نے بھی دی اوول ٹیسٹ میں 8 وکٹیں حاصل کرکے پہلی بار ٹاپ 10 باؤلرز میں جگہ بنالی ہے۔ ان کے ساتھی جوش ٹنگ نے بھی زبردست کارکردگی دکھاتے ہوئے 14 درجے ترقی کے ساتھ 46ویں پوزیشن حاصل کی۔
بھارتی اوپنر یشسوی جیسوال نے اوول ٹیسٹ میں شاندار سینچری کی بدولت بیٹرز کی عالمی درجہ بندی میں 3 درجے ترقی کرتے ہوئے 5ویں پوزیشن حاصل کر لی ہے۔ ان کے ریٹنگ پوائنٹس 792 ہو گئے ہیں۔ دوسری جانب انگلینڈ کے جو روٹ اور ہیری بروک بدستور بالترتیب پہلی اور دوسری پوزیشن پر براجمان ہیں۔
زمبابوے کے خلاف سیریز میں نیوزی لینڈ کے آل راؤنڈر میٹ ہنری نے شاندار کارکردگی دکھاتے ہوئے 3 درجے ترقی کے ساتھ چوتھی پوزیشن حاصل کی ہے۔ ان کے ریٹنگ پوائنٹس 817 ہو گئے ہیں، جو ان کے کیریئر کی بہترین پوزیشن ہے۔ بیٹرز میں ڈیرل مچل نے بھی 4 درجے بہتری کے ساتھ ٹاپ 10 میں جگہ بنا لی ہے۔
مزید پڑھیں:کرکٹ کے یادگار ڈرامائی لمحات، بھارت نے انگلینڈ کو صرف 6 رنز سے ہرا کر ٹیسٹ سیریز برابر کر دی
ٹی20 رینکنگ میں بھی اکھاڑ پچھاڑٹی20 انٹرنیشنل کی تازہ درجہ بندی میں بھی نمایاں تبدیلیاں دیکھی گئی ہیں۔ آسٹریلیا کے جارح مزاج بیٹر ٹِم ڈیوڈ نے ویسٹ انڈیز کے خلاف دھواں دار سینچری کی بدولت دو درجے ترقی پا کر 16ویں پوزیشن حاصل کی۔
پاکستان کے اوپنر صائم ایوب نے فلوریڈا میں شاندار کارکردگی کے بعد 25 درجے چھلانگ لگا کر 37ویں پوزیشن حاصل کرلی ہے۔ ویسٹ انڈیز کے تجربہ کار آل راؤنڈر جیسن ہولڈر نے 23 درجے ترقی کے بعد 32ویں پوزیشن پر پہنچ کر کیشو مہاراج کے ساتھ برابری کرلی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی بھارت پرسدھ کرشنا ٹیسٹ رینکنگ فاسٹ باؤلرز گس ایٹکنسن محمد سراج.
ذریعہ
ذریعہ: WE News
کلیدی لفظ: بھارت ٹیسٹ رینکنگ فاسٹ باؤلرز گس ایٹکنسن شاندار کارکردگی پوزیشن حاصل کی درجے ترقی کے انگلینڈ کے ٹیسٹ میں کے ساتھ کے خلاف نے بھی
پڑھیں:
گلگت بلتستان کو بھی آئینی وبنیادی حقوق ملنے چاہئیں ، سعد رفیق
سکردو(اُردو پوائنٹ اخبارتازہ ترین - آن لائن۔ 02 جون2026ء) پاکستان مسلم لیگ (ن) کے سینئر رہنما اور سابق وفاقی وزیر خواجہ سعد رفیق نے کہا ہے کہ گلگت بلتستان کے عوام کی ترقی مسلم لیگ (ن) کی اولین ترجیح ہے اور انہیں ملک کے دیگر صوبوں کی طرح مکمل آئینی اور بنیادی حقوق ملنے چاہئیں۔(جاری ہے)
جی بی ای-8 سکردو-2 میں انتخابی مہم کے سلسلے میں مسلم لیگ (ن) کے نامزد امیدوار حاجی اکبر تابان کی رہائش گاہ پر پارٹی کارکنوں سے خطاب کرتے ہوئے خواجہ سعد رفیق کا کہنا تھا کہ مسلم لیگ (ن) اقتدار میں آ کر عوام کی محرومیاں ختم کرے گی اور گلگت بلتستان کے حقوق کیلئے پارلیمنٹ میں مؤثر آواز اٹھائے گی۔
انہوں نے کہا کہ پسماندہ علاقوں کی ترقی پر خصوصی توجہ دی جائے گی اور خطے میں بجلی کے نئے منصوبے متعارف کرائے جائیں گے۔ان کا کہنا تھا کہ گلگت بلتستان کی ترقی اور خوشحالی کیلئے سب کو مل کر کام کرنا ہوگا، پاکستان کے قیام کا جو مقصد تھا، اسے پورا کرنا ہماری مشترکہ ذمہ داری ہے، پاکستان مسلم دنیا کی واحد ایٹمی قوت ہے اور بھارت کے فالس فلیگ آپریشنز کو ہمیشہ ناکامی کا سامنا کرنا پڑا ہے۔خواجہ سعد رفیق نے مزید کہا کہ مسلم لیگ (ن) کی سیاست الزام تراشی نہیں بلکہ دلیل، خدمت اور عوامی ترقی کی سیاست ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ