حکومت کا خوف دیکھیں کل اڈیالہ پر 400 اہلکار آنسو گیس شیل کے ساتھ کھڑے تھے، علیمہ خان
اشاعت کی تاریخ: 6th, August 2025 GMT
راولپنڈی:
بانی پی ٹی آئی کی بہن علیمہ خان نے کہا ہے کہ کل اڈیالہ جیل روڈ پر چار سو پولیس والے ٹیئرگیس لے کر کھڑے تھے، لوگوں کا خوف ٹیسٹ نہ کریں حکومت کا خوف ٹیسٹ کریں۔
اڈیالہ جیل کے باہر میڈیا سے گفتگو کرتے ہوئے انہوں ںے کہا کہ توشہ خانہ ٹو کا ٹرائل چھپا کے ہورہا ہے یہ ناجائز ٹرائل ہے، ہمارے وکلاء کہتے ہیں یہ ٹرائل بنتا ہی نہیں، یہ چاہ رہے ہیں اس کیس میں بھی جلدی سے سزا دے دیں، ہمارا صرف ایک وکیل سماعت میں پیش ہوتا ہے پراسیکیوشن کے دس دس لوگ پیش ہوتے ہیں، فیئر ٹرائل میں فیملی، میڈیا اور وکلاء موجود ہوتے ہیں۔
احتجاج پر انہوں نے کہا کہ کل کراچی، لاہور، پشاور میں لوگ نکلے ہیں، ہمیں کل اڈیالہ جیل آنے سے روکا گیا، چکری انٹرچینج پر روک دیا گیا، کل اڈیالہ جیل روڈ پر چار سو پولیس والے ٹیئرگیس لے کر کھڑے تھے، لوگوں کا خوف ٹیسٹ نہ کریں حکومت کا خوف ٹیسٹ کریں۔
انہوں نے کہا کہ پولیس والے خود ہمیں بتارہے تھے وہ بانی کے ساتھ کھڑے ہیں، مافیا اب اکیلے رہ گئے ہیں، کوئی بات نہیں ارکان اسمبلی کل نہیں آئے دوبارہ آئیں گے، لوگ کل نکلے ہیں ہمیں خوشی ہے لوگ اپنے حق کیلئے نکلنا چاہتے ہیں۔
علیمہ خان نے کہا کہ ہمارے لیڈرز کو نااہل کردیا گیا کئی ارکان کو سزا ہوئی ہے، الیکشن کمیشن کو جلدی ہے کہ سب کو نااہل کردیں، اب تو ستائیسویں اور اٹھائیسویں ترمیم بھی آرہی ہے، لوگوں کو دھمکیاں مل رہی ہیں ہمیں بھی دھمکیاں آرہی ہیں۔
.ذریعہ: Express News
کلیدی لفظ: کا خوف ٹیسٹ اڈیالہ جیل کل اڈیالہ کہا کہ نے کہا
پڑھیں:
9 مئی مقدمات، علیمہ، عظمی خان، اعظم سواتی ،اسد عمر کی ضمانتوں میں توسیع
لاہور(اردوپوائنٹ اخبارتازہ ترین-انٹرنیشنل پریس ایجنسی۔19 ستمبر ۔2025 )نو مئی کے مقدمات میں انسداد دہشت گردی عدالت نے پی ٹی آئی راہنماﺅں علیمہ خان، عظمی خان، اعظم سواتی کی عبوری ضمانتوں میں توسیع کر دی ہے انسداد دہشت گردی عدالت لاہور میں 9 مئی جلا ﺅگھیرا ﺅکے 6 مقدمات میں عبوری ضمانت کی درخواستوں پر سماعت ہوئی، جج ارشد جاوید نے ملزمان اعظم خان سواتی، علیمہ خان، عظمی خان کی عبوری ضمانتوں میں 31 اکتوبر تک توسیع کردی.(جاری ہے)
عدالت میں علیمہ خان اور عظمی خان کی حاضری معافی کی درخواست دائر کی گئی، اعظم خان سواتی نے پیش ہو کر حاضری مکمل کروائی پی ٹی آئی رہنما حافظ فرحت عباس بھی عدالت پیش ہوئے علاوزہ ازیں انسداد دہشت گردی عدالت نے 9 مئی کورکمانڈر ہاﺅس، عسکری ٹاور حملہ، تھانہ شادمان کو نذر آتش کرنے سمیت دیگر مقدمات میں سابق وفاقی وزرا اسد عمر اور اعظم خان سواتی کی عبوری ضمانت میں 6 اکتوبر تک توسیع کر دی لاہور کی انسداد دہشت گردی عدالت کے ایڈمن جج منظر علی گل نے کیس کی سماعت کی جس میں اسد عمر اور اعظم سواتی عدالت میں پیش ہوئے. بعدازاں عدالت نے سابق وفاقی وزرا اسد عمر اور اعظم خان سواتی کی عبوری ضمانت میں 6 اکتوبر تک توسیع کر دی، عدالت نے سماعت پر ملزمان کی عبوری ضمانتوں پر دلائل طلب کر رکھے تھے اسد عمر نے کورکمانڈر ہاﺅ س، عسکری ٹاور اور تھانہ شادمان کیسز میں ضمانت دائر کی جبکہ اعظم خان سواتی نے کورکمانڈرہاﺅ س حملہ اور دیگر مقدمات میں عبوری ضمانت حاصل کر رکھی ہے سابق وزرا پر بغاوت اور کارکنان کو جلا ﺅ گھیرا ﺅ پر اکسانے کے الزامات عائد ہیں.
ایک لاکھ میٹرک ٹن چینی کی درآمد کے لیے نیا ٹینڈر جاری، بولیاں طلب