بلیو اکانومی میں اہم پیشرفت، پاکستان اور عراق کے درمیان فیری سروس شروع کرنے کا معاہدہ
اشاعت کی تاریخ: 7th, August 2025 GMT
پاکستان اورعراق نے مذہبی سیاحت اوردو طرفہ تجارت کے فروغ کے لیے گوادر بندرگاہ اور ام القصر بندرگاہ کے درمیان فیری سروس شروع کرنے کے ایک معاہدے پر دستخط کیے ہیں۔
یہ مفاہمتی یادداشت وزیر برائے بحری امور محمد جنید انور چوہدری اور اسلام آباد میں عراقی سفارت خانے کے نائب سربراہ عبدالقادر سلیمان الحمیری کی قیادت میں آنے والے 3 رکنی وفد کے درمیان ملاقات کے دوران طے پائی۔
جنید چوہدری نے اس معاہدے کو دو طرفہ تعلقات میں ایک نئے باب سے تعبیر کرتے ہوئے بحری مسافر اور مال بردار روابط کے قیام کی اہمیت پر زور دیا، ان کا کہنا تھا کہ یہ فیری سروس ہمارے مشترکہ ثقافتی و مذہبی رشتوں کو فروغ دے سکتی ہے اور نئی کاروباری راہیں کھول سکتی ہے۔
یہ بھی پڑھیں:
’اس اقدام سے پاکستان کی بلیو اکانومی حکمتِ عملی کے تحت بندرگاہی سرگرمیوں اور سپلائی چین کے فروغ کو تقویت ملے گی۔‘
یہ فیری سروس بالخصوص ان پاکستانی زائرین کے لیے مفید ثابت ہو گی جو خاص طور پر اربعین یعنی امام حسینؑ کے چہلم کے موقع پر زیارت اور عبادات کے لیے عراق کا سفر کرتے ہیں۔
حال ہی میں حکومت نے ایران کے زمینی راستے سے سفر پر پابندی عائد کی ہے، جو اس سے پہلے ایک مرکزی ٹرانزٹ راستہ تھا، اس لیے سمندری راستہ ایک متبادل اور محفوظ ذریعہ فراہم کرے گا، ہر سال تقریباً 10 لاکھ پاکستانی زائرین نجف اور کربلا کی زیارت کے لیے عراق جاتے ہیں۔
مزید پڑھیں:
ملاقات کے دوران وزیر بحری امور جنید چوہدری نے ایران اور خلیج تعاون کونسل کے ساتھ بھی فیری سروس شروع کرنے کی حکومتی کوششوں سے وفد کو آگاہ کیا، انہوں نے عراق کے ساتھ تجارتی تعلقات کو وسعت دینے کی تجویز پیش کی، جس میں پاکستان سے ادویات، گوشت اور چاول کی برآمدات میں اضافہ اور عراق سے تیل کی درآمد کو بڑھانے کی بات شامل تھی۔
اس کے ساتھ ہی وزیر برائے بحری امور نے بتایا کہ پاکستان گوادر فری زون میں موجود سہولت کے ذریعے عراق کی پوٹاشیم سلفیٹ کی مانگ بھی پوری کر سکتا ہے۔
مالی سال 2024 کے تجارتی اعداد و شمار کے مطابق پاکستان نے عراق کو 5 کروڑ 42 لاکھ 90 ہزار ڈالر کی برآمدات کیں، جبکہ عراق سے 14 کروڑ 54 لاکھ 60 ہزار ڈالر مالیت کی پیٹرولیم مصنوعات درآمد کیں۔
مزید پڑھیں:
وزیر برائے بحری امور کے مطابق پاکستان جلد ہی انٹرنیشنل میری ٹائم آرگنائزیشن کے انتخابات میں حصہ لینے جا رہا ہے اور اس سلسلے میں انہوں نے عراق سے حمایت کی درخواست کی، جس پر عبدالقادر الحمیری نے مکمل تعاون کی یقین دہانی کرائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرنیشنل میری ٹائم آرگنائزیشن بحری امور.
ذریعہ
ذریعہ: WE News
کلیدی لفظ: انٹرنیشنل میری ٹائم آرگنائزیشن فیری سروس کے لیے
پڑھیں:
رائل کمیشن کی مکہ کے تاریخی ورثے کے تحفظ اور فروغ کے لیے اہم پیشرفت
مکہ مکرمہ اور مشاعر مقدسہ کے لیے قائم رائل کمیشن نے شہر کے تاریخی اور ثقافتی ورثے کو اجاگر کرنے کے لیے ایک نئی آگاہی مہم کا آغاز کیا ہے۔
مذکورہ مہم کا مقصد زائرین اور سیاحوں کو مکہ کے تاریخی مقامات، ان کی مذہبی، تہذیبی اور تمدنی اہمیت سے روشناس کرانا اور انہیں شہر کے عظیم ورثے سے مزید قریب لانا ہے۔
سعودی پریس ایجنسی کے مطابق، یہ تمام اقدامات سعودی وژن 2030 کے اہداف سے ہم آہنگ ہیں۔
یہ بھی پڑھیں: سعودی ایپ ’ہُدہُد‘ عمرہ زائرین کے لیے جدید رہنما بن گئی، مکہ کے مذہبی و تاریخی مقامات تک رسائی آسان
’یہ مہم رائل کمیشن کی اس حکمت عملی کا حصہ ہے جس کا مقصد تاریخی ورثے کا تحفظ، ثقافتی اقدار کو فروغ دینا اور تاریخی مقامات کو پائیدار تعلیمی اور ثقافتی مراکز میں تبدیل کرنا ہے۔‘
رائل کمیشن کے مطابق اس حکمت عملی کے تحت درجنوں تاریخی مقامات کی بحالی اور ترقی کا کام مکمل کیا جا چکا ہے، جبکہ مکہ کے 60 اہم تاریخی مقامات کی دستاویز بندی بھی کی گئی ہے۔
مزید پڑھیں: مکہ میں ام القریٰ یونیورسٹی کا انقلابی ڈیجیٹل کلچرل منصوبہ، حجاج اور عمرہ زائرین کا سفر اب مزید یادگار
اس کے علاوہ 27 تاریخی مقامات عوام اور زائرین کے لیے کھولے جا چکے ہیں اور سات وزیٹر سینٹرز بھی قائم کیے گئے ہیں۔
اعداد و شمار کے مطابق اب تک ایک کروڑ 75 لاکھ سے زائد افراد ان تاریخی مقامات کا دورہ کر چکے ہیں، جبکہ زائرین کی اطمینان کی شرح 97.5 فیصد ریکارڈ کی گئی ہے۔
مذکورہ اعدادوشمار فراہم کی جانے والی سہولیات اور تاریخی ورثے کے تحفظ و ترقی کے اقدامات کی کامیابی کی عکاسی کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تاریخی مقامات تاریخی ورثے رائل کمیشن زائرین سعودی پریس ایجنسی سعودی عرب سعودی وژن سیاح مکہ مکرمہ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی