حزب اللہ کسی صورت ہتھیار نہ ڈالیگی، ایہاب حمادہ
اشاعت کی تاریخ: 7th, August 2025 GMT
لبنانی رکن پارلیمنٹ میں مزاحمتی محاذ کے رکن نے اعلان کیا ہے کہ مزاحمت کو غیر مسلح کرنے پر مبنی حکومت کا فیصلہ آئین کی صریح خلاف ورزی ہے اسلام ٹائمز۔ لبنانی مزاحمتی تحریک حزب اللہ کے ساتھ تعلق رکھنے والے رکن پارلیمنٹ ایہاب حمادہ نے مزاحمتی محاذ کے تخفیف اسلحہ کو ناقابل قبول قرار دیا۔ عرب چینل الجزیرہ کے ساتھ ایک انٹرویو میں ایہاب حمادیہ کا کہنا تھا کہ لبنانی حکومت اس وقت تک آزاد و خودمختار نہیں ہو سکتی کہ جب تک کہ اس کی سرزمین پر غیر ملکی قبضہ و جارحیت جاری ہے۔ انہوں نے کہا کہ حزب اللہ لبنان کو غیر مسلح کرنے کی حکومتی کوششیں قومی نقطہ نظر سے ناقابل قبول ہیں۔ انہوں نے زور دیتے ہوئے کہا کہ "مزاحمت" کی ذمہ داری صرف فوج تک ہی محدود نہیں جبکہ حزب اللہ لبنان، غاصب اسرائیلی رژیم کے ساتھ جنگ کے دوران، اُسے تھکا دینے میں کامیاب رہی ہے۔
لبنانی رکن پارلیمنٹ نے تاکید کی کہ حزب اللہ کو غیر مسلح کرنے کا فیصلہ کرتے ہوئے حکومت نے نہ صرف آئین کی صریح خلاف ورزی کی ہے بلکہ غاصب و سفاک اسرائیلی رژیم کے حق میں بھی بہت بڑے جرم کا ارتکاب کیا ہے۔ یہ بیان کرتے ہوئے کہ لبنانی فوج کا جنگی نظریہ حزب اللہ لبنان کے نظریئے کے ہی ایک حصے پر مشتمل ہے، ایہاب حمادہ نے مزید کہا کہ ہمارے درمیان کوئی تنازعہ نہیں ہو گا جبکہ حزب اللہ لبنان کو غیر مسلح کرنے کا مسئلہ ایک ساختی مسئلہ ہے کہ جس کے لئے لبنانی عوام کے اتفاق رائے کی ضرورت ہے!
ذریعہ: Islam Times
کلیدی لفظ: کو غیر مسلح کرنے حزب اللہ لبنان کہ حزب اللہ
پڑھیں:
اسلامی انقلاب ایرانی عوام میں مکتبِ فاطمیہ کی حقیقت طلبی کی تجلی ہے، آیت اللہ جنتی
اپنے خطاب میں آیت اللہ جنتی نے امریکی جاسوس اڈے (سفارت خانے) کے تسخیر کے تاریخی واقعے کی جانب اشارہ کرتے ہوئے اسے عالمی استکبار کے خلاف جدوجہد کی تاریخ میں ایک سنگِ میل قرار دیا، اور کہا کہ یہ واقعہ ایک طرف امریکہ کی استکباری فطرت کو بے نقاب کرنے کا سبب بنا۔ اسلام ٹائمز۔ اسلامی جمہوریہ ایران کی شورائے نگہبان کے اجلاس سے خطاب میں آیت اللہ احمد جنتی نے ایامِ فاطمیہ کی مناسبت سے تعزیت پیش کی اور کہا کہ یہ ایام مکتبِ فاطمیہ کی معرفت حاصل کرنے اور اس کے تمدن ساز پیغام سے سبق لینے کا قیمتی موقع ہیں۔ انہوں نے مکتبِ فاطمیہ کی سب سے اہم خصوصیت کو حق طلبی اور حق کے دفاع میں جانثاری قرار دیتے ہوئے کہا کہ تاریخ میں اس مکتب کے تربیت یافتہ پیروکاروں کی بے نظیر حماسه آفرینی اسی مومنانه استقامت کا نتیجہ ہے۔ انہوں نے انقلابِ اسلامی ایران کی فکری بنیادوں کی جانب اشارہ کرتے ہوئے کہا کہ انقلابِ اسلامی، جو مکتبِ فاطمیہ کے ایک نمایاں شاگرد کی قیادت میں کامیاب ہوا، دراصل ملتِ ایران کے مومنانہ حق طلبی اور بیداری کا ثمرہ تھا۔
آیتاللہ جنتی نے کہا کہ استکباری طاقتوں کی ایران سے دشمنی دراصل اس روحانی و فکری جذبے کے پھیلاؤ کے خوف کا نتیجہ ہے۔ انہوں نے امریکی جاسوس اڈے (سفارت خانے) کے تسخیر کے تاریخی واقعے کی جانب اشارہ کرتے ہوئے اسے عالمی استکبار کے خلاف جدوجہد کی تاریخ میں ایک سنگِ میل قرار دیا، اور کہا کہ یہ واقعہ ایک طرف امریکہ کی استکباری فطرت کو بے نقاب کرنے کا سبب بنا اور دوسری جانب اس کے غرور اور عالمی طاقت کے بت کو پاش پاش کر دیا۔ اس نے دنیا کو یہ پیغام دیا کہ اگر کوئی قوم خدا پر توکل کرے، تو خدا اسے عزت اور کامیابی عطا کرتا ہے۔
آیتاللہ جنتی نے آخر میں محورِ مقاومت (عالمی مزاحمتی محاذ) کی بڑھتی مقبولیت اور اثرپذیری پر زور دیتے ہوئے کہا کہ یہ درخشندگی دراصل اسی نظریے کا تسلسل ہے، جس نے ایرانی عوام کے انقلاب کو کامیابی بخشی، آج دنیا بھر میں ناجائز صہیونی رژیم اور اس کے حامیوں سے بڑھتی نفرت اس حقیقت کی علامت ہے کہ اہلِ حق مجاہدین کی استقامت نے ثمر دینا شروع کر دیا ہے۔ انہوں نے آخر میں تاکید کرتے ہوئے کہا کہ امریکہ نے ایرانی قوم کو شکست دینے کے لیے تمام راستے آزمائے، لیکن بالآخر اسے اپنی ظالمانہ حقیقت کو بدترین صورت میں دنیا پر آشکار کرنا پڑا۔
آزادکشمیر میں پچھلا الیکشن ہمیں اسٹیبلشمنٹ نے ہرایا ، بلاول