دریائی کٹاؤ کے باعث گلگت شندور روڈ 12 روز سے بند
اشاعت کی تاریخ: 8th, August 2025 GMT
---فائل فوٹو
گلگت شندور روڈ، خلتی کھٹم کے مقام پر دریائی کٹاؤ کے سبب 12 روز سے بند ہے۔
تحصیل پھنڈر اور گوپس کے بالائی علاقوں کا بھی زمینی رابطہ بدستور منقطع ہے۔
تحصیل پھنڈر اور گوپس میں خوراک اور دیگر ضروری اشیاء کی قلت کے سبب عوام پریشان ہیں۔
دوسری جانب ایڈیشنل ڈی سی شیر افضل نے کہا ہے کہ 3 روز سے سڑک کی بحالی کا کام جاری ہے، پورا پہاڑ کاٹ کر روڈ بحال کرنا ہے، کافی وقت لگ سکتا ہے۔
ایڈیشنل ڈی سی شیر افضل کا کہنا ہے کہ اپر چترال کے راستے خوارک ادویات پہنچانے کے اقدامات کیے جا رہے ہیں۔
.
ذریعہ
ذریعہ: Jang News
پڑھیں:
شانگلہ:چھت منہدم‘6بچے‘گاڑی کھائی میں جا گرنے پر 6مسافر گلگت میں جاںبحق
شانگلہ+ گلگت (نامہ نگار+ ایجنسیاں) شانگلہ کے علاقے رحیم آباد باسی میں کچے مکان کی چھت گر گئی جس کے نتیجے میں چھ بچے جاں بحق ہوگئے ۔ریسکیو حکام کے مطابق مکان کے ملبے تلے دب کر 6 بچے‘ کوہستان کے مقام پر گاڑی کھائی میں گرنے سے 6 مسافر جاں بحق ہو گئے۔ تفصیلات کے مطابق جاں بحق ہونے والوں میں 4 بچیاں اور 2 بچے شامل ہیں، جن کی عمریں 4 سے 15 سال کے درمیان تھیں، ایک بچی کو زندہ نکال لیا گیا۔ گلگت بلتستان میں سکردو سے راولپنڈی جانے والی ایک مسافر گاڑی پٹن کوہستان کے علاقے میں کھائی میں گر گئی۔اس ہولناک حادثے کے نتیجے میں گاڑی میں سوار چھ افراد موقع پر ہی جاں بحق ہو گئے۔ دوسری جانب سکردو میں ہی دیوسائی روڈ کی بندش کی وجہ سے سیکڑوں ملکی و غیر ملکی سیاح شدید مشکلات کا شکار ہیں۔ سڑک کا ایک حصہ پانی کے تیز بہائو میں بہہ گیا جس کے بعد سے یہ اہم راستہ ہر قسم کی ٹریفک کے لیے بند ہو چکا ہے۔ پورے علاقے کا رابطہ بھی منقطع ہو چکا ہے جس کی وجہ سے پھنسے ہوئے لوگوں کا اپنے پیاروں سے رابطہ کرنا ناممکن ہو گیا۔ سکردو گلگت روڈ لینڈ سلائیڈنگ کی وجہ سے بند ہونے کے سبب پٹرول کی سپلائی متاثر ہوگئی۔ ہیوی مشینری کے ذریعے راستہ کھولنے کی کوششیں جاری ہیں، قلت کے باعث کئی پیٹرول پمپس بند ہوگئے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ