پنجاب میں ضمنی اور بلدیاتی انتخابات: ن لیگ نے پارٹی عہدیداروں کو تیاری کی ہدایت کردی
اشاعت کی تاریخ: 9th, August 2025 GMT
پاکستان مسلم لیگ (ن) نے پنجاب نے ضلعی عہدیداروں کو ضمنی اور بلدیاتی انتخابات کی بھرپور تیاری کرنے کی ہدایت کردی۔
صدر مسلم لیگ ن پنجاب رانا ثنااللہ کی زیرصدارت اہم اجلاس منعقد ہوا، جس میں تمام ڈویژنل کوآرڈینیٹرز اور تنظیمی عہدیداروں نے شرکت کی۔
یہ بھی پڑھیں: مسلم لیگ ن پنجاب کی پارلیمانی پارٹی کا اجلاس، اندرونی کہانی سامنے آ گئی
اجلاس میں پارٹی کے تنظیمی عہدیداروں نے انتخابات کے حوالے سے مفصل مشاورت کی۔ رانا ثنا اللہ نے تمام ضلعی عہدیداروں کو انتخابات کی تیاریوں کو جلد مکمل کرنے اور بھرپور محنت کرنے کی ہدایت دی۔ انہوں نے کہا کہ پارٹی جلد قیادت کے ساتھ مشاورت کے بعد ضمنی انتخاب کے مناسب امیدواروں کا اعلان کرےگی۔
رانا ثنااللہ نے مزید کہاکہ وفاق اور پنجاب کی حکومتوں پر تنظیمی عہدیداروں کا مکمل اعتماد ہے اور وزیراعلیٰ پنجاب مریم نواز کی کارکردگی کو بھی پوری طرح سراہا جا رہا ہے۔
ان کا کہنا تھا کہ مریم نواز کی کارکردگی کی وجہ سے پنجاب میں پارٹی کی مقبولیت بڑھ رہی ہے اور باقی صوبے بھی ان کی کامیابیوں کے معترف ہیں۔
انہوں نے پنجاب حکومت کے فلاحی پروگراموں کو عام آدمی کی خدمت قرار دیا اور وفاقی حکومت کی بھی تعریف کی۔
رانا ثنا اللہ نے کہاکہ وزیراعظم شہباز شریف ملکی وقار کو بحال کرنے کے لیے دن رات کام کر رہے ہیں اور حکومت کی خارجہ پالیسی کامیابیوں سے ہمکنار ہو رہی ہے۔
یہ بھی پڑھیں: مسلم لیگ نے پنجاب میں لوکل باڈیز بل پر مشاورت کے بعد تجاویز طلب کرلیں
انہوں نے بھارت کے خلاف پاکستان کی تاریخی فتح کا ذکر کرتے ہوئے کہاکہ یہ کامیابی پوری دنیا میں سنی جا رہی ہے۔ انہوں نے میاں نواز شریف کی قیادت کو سراہتے ہوئے کہاکہ مسلم لیگ (ن) ایک بار پھر پاکستان کو بحرانوں سے نکال رہی ہے اور وفاق و پنجاب حکومتیں عوام کی خدمت میں مصروف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بلدیاتی انتخابات پاکستان مسلم لیگ ن تیاریوں کی ہدایت رانا ثنااللہ ضمنی انتخابات مریم نواز نواز شریف وزیراعظم پاکستان وی نیوز.
ذریعہ
ذریعہ: WE News
کلیدی لفظ: بلدیاتی انتخابات پاکستان مسلم لیگ ن تیاریوں کی ہدایت رانا ثنااللہ ضمنی انتخابات مریم نواز نواز شریف وزیراعظم پاکستان وی نیوز مسلم لیگ ن کی ہدایت انہوں نے رہی ہے
پڑھیں:
مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے : نواز شریف
مسلم لیگ (ن) کے قائد نواز شریف نے کہا ہے کہ کہ آزاد کشمیر میں ہونے والے بڑے ترقیاتی منصوبوں پر مسلم لیگ (ن) کی مہر نظر آئے گی، پورے آزاد کشمیر کی تقدیر بدلیں گے۔
میرپور میں انتخابی جلسے سے خطاب کرتے ہوئے نواز شریف نے کہا کہ میرپور کے عوام کا جذبہ ہر کسی کے نصیب میں نہیں ہوتا، یہاں آ کر دل خوش ہو گیا ہے۔ انہوں نے سوالیہ انداز میں کہا کہ کیا پیشگی مبارک باد دے دوں؟
یہ بھی پڑھیں: مظفرآباد میں مسلم لیگ ن کا پاور شو: اقتدار میں آکر آزاد کشمیر کا بجٹ 10 گنا بڑھا دیں گے، نواز شریف
انہوں نے کہا کہ کئی برس بعد میرپور آنے کا موقع ملا ہے، اس شہر کو دوبارہ دیکھنے کی خواہش انہیں یہاں کھینچ لائی۔
مسلم لیگ (ن) کے قائد کا کہنا تھا کہ کشمیری عوام کے ساتھ ان کا رشتہ بہت مضبوط ہے اور مسلم لیگ (ن) نے ہمیشہ آزاد کشمیر کی ترقی کے لیے عملی اقدامات کیے ہیں۔
برسوں بعد میرپور آ کر خوشی بھی ہوئی اور ادھورے منصوبے دیکھ کر افسوس بھی۔ یہ شہر اس سے کہیں زیادہ ترقی کا حق رکھتا ہے۔ ہم عہد لے کر آئے ہیں کہ مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے۔ ترقی کے جو منصوبے رک گئے تھے، انہیں دوبارہ شروع کر کے مکمل کریں… pic.twitter.com/BtKd39TjZJ
— PMLN (@pmln_org) July 24, 2026
نواز شریف نے کہا کہ آزاد کشمیر میں ہونے والے بڑے ترقیاتی منصوبوں پر مسلم لیگ (ن) کی مہر نظر آئے گی، اگر کسی دوسری جماعت نے اس سے بڑھ کر کام کیا ہے تو بتایا جائے۔
نواز شریف نے کہا کہ ہم عہد لے کر آئے ہیں کہ مسلم لیگ ن کو موقع ملا تو میرپور اور پورے آزاد کشمیر کی تقدیر بدلیں گے۔ ترقی کے جو منصوبے رک گئے تھے، انہیں دوبارہ شروع کر کے مکمل کریں گے۔
’بلاول میری بات کا برا نہ ماننا‘انہوں نے چیئرمین پاکستان پیپلز پارٹی بلاول بھٹو زرداری کو مخاطب کرتے ہوئے کہا، ‘بلاول برخوردار! میری بات کا برا نہ ماننا، سیاست میں نوک جھونک ہوتی رہنی چاہیے لیکن لڑائی مارکٹائی نہیں ہونی چاہیے۔’
آج میرپور میں عوام کا جو جذبہ دیکھا، وہ غیر معمولی ہے۔ یہ منظر واضح بتا رہا ہے کہ مسلم لیگ ن کے امیدواروں کو بھرپور عوامی حمایت حاصل ہے۔ مجھے یقین ہے کہ انشاء اللہ چوہدری سعید سمیت ہمارے تمام امیدوار کامیابی حاصل کریں گے
صدرمسلم لیگ (ن) میاں محمد نواز شریف#MirpurSherKa pic.twitter.com/ZBDwC8Lt34
— PMLN (@pmln_org) July 24, 2026
نواز شریف نے کہا کہ وہ عزم لے کر آئے ہیں کہ میرپور اور پورے آزاد کشمیر کی تقدیر بدلیں گے۔
انہوں نے اعلان کیا کہ جس طرح لاہور اور اسلام آباد میں الیکٹرک بسیں چل رہی ہیں، اسی طرح آزاد کشمیر میں بھی یہ سہولت فراہم کی جائے گی، جبکہ مریم نواز عوام کے لیے خصوصی تحفہ لے کر آئی ہیں۔
یہ بھی پڑھیں: کیا نواز شریف آزاد کشمیر کے وزیراعظم بن سکتے ہیں؟
ان کا کہنا تھا کہ اگر آزاد کشمیر میں مسلم لیگ (ن) کی حکومت قائم ہوئی تو وہ بطور وزیراعظم اپنے منشور پر عمل درآمد کی خود نگرانی کریں گے۔ نوجوانوں کی تعلیم کو اولین ترجیح دی جائے گی اور ہر ہونہار کشمیری طالب علم کو لیپ ٹاپ فراہم کیے جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آزاد کشمیر سابق وزیراعظم میرپور نوازشریف
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم