خیبر پی کے میں حکومت کی تبدیلی خارج از امکان نہیں: امیر مقام
اشاعت کی تاریخ: 9th, August 2025 GMT
پشاور (نوائے وقت رپورٹ) پاکستان مسلم لیگ (ن) کے صوبائی صدر اور وفاقی وزیر امور کشمیر انجینئر امیر مقام نے کہا ہے کہ خیبر پی کے میں حکومت کی تبدیلی خارج از امکان نہیں، مناسب وقت پر اکثریت ثابت کر کے دکھائیں گے۔ 53 اراکین اسمبلی کی صورت میں مضبوط اپوزیشن اتحاد خیبرپی کے میں پانسہ پلٹ سکتا ہے۔ ان خیالات کا اظہار انہوں نے صوابی میں (ن) لیگ خیبر پی کے کے ایڈیشنل جنرل سیکرٹری حاجی دلدار خان کی رہائش گاہ پر ان کے بھائی کے انتقال پر اظہار تعزیت کے بعد کیا۔ امیر مقام نے کہا کہ پاکستان مسلم لیگ (ن) کی لیڈر شپ اپوزیشن جماعتوں کے ساتھ مذاکرات چاہتی ہے لیکن بدقسمتی سے پی ٹی آئی ایسا نہیں چاہتی۔ عمران نیازی کے خلاف عدالت میں کیسز ہیں، وہ ان کا سامنا عدالت میں کریں۔
.ذریعہ: Nawaiwaqt
پڑھیں:
لگتا ہے حکمرانوں نے مشرقی پاکستان سے سبق نہیں سیکھا، کاشف شیخ
data-id="863a0a8" data-element_type="widget" data-widget_type="theme-post-content.default">
251105-08-31
لاڑکانہ(نمائندہ جسارت) امیر جماعت اسلامی سندھ کاشف سعید شیخ نے کہا ہے کہ مجوزہ 27 ویں ترمیم کے حوالے سے پیپلز پارٹی کے چیئرمین بلاول زرداری کے انکشافات کے بعد بلی تھیلے سے باہر آگئی ہے۔ فارم 47 کے ذریعے ملک پر جعلی قیادت مسلط کرنے والے اب مجوزہ ترمیم کے ذریعے سندھ کی وحدت وسائل اور صوبائی خود مختاری پر حملہ آور ہیں۔ وکلا جمہوریت کی دعویدار پارٹیوں اور سول سوسائٹی سمیت جمہوریت پسند لوگوں کو 27 ترمیم کے خلاف متحد ہونا پڑے گا۔ابھی 26ویں ترمیم کے زخم ختم نہیں ہوئے تو 27 ویں ترمیم کے ذریعے قومی وحدت اور چھوٹے صوبوں کی محرومیوں میں اضافہ اور وسائل پر قبضے کی سازش کی جارہی ہے، لگتا ہے حکمرانوں نے مشرقی پاکستان سے سبق نہیں سیکھا۔ 21 نومبر کو مینار پاکستان لاہور میں ہونے والا اجتماع عام مایوسی کے ماحول میں امید کی کرن ثابت ہوگا۔ کراچی کشمور لوگ بھرپور شرکت کریں گے۔ ان خیالات کا اظہار انہوں نے اجتماع عام کی تیاریوں کے سلسلے میں ضلع لاڑکانہ کے ہر سطح کے ناظمین کے اجتماع سے خطاب کے دوران کیا۔ امیر ضلع ایڈووکیٹ نادر علی کھوسہ، قیم ذیشان عابد، مقامی امیر رمیز راجا شیخ ودیگر ذمے داران بھی موجود تھے۔ انہوں نے مزید کہاکہ ملک میں کوئی بھی قانون سازی عوامی مسائل اور ملکی مفاد میں ہونی چاہیے مگر افسوس کی بات ہے کہ یہاں پر محض اپنے ذاتی مفادات، اقتدار کو طول دینے اور شخصی آمریت کو برقرار رکھنے کے لیے رات کے اندھیرے اور بند کمروں میں بیٹھ کر کی جاتی ہے ،بدقسمتی سے اس وقت فارم 47کی بنیاد پر پارلیمنٹ میں موجود لوگوں اور مقتدر قوتوں نے پارلیمنٹ کو ربڑ اسٹیمپ بناکر رکھ دیا ہے، معیشت کی ترقی، بیروزگاری،مہنگائی، کرپشن اور غربت کے خاتمے کے لیے کوئی قانون سازی نہیں کی جاتی۔پیپلزپارٹی کے قائدین ذوالفقار علی بھٹو اور محترمہ بینظیر بھٹو نے ہمیشہ ملک میں جمہوری اصولوں کی پاسداری،صوبائی حقوق اور وفاقی ہم آہنگی کے لیے اپنا کردار ادا کیا لیکن موجودہ قیادت مکمل طور پر طاقتور حلقوں کے سامنے ہتھیار ڈال کر ملک کو 73کے متفقہ آئین سے محروم، عدلیہ کو ایگزیکٹو کے ماتحت اور ملک میں اظہار رائے کی آزادی،پرامن احتجاج اور اختلاف کو ختم کرنے کی راہ پر گامزن ہے۔ این ایف سی ایوارڈ میں کٹوتی صوبوں اور عوام کے حقوق پر براہ راست حملہ ہے ۔ جماعت اسلامی ملک میں جمہوری اصولوں کے فروغ،عدلیہ کی آزادی اور عوامی حقوق کے لیے اپنی جدوجہد جاری رکھے گی۔ 21تا23نومبر مینار پاکستان لاہور ’’بدل دو نظام اجتماع عام‘‘ میں امیر جماعت اسلامی حافظ نعیم الرحمن آئندہ کا لائحہ عمل پیش کریںگے، ذمے داران اجتماع عام میں عوام خصوصاًنوجوانوں کی بھرپور شرکت کو یقینی بنانے کے لیے بھرپور کوشش اور ڈور ٹوڈور مہم چلائیں۔
کراچی: ٹریفک کیمروں کی نگرانی کے دوران وائرل تصویروں پر ڈی آئی جی ٹریفک کا بیان آگیا