دلیر کتے نے گھر میں گھسنے والے ریچھ کو بھگا دیا
اشاعت کی تاریخ: 9th, August 2025 GMT
کینیڈا میں ایک دلیر کتے نے گھر میں گھسنے والے ریچھ کو بھگا دیا۔
کینیڈا کے صوبے برٹش کولمبیا میں ایک دلیر 6 پاؤنڈ وزنی پومیرینین کتے نے گھر میں گھس آنے والے ریچھ کو بھگا دیا۔
یہ بھی پڑھیں: کتے خواب میں اپنے مالکان کو دیکھتے ہیں، ماہر نفسیات کا دعویٰ
مغربی وینکوور کی رہائشی کیلا کلین نے اپنے گھر کے سیکیورٹی کیمرے کی فوٹیج شیئر کی جس میں دیکھا جاسکتا ہے کہ شدید گرمی کے باعث دروازہ کھلا رکھنے پر ایک ریچھ آرام سے اندر داخل ہوا۔ ریچھ پہلے ڈرائنگ روم میں گیا، ٹی وی کے پاس سونگھتا رہا اور پھر وہ ناشتے کی طرف بڑھا جو کلین نے اپنے ننھے کتے ’اسکاوٹ‘ کے لیے رکھا تھا۔
کینیڈا میں بھوکا ریچھ ایک گھر میں گھس تو گیا مگر ان کے پالتو ???? نے اسے بھگا دیا pic.
— شبانہ شوکت (@Shabanashaukat4) August 8, 2025
چند لمحوں بعد اسکاوٹ ایک سائیڈ کمرے سے تیزی سے دوڑتا ہوا آیا اور بھونک بھونک کر ریچھ کو للکارنے لگا۔ ریچھ چونک کر فوراً کچن سے باہر بھاگا اور صحن پار کر کے باڑ پھلانگ کر فرار ہوگیا۔ کیلا کلین کے مطابق اسکاوٹ ریچھ کے اس لیے پیچھے پڑا کیونکہ اس نے اس کا ناشتہ کھا لیا تھا۔
کلین نے بتایا کہ ’میں حیران تو ہوئی لیکن جانتی تھی کہ جب یہ غصے میں ہو تو بڑا خوفناک لگتا ہے، اس لیے میں نے اسے پوری رفتار سے ریچھ کے پیچھے دوڑتے دیکھا۔‘ خوش قسمتی سے اس دوران اسکاوٹ کو کوئی چوٹ نہیں آئی۔
یہ بھی پڑھیں: بلیوں کے کچھ حیران کن رویے جو آپ کو چونکا سکتے ہیں
کلین نے اپنے کتے کی بہادری کو سراہتے ہوئے کہا کہ ’یہ سب سے بہترین ہے، نہایت پیار کرنے والا اور محبت کرنے والا ہے مگر بہت تیز مزاج اور میرے اور میرے شوہر کے لیے حد سے زیادہ محافظ ثابت ہوتا ہے۔‘
یہ غیر معمولی واقعہ سوشل میڈیا پر وائرل ہوگیا اور ہزاروں صارفین نے اس دلیر پالتو کتے کی تعریف کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news برٹش کولمبیا ریچھ کتا کھانا کیلا کلین کینیڈاذریعہ: WE News
کلیدی لفظ: برٹش کولمبیا ریچھ کتا کھانا کینیڈا گھر میں ریچھ کو کلین نے نے گھر
پڑھیں:
برفانی چیتوں کی زور دار آوازوں نے سب کو چونکا دیا
سائبیریا کے سایانو-شوشینسکی نیشنل ریزرو (Sayano-Shushenski Nature Reserve) میں نصب وائلڈ لائف کیمروں نے ایک نایاب اور حیران کن لمحہ قید کیا جب برفانی چیتوں (Snow Leopards) نے بلند، خوفناک حد تک گرج دار آوازوں کے ذریعے ملاپ (mating) کے سیزن کا اعلان کیا۔
ویڈیو میں دکھایا گیا ہے کہ کیسے یہ خفیہ مزاج رکھنے والے خوبصورت جانور، جو عام طور پر خاموش رہتے ہیں، بلند آوازوں میں گرج کر ایک دوسرے کو متوجہ کرتے ہیں۔ ان آوازوں کو سن کر دیکھنے والے بھی چونک گئے۔
مزید پڑھیں: آزاد کشمیر کے علاقے ہٹیاں بالا میں تیندوے کا حملہ، 8 سالہ بچی جاں بحق
ماہرینِ حیوانات کے مطابق، برفانی چیتے عام طور پر انسانوں کی نظروں سے دور رہتے ہیں، اور اس طرح کے لمحات بہت ہی کم دیکھنے کو ملتے ہیں۔ اس ویڈیو کی مدد سے نہ صرف ان کی عادات پر تحقیق ممکن ہوگی بلکہ یہ بھی معلوم ہوسکے گا کہ ان کی افزائشِ نسل کس ماحول میں ہوتی ہے۔
یہ مناظر نہ صرف قدرت کی خوبصورتی کو اجاگر کرتے ہیں بلکہ یہ بھی یاد دلاتے ہیں کہ نایاب جنگلی حیات کے تحفظ کے لیے کوششیں کتنی اہم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Snow Leopards برفانی چیتا
وزارت داخلہ کا عمران خان کے بیٹوں کی پاکستان آمد سے متعلق بیان سامنے آگیا