عامر خان نے اسکرپٹ کی ایک سطر سنے بغیر ہی فلم کیلیے ہامی کیوں بھری؟ حیران کن وجہ
اشاعت کی تاریخ: 11th, August 2025 GMT
بالی ووڈ کے مسٹر پرفیکشنسٹ عامر خان نے انکشاف کیا ہے کہ انہوں نے ایک فلم کے لیے اسکرپٹ کی ایک بھی لائن سنے بغیر ہاں کہہ دی تھی جو 14 اگست کو ریلیز ہونے جا رہی ہے۔
یہ بات عامر خان نے ایک انٹرویو میں بتائی۔ سپر اسٹار عامر خان نے مزید کہا کہ وہ رجنی کانت کی فلم قلی ہے جس کا اسکرپٹ سننے کی ضرورت ہی محسوس نہیں ہوئی۔
عامر خان کے بقول جب ہدایت کار لوکیش کناگاراج ملنے آئے اور آتے ہی مجھ سے کہا کہ تم فلم قلی میں ایک کردار کرو۔
عامر خان نے مزید بتایا کہ جب مجھے پتا چلا کہ یہ فلم رجنی کانت کی ہے تو میں نے اسکرپٹ کی ایک بھی لائن سنے بغیر فوراً ہاں کہہ دی۔
مسٹر پرفیکشنسٹ کا کہنا تھا کہ میرا فلم قلی میں یہ کردار سر رجنی کانت کے لیے دل سے دیا ہوا ایک تحفہ ہے۔
جب عامر خان سے پوچھا گیا کہ وہ رجنی کانت کی کونسی خوبی اپنے پاس رکھنا چاہیں گے تو پہلے تو ان کا جواب تھا کہ رجنی سر کی دل موہ لینے والی مسکراہٹ۔
لیکن چند لمحوں بعد ہی عامر خان بولے کہ نہیں، میں اپنا جواب بدلنا چاہتا ہو ۔۔۔۔ ان کی آنکھیں۔
سر رجنی کانت کی آنکھوں میں ہر جذبہ جھلکتا ہے۔ اگر آپ ولن ہوں تو وہ آپ کو ڈرا دیتی ہیں۔ اگر آپ ہیروئن ہوں تو ان سے محبت محسوس ہوتی ہے۔ یہی رجنی کانت کی اصل طاقت ہے۔
فلم قلی 14 اگست 2025 کو سنیما گھروں کی زینت بنے گی اور دلچسپ بات یہ ہے کہ یہ جونیئر این ٹی آر اور ہریتھک روشن کی وار 2 سے براہ راست ٹکرائے گی۔
.
ذریعہ: Express News
کلیدی لفظ: رجنی کانت کی
پڑھیں:
میں ٹرمپ کے سر پر سوار ہوں وہ بھی بغیر کرائے کے، میئر لندن
میئر لندن صادق خان نے ٹرمپ کو نسل پرست اور اسلامو فوبیا کا شکار قرار دیتے ہوئے کہا ہے کہ میں ان کے سر پر سوار ہوں۔
لندن کے مسلمان میئر صادق خان نے بس میں سفر کے دوران انٹرویو میں امریکی صدر ڈونلڈ ٹرمپ کی خود پر تنقید پر ردعمل دیتے ہوئے کہا ہے کہ ٹرمپ نے اپنی متعصبانہ سوچ ظاہر کر دی ہے کہ وہ نسل پرست، جنسی تعصب کا شکار اور خواتین واسلام کے خلاف ہیں۔
میئر لندن نے امریکی صدر کی جانب سے انہیں بار بار تنقید کا نشانہ بنائے جانے پر ازراہ تنفن کہا کہ وہ (صادق خان) ہر وقت ڈونلڈ ٹرمپ کے سر پر سوار رہتے ہیں اور وہ بھی بغیر کرائے کے۔
انہوں نے صحافی کی جانب سے ٹرمپ کے ان کو خوفناک میئر قرار دیے جانے پر کہا کہ مسلمان میئر ایک لبرل، کثیر ثقافتی، ترقی پسند، کامیاب شہر کی قیادت کر رہا ہے اور میں شکر گزار ہوں کہ اب ریکارڈ تعداد میں امریکی لندن آ رہے ہیں۔
میئر لندن کا کہنا تھا کہ مجھے صدر ٹرمپ کے تبصروں کی کوئی پروا نہیں کیونکہ میرے پاس فکر کرنے کے لیے اس سے زیادہ اہم چیزیں ہیں۔ مجھے فخر ہے کہ ہم دنیا کے عظیم ترین شہر ہیں اور یہ سلسلہ جاری رہے گا۔
واضح رہے کہ امریکی صدر ڈونلڈ ٹرمپ نے اقوام متحدہ کی جنرل اسمبلی سے خطاب میں صادق خان کو ’’خوفناک میئر‘‘ قرار دیا تھا اور ان پر لندن میں شریعت نافذ کرنے کا الزام بھی عائد کیا تھا۔
یہ پہلی بار نہیں جب امریکی صدر نے میئر لندن پر تنقید کی ہو۔ اپنے حالیہ دورہ برطانیہ میں بھی انہوں نے کہا تھا کہ صادق خان شاہی ضیافت میں آنا چاہتے تھے، مگر میرے منع کرنے پر انہیں مدعو نہیں کیا گیا کیونکہ میں انہیں یہاں دیکھنا نہیں چاہتا تھا۔ اس سے قبل امریکی صدر کے ان توہین آمیز ریمارکس پر لیبر ممبران پارلیمنٹ نے میئر لندن صادق خان کی حمایت میں ریلی نکالی۔ شرکا نے ٹرمپ کے دعووں کو جھوٹ قرار دیتے ہوئے مطالبہ کیا کہ امریکی سفیر طلب کر کے احتجاج ریکارڈ کرانے کا مطالبہ کیا۔
ملتان میں جلال پور پیر والا پر موٹروے ایم 5 کا ایک اور حصہ سیلاب میں بہہ گیا