کویت نے جی سی سی رہائشیوں کو ویزہ آن ارائیول کی سہولت دیدی
اشاعت کی تاریخ: 12th, August 2025 GMT
کویت سٹی ( اُردو پوائنٹ اخبارتازہ ترین۔ 12 اگست 2025ء ) خلیجی ملک کویت نے متحدہ عرب امارات اور دیگر خلیج تعاون کونسل (GCC) ممالک میں مقیم پاکستانیوں سمیت دیگر تارکین وطن کو ویزہ آن ارائیول کی سہولت دیدی۔ خلیج ٹائمز کے مطابق کویت کی وزارت داخلہ نے اپنے ایک حالیہ اعلان میں کہا کہ جی سی سی ممالک میں مقیم غیرملکی باشندے کویت میں داخل ہوتے وقت ویزہ آن ارائیول کی سہولت سے مستفید ہو سکتے ہیں، اس فیصلے کے تحت سعودی عرب، متحدہ عرب امارات، عمان، قطر اور بحرین میں اقامتی اجازت نامے کے حامل غیر ملکی شہری اب کویت میں ویزہ آن ارائیول خدمات کے اہل ہیں، اس سے پہلے جی سی سی ریزیڈنسی کارڈ کے حامل غیرملکی پاسپورٹ رکھنے والوں کو کویت کا سفر کرنے سے پہلے ای ویزہ حاصل کرنے کی ضرورت تھی۔
(جاری ہے)
کویت کے بین الاقوامی ہوائی اڈے کی انتظامیہ کا کہنا ہے کہ وزارت داخلہ میں ڈائریکٹوریٹ جنرل آف امیگریشن کی ہدایت کے تحت جی سی سی کے رہائشیوں (عراقی شہریوں کے علاوہ) کو ہوائی اڈے کے ویزہ کاؤنٹر سے سیاحتی ویزہ جاری کیا جائے گا جس کی مدت تین ماہ ہوگی، تاہم مسافر کا ڈاکٹر، وکیل، انجینئر، استاد، جج، کنسلٹنٹ، پبلک پراسیکیوشن کے ممبران، یونیورسٹی ٹیچر، صحافی، پریس اینڈ میڈیا اسٹاف، پائلٹ، سسٹم اینالسٹ، فارماسسٹ، کمپیوٹر پروگرامر، منیجر، بزنس مین، ڈپلومیٹک کورپس اور اونرز کے افسران ادارے، یا یونیورسٹی گریجویٹس ہونا ضروری ہے۔ اس حوالے سے مزید شرائط میں کہا گیا ہے کہ مسافر کے پاس ایک درست پاسپورٹ ہونا چاہیے نہ کہ عارضی سفری دستاویز، مسافر کے پاس پاسپورٹ اور جی سی سی رہائشی اجازت نامہ ہونا چاہیئے جو کویت کے سفر کی تاریخ سے چھ ماہ سے زیادہ کے لیے کارآمد ہو، مسافر کو کویت کی ریاست میں بلیک لسٹ نہ کیا گیا ہو، مسافر کے پاس واپسی کا ٹکٹ ہونا چاہیئے، ہوائی اڈے پر ویزہ کاؤنٹر پر ویزہ کے لیے درخواست دیتے وقت مسافر کیلئے کویت میں اپنے رہائش کا پتہ درج کرانا ضروری ہے۔.ذریعہ: UrduPoint
کلیدی لفظ: تلاش کیجئے ویزہ آن ارائیول
پڑھیں:
برطانوی ماہرین ڈرون کا مقابلہ کرنے کے لیے بلجیم پہنچ گئے
data-id="863a0a8" data-element_type="widget" data-widget_type="theme-post-content.default">
251111-06-1
لندن (انٹرنیشنل ڈیسک) برطانوی آرمی چیف رچرڈ نائٹن نے کہا ہے کہ برطانیہ نے بلجیم کو ماہرین اور سازوسامان بھیجنا شروع کر دیا ہے تاکہ اس ڈرون حملے سے نمٹنے میں مدد کی جا سکے جس کی وجہ سے ہوائی اڈے عارضی طور پر بند ہو گئے ہیں۔بلجیم کے ہوائی اڈوں اور فوجی اڈوں پر گزشتہ ہفتے ڈرونز دیکھے گئے تھے۔ حالیہ مہینوں میں ان ڈرونز نے پورے یورپ میں نمایاں خلل پیدا کیا ہے۔ رچرڈ نائٹن نے بتایا کہ ان کے ہم منصب نے مدد کی درخواست کی تھی ،جس کے بعد اہلکاروں اور ساز و سامان کی تعیناتی پر اتفاق کیا گیا۔
شمالی وزیرستان: شادی کی تقریب میں شرکت کےلیے جانے والی گاڑی کو حادثہ، 14 افراد زخمی