پاکستان آئیڈل 2025 کی میزبانی کون کرے گا؟
اشاعت کی تاریخ: 13th, August 2025 GMT
سُروں کا مقابلہ لیے پاکستان آئیڈل جلد ٹی وی اسکرین پر آنے والا ہے جس کے خوب چرچے ہورہے ہیں۔
جہاں پاکستان آئیڈل 2025 میں حصہ لینے کیلئے پاکستان بھر سے اُمیدوار پُرجوش ہیں وہیں سوشل میڈیا پر مداح یہ جاننے کیلئے بےقرار ہیں کہ اس شو کی میزبانی کون کرے گا۔
نجی میڈیا کے مطابق آواز کا جادو جگانے اور مختلف آوازوں میں پیروڈی کرنے کیلئے مشہور اداکار و میزبان اور مشہور آرٹسٹ شفاعت علی رواں سال پاکستان آئیڈل کی میزبانی کریں گے جبکہ پروگرام کے ججز کا اعلان کیا جاچکا ہے۔ ججز میں راحت فتح علی خان، بلال مقصود، فواد خان اور زیب بنگش شامل ہیں۔
واضح رہے کہ پاکستان بھر سے نوجوانوں کی بڑی تعداد پاکستان آئیڈل 2025 کیلئے ڈیجیٹل آڈیشنز بھیج رہی ہے۔
.ذریعہ: Express News
کلیدی لفظ: پاکستان ا ئیڈل
پڑھیں:
9 سے 12 نومبر: حج کانفرنس و نمائش 2025 کی تفصیلات جاری
وزارتِ حج و عمرہ اور شاہ عبدالعزیز فاؤنڈیشن برائے تحقیق و دستاویزات (دارہ) نے آج ایک مشترکہ پریس بریفنگ میں پانچویں حج کانفرنس و نمائش 2025 کی تفصیلات پیش کیں، جو 9 سے 12 نومبر تک جدہ میں منعقد ہوگی۔ اس سال کا موضوع ہے:
’مکہ سے عالم تک‘۔
یہ عظیم الشان کانفرنس 60,000 مربع میٹر پر محیط ہوگی اور 18 حج سے متعلقہ شعبوں پر مشتمل ہوگی۔ منتظمین کے مطابق، اس میں 1,50,000 سے زائد زائرین کی شرکت متوقع ہے جو گزشتہ سال کے 1,20,000 شرکاء سے کہیں زیادہ ہے۔
کانفرنس میں 143 خصوصی سیشنز ہوں گے جن میں 225 مقررین اور 270 نمائش کنندگان شریک ہوں گے، جبکہ 2,400 سے زائد بین الاقوامی شرکاء تربیتی پروگرامز میں حصہ لیں گے۔
وزارتِ حج و عمرہ کے ترجمان ڈاکٹر غسان النویمی نے بتایا کہ یہ کانفرنس بین الاقوامی سطح پر تجربات کے تبادلے اور عازمینِ حج کی خدمت میں بہتری کے لیے ایک کلیدی پلیٹ فارم ہے۔ ان کا کہنا تھا کہ اس کا مقصد سعودی وژن 2030 کے اہداف کے مطابق ٹیکنالوجی، انفراسٹرکچر، اور انسانی وسائل کے درمیان ہم آہنگی پیدا کرنا ہے۔
اس سال کا ایک بڑا مرکزِ توجہ ’انویشن زون‘ (Innovation Zone) ہوگا، جہاں مصنوعی ذہانت، پائیدار انجینئرنگ، اور ہجوم کے انتظام سے متعلق جدید حل پیش کیے جائیں گے۔
دارہ کے ترجمان سلطان الاویردی کے مطابق، پہلی بار فاؤنڈیشن کانفرنس کے علمی و ثقافتی پروگرام کو مزید جامع بنائے گی۔
دارہ کی نمایاں سرگرمیوں میں ’تاریخِ حج و حرمین شریفین فورم‘ شامل ہے، جس میں محققین تاریخی نکات پیش کریں گے اور یہ جائزہ لیں گے کہ ٹیکنالوجی نے حج کے ارتقاء کی دستاویزات میں کیا کردار ادا کیا۔
اس کے علاوہ، دو مقدس مساجد کی 100 سالہ خدمت کے عنوان سے ایک خصوصی نمائش بھی منعقد ہوگی، جس میں نادر تاریخی دستاویزات، تصاویر، اور نوادرات شامل ہوں گے جو مملکتِ سعودی عرب کی اسلامی ورثے کے تحفظ کے لیے مستقل وابستگی کو اجاگر کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جدہ سعودی عرب حج کانفرنس و نمائش 2025
بھارتی ریاست بہار میں اسمبلی انتخابات کا آغاز، پہلے مرحلے میں 28 فیصد ووٹنگ مکمل