یَنگو گروپ نے اپنا سپر ایپ آئی ٹی سی این ایشیا 2025 میں پیش کی
اشاعت کی تاریخ: 26th, September 2025 GMT
کراچی (اُردو پوائنٹ اخبارتازہ ترین۔ 26 ستمبر2025ء)عالمی ٹیکنالوجی کمپنی یَنگو گروپ نے آئی ٹی سی این ایشیا 2025، پاکستان کی سب سے بڑی ٹیکنالوجی کانفرنس میں ایک اہم سنگِ میل عبور کیا، جہاں کمپنی نے اپنا سپر ایپ متعارف کروایا اور شرکاء کو اپنے بڑھتے ہوئے ڈیجیٹل ایکوسسٹم کا براہِ راست تجربہ فراہم کیا۔وی آئی پی لاؤنج میں قائم یَنگو کے خصوصی اسٹال پر سپر ایپ نے Rides، Delivery، Shops, Ads اور B2B کے ایک مکمل پیکیج کو ایک ہی پلیٹ فارم پر یکجا کیا، جس نے پاکستان کے ڈیجیٹل نظام میں نقل و حرکت کے تجربے کو ایک نئی جہت دی۔
(جاری ہے)
یَنگو کا اسٹال، جو وی آئی پی لاؤنج میں واقع تھا، ممتاز شخصیات، صنعت کے رہنماؤں، پالیسی سازوں، انوویٹرز اور طلباء کی بڑی تعداد کا مرکز رہا۔ اس موقع پر نمایاں مہمانوں میں جناب خُرّم شہزاد (مشیر وفاقی وزیر خزانہ)، بریگیڈیئر نادر (اسپیشل انویسٹمنٹ فیسلیٹیشن کونسل – SIFC)، جناب عمران یعقوب (ڈی آئی جی آئی ٹی سندھ پولیس)، لیفٹیننٹ کرنل رضوان میر (پی آر کوآرڈینیٹر SIFC)، کے علاوہ معروف میڈیا شخصیات جیسے جہاں آراء (سی ای او، کیٹالسٹ لیبز) اور ساحر لودھی بھی شامل تھے۔
یَنگو پاکستان کے کنٹری ہیڈ، مرال شریف نے کہا:
“سپر ایپ بننے کا مقصد پاکستان میں صارفین کے تجربے کو بدلنا ہے، جہاں موبلٹی، تجارت اور روزمرہ کی سہولیات ایک ہی معتبر ڈیجیٹل چھت تلے یکجا ہوں۔ آئی ٹی سی این ایشیا میں اس کا مظاہرہ کرنا، جو بلاشبہ ملک کا سب سے بڑا ٹیک پلیٹ فارم ہے، ہمارے عزم کی عکاسی کرتا ہے کہ ہم پاکستان کے ساتھ مل کر ایک اسمارٹ ڈیجیٹل مستقبل تشکیل دے رہے ہیں۔”.
ذریعہ
ذریعہ: UrduPoint
کلیدی لفظ: تلاش کیجئے سپر ایپ آئی ٹی
پڑھیں:
چیف جسٹس سپریم کورٹ کا ضلع و سیشن جج عبدالحکیم کاکڑ کی شہادت پر اظہار افسوس
چیف جسٹس آف پاکستان نے ضلع و سیشن جج عبدالحکیم کاکڑ اور ان کے سیکیورٹی اہلکار کی شہادت پر گہرے رنج و غم کا اظہار کیا ہے۔
چیف جسٹس آف پاکستان نے پاکستان کی عدلیہ کی جانب سے شہدا کے اہلِ خانہ سے دلی تعزیت کا اظہار کیا۔
ضلع و سیشن جج عبدالحکیم کاکڑ اور ان کے سیکیورٹی اہلکار مستونگ میں دورانِ ڈیوٹی دہشت گرد حملے میں شہید ہوئے تھے۔
چیف جسٹس پاکستان یحییٰ آفریدی نے کہا کہ پاکستان کی عدلیہ اس ناقابلِ تلافی سانحے پر سوگوار خاندانوں کے ساتھ کھڑی ہے۔ چیف جسٹس آف پاکستان نے شہداء کے درجات کی بلندی اور اہلِ خانہ کے لیے صبر جمیل کی دعا کی۔
مزید پڑھیںمستونگ: قومی شاہراہ پر فائرنگ، سیشن جج گن مین سمیت شہید، ایڈیشنل سیشن جج سمیت 2 افراد شدید زخمی
چیف جسٹس آف پاکستان نے زخمی ایڈیشنل سیشن جج طارق لاشاری اور جوڈیشل مجسٹریٹ کی جلد صحت یابی کی دعا کی جبکہ شہداء سے اظہارِ عقیدت اور بلوچستان کی ضلعی عدلیہ سے اظہارِ یکجہتی کے لیے 25 جولائی کو شیڈول جوڈیشل ویلبیئنگ کانفرنس مؤخر کر دی گئی۔
چیف جسٹس نے کہا پاکستان کی عدلیہ بلاخوف و خطر انصاف کی فراہمی کے عزم پر قائم ہے، تشدد اور دہشت گردی کے واقعات قانون کی حکمرانی کے لیے ہمارے عزم کو متزلزل نہیں کر سکتے۔
انہوں نے مزید کہا کہ پاکستان کی عدلیہ ہر حال میں انصاف کی بالادستی اور عدلیہ کی آزادی کے تحفظ کے لیے پرعزم ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار