کراچی: کریڈٹ کارڈ کا جھانسہ دے کر خاتون سے مبینہ زیادتی، مقدمہ درج
اشاعت کی تاریخ: 13th, August 2025 GMT
کراچی (ویب ڈیسک )کراچی کے علاقے بہادر آباد کی شیرپاؤ کالونی میں ایک بینک ملازمہ کے ساتھ سنگین واقعہ پیش آیا، جس میں خاتون کو کریڈٹ کارڈ بنوانے کے بہانے بلا کر مبینہ طور پر زیادتی کا نشانہ بنایا گیا۔ متاثرہ خاتون نے پولیس سے رجوع کرتے ہوئے بہادر آباد تھانے میں مقدمہ درج کروا دیا ہے۔
ایف آئی آر کے مطابق متاثرہ خاتون بینک میں گاڑیوں کی لیزنگ اور کریڈٹ کارڈز سے متعلق خدمات انجام دیتی ہیں۔ گزشتہ ماہ ایک شخص نے کریڈٹ کارڈ کے حصول کے لیے ان سے رابطہ کیا۔ 10 اگست کو اسے دھوراجی کے قریب ایک اسپتال پر آنے کا کہا گیا، لیکن موقع پر پہنچنے کے بعد ملزم اسے اسپتال کے بجائے قریبی گلی میں واقع ایک گھر لے گیا۔
خاتون کے بیان کے مطابق اس مکان میں پہلے سے ایک مرد اور ایک خاتون موجود تھے۔ اسے مشروب پیش کیا گیا، جس کے بعد وہ نیم بے ہوش ہو گئی۔ اسی دوران ایک شخص نے اسے باندھ دیا اور دوسرا مبینہ طور پر زیادتی کرتا رہا۔ اس دوران گھر میں موجود خاتون ویڈیو بناتی رہی۔
متاثرہ خاتون کا کہنا ہے کہ یہ سلسلہ تقریباً ایک گھنٹے تک جاری رہا، اور بعد میں ملزم نے دھمکی دی کہ اگر دوبارہ ملاقات کے لیے نہ آئیں تو ویڈیو سوشل میڈیا پر وائرل کر دی جائے گی، یہاں تک کہ جان سے مارنے کی بھی دھمکی دی گئی۔
خاتون کے مطابق وہ موقع سے نکل کر سیدھی جناح اسپتال پہنچیں۔ پولیس نے بتایا کہ میڈیکل ٹیسٹ مکمل کر لیا گیا ہے اور جائے وقوعہ سے ملنے والے خون کے نمونے، کپڑے اور دیگر شواہد تحویل میں لے کر سربمہر کر دیے گئے ہیں۔
Post Views: 5.ذریعہ: Daily Mumtaz
پڑھیں:
سہیل آفریدی کیخلاف پیکا ایکٹ کے تحت مقدمہ درج
وزیراعلیٰ خیبرپختونخواکیخلاف متنازع بیان دینے پر انکوائری میں سنگین الزامات
بیانات ریاستی اداروں کی ساکھ کو نقصان پہنچانے کی کوشش ہے،این سی سی آئی اے
وزیراعلیٰ خیبرپختونخوا سہیل آفریدی کے خلاف متنازع بیان دینے پر پیکا ایکٹ کے تحت مقدمہ درج کرلیا گیا۔تفصیلات کے مطابق سہیل آفریدی کیخلاف پیکا ایکٹ کا مقدمہ نیشنل سائبر کرائم انویسٹی گیشن ایجنسی اسلام آباد نے سرکار کی مدعیت میں درج کیا ہے۔مقدمے کے متن میں لکھا گیا ہے کہ سہیل آفریدی نے مساجد میں کتے باندھنے کا متنازع بیان دیا۔ مقدمے میں سہیل ولد ستار کو براہ راست ملزم نامزد کیا گیا ہے۔ این سی سی آئی اے کے مطابق محمد سہیل کے خلاف انکوائری میں سنگین الزامات سامنے آئے، جس نے ریاستی اداروں کے خلاف جھوٹے، گمراہ کن اور توہین آمیز بیانات و الزامات کی ویڈیو پی ٹی آئی کے یوٹیوب چینل پر شیٔر کی اور عنوان لکھا کہ ’وزیراعلیٰ خیبرپختونخوا سہیل آفریدی کی اڈیالہ جیل کے باہر میڈیا سے گفتگو‘۔این سی سی آئی اے کے مطابق ملزم کے بیانات ریاستی اداروں کی ساکھ کو نقصان پہنچانے کی کوشش ہے۔ انکوائری میں بتایا گیا کہ ملزم سوشل میڈیا پر اشتعال انگیز مواد پھیلا رہا تھا۔ سائبر کرائم وِنگ کے مطابق، مواد عوام میں نفرت، خوف اور بدامنی پھیلانے کی کوشش ہے۔ جس پر پیکا ایکٹ کی دفعات 11، 20 اور اے 26 کے تحت مقدمہ درج کیا گیا اور اعلیٰ حکام کی مںظوری کے بعد ایف آئی آر درج کی گئی۔
جامعات میں 200+ افغان اسٹوڈنٹس کے زیرِتعلیم ہونے کا انکشاف