کراچی؛ ڈمپر جلانے کے کیس میں ملزمان جسمانی ریمانڈ پر پولیس کے حوالے
اشاعت کی تاریخ: 13th, August 2025 GMT
کراچی:
انسداد دہشتگردی کی منتظم عدالت نے راشد منہاس روڈ پر ڈمپر جلانے کے مقدمے میں ملزمان کو 6 روزہ جسمانی ریمانڈ پر پولیس کے حوالے کر دیا۔
کراچی سینٹرل جیل انسداد دہشتگردی کمپلیکس میں منتظم عدالت کے روبرو راشد منہاس روڈ پر ڈمپر جلانے کے مقدمے کی سماعت ہوئی۔ یوسف پلازہ پولیس نے 5 ملزمان کو منتظم عدالت میں پیش کیا۔ ملزمان میں عمر ایوب، محمد مراد، محمد ولید، ضمن حسین، وسام عابد شامل ہیں۔
تفتیشی افسر نے بتایا کہ ملزمان نے اپنے جرم کا انکشاف کیا، مخبر خاص کی نشاندہی اور وائرل ویڈیوز میں ملزمان کے چہرے نظر آرہے ہیں۔ گرفتار ضمن کی نشاندہی پر ملزم وسام کو گرفتار کیا گیا ہے اس لیے ملزمان کا 14 روزہ ریمانڈ کی استدعا ہے۔
عدالت نے استفسار کیا کہ کس چیز کی تفتیش کرنی ہے اور ایسا کیا معاملہ ہے؟ کوئی خاص کیس تو نہیں تو کیوں چاہیے اتنے دنوں کا ریمانڈ؟
تفتیشی افسر نے بتایا کہ شریک جرم سید بلال سمیت دیگر ملزمان کی گرفتاری عمل میں لانی ہے، ہمیں ملزمان سے متعلق شواہد اکھٹے اور بیان قلمبند کرنے ہیں۔
عدالت نے ملزمان کو جسمانی ریمانڈ پر پولیس کے حوالے کرتے ہوئے 20 اگست کو پیش کرنے کا حکم دے دیا۔ عدالت نے حکم دیا کہ آئندہ سماعت پر پیش رفت رپورٹ پیش کی جائے۔
پولیس کے مطابق ڈمپر کی ٹکر سے بھائی بہن جاں بحق ہوگئے تھے اور ملزمان نے حادثے کے بعد متعدد ڈمپرز کو آگ لگائی تھی، واقعہ کا مقدمہ یوسف پلازہ تھانے میں انسداد دہشتگردی کی دفعات کے تحت درج کیا گیا ہے۔
.ذریعہ: Express News
پڑھیں:
نیو کراچی میں پولیس سے مقابلے میں 2 ڈاکو مارے گئے
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) شہر کے مختلف علاقوں میں چھاپوں، کومبنگ آپریشن اور پولیس مقابلوں کے نتیجے میں دو ڈاکو ہلاک، زخمیوں سمیت 36 ملزمان کو گرفتار کر لیا گیا، ملزمان سے اسلحہ، موٹر سائیکلیں، منشیات، نقدی‘ موبائل فون اور مسروقہ سامان برآمد ہوا۔ تفصیلات کے مطابق نیو کراچی سیکٹر الیون ای کنٹری ٹاور کے قریب سیکورٹی ون میں تعینات پولیس اہلکار کی فائرنگ سے دو ڈاکو ہلاک اور ایک موقع سے فرار ہوگیا۔ فائرنگ کے تبادلے میں ایک ڈاکو موقع پر ہی ہلاک ہوگیا جس کی شناخت یاسین بنگانی ولد محمد بخش کے نام سے ہوئی۔ فائرنگ کے دوران دوسرا ڈاکو زخمی ہوا جسے پولیس نے گرفتار کرکے عباسی شہید اسپتال منتقل کیا تاہم وہ دورانِ علاج دم توڑ گیا۔ پولیس کے مطابق تیسرا زخمی ڈاکو موقع سے فرار ہونے میں کامیاب ہوگیا جس کی تلاش جاری ہے۔ پولیس کا کہنا ہے کہ ہلاک ملزم کے قبضے سے 9 ایم ایم پستول مع 2 راؤنڈ برآمد کیے گئے جبکہ اس کا سابقہ کریمنل ریکارڈ بھی منظرِ عام پر آگیا ہے۔ یاسین کے خلاف تھانہ اسٹیل ٹاؤن میں 2016ء کے دوران متعدد مقدمات درج تھے جن میں ڈکیتی، مزاحمت اور فائرنگ کے واقعات شامل ہیں۔ ایس ایچ اور لعل نند کے مطابق ڈاکس تھانے کی حدود مچھر کالونی شیرازی چوک کے قریب جنگل سائیڈ میں پولیس اور ملزمان کے درمیان مبینہ مقابلہ ہوا۔ اس دوران ملزم دل محمد عرف لنگڑا ولد نور السلام کو زخمی حالت میں گرفتار کرلیا۔ ملزم کا ساتھی موقع سے فرار ہونے میں کامیاب ہوگیا ، ایس ایچ اور لعل نند کا کہنا ہے کہ ایک دوسری کاروائی کے دوران دو مسلح ڈکیتوں کو مائی کولاچی روڈ سے گرفتار کیا ۔ملزمان کی شناخت نور ولی اور عاصم کے ناموں سے ہوئی۔ملزمان کے قبضے سے بوقت گرفتاری دو عدد پستول اور ایک سرقہ شدہ آئی فون برآمد ہوا۔ملزمان نے بوٹ بیسن کے علاقے میں واردات کرتے ہوئے آئی فون موبائل چھینا تھا جوکہ ملزمان کے قبضے سے برآمد کرلیا گیا ہے۔ملزمان کو مزکورہ بالا واردات کی CCTV فوٹیج کی مدد سے شناخت بھی کیا گیا ۔ واضح رہے کہ گرفتار ملزم نور ولی پولیس مقابلے میں ایک اہلکار کو زخمی کرنے کے جرم میں 7 سال جیل بھی کاٹ چکا ہے۔ملزمان کے خلاف سندھ آرمز ایکٹ کے تحت مقدمات درج کر کے مزید تفتیش کی جا رہی ہے۔اسی طرح رضویہ تھانے کی حدود گولیمار جہانگیر آباد ندی کنارے کے قریب پولیس اور مشتبہ ملزمان کے درمیان فائرنگ کا تبادلہ ہوا، جس کے نتیجے میں ایک ملزم 22سالہ اسامہ ولد تنویر کو زخمی حالت میں گرفتار کرلیا گیا۔جبکہ پاک کالونی تھانے کی حدود میں حافظ مل گلی گورنمنٹ اسکول کے قریب پولیس مبینہ مقابلے کے بعد2 زخمیوں سمیت تین ملزمان کو گرفتار کرلیا گیا۔
پاکستان کرکٹ بورڈ کا آئی سی سی سے رجوع، فخر زمان کے آؤٹ پر سوالات اٹھ گئے