فلک جاوید کے جسمانی ریمانڈ کیخلاف اپیل پرسماعت بغیر کارروائی ملتوی
اشاعت کی تاریخ: 27th, September 2025 GMT
لاہور(اُردو پوائنٹ اخبارتازہ ترین - این این آئی۔ 27 ستمبر2025ء)سیشن کورٹ لاہور میں پی ٹی آئی سوشل میڈیا ایکٹوسٹ فلک جاوید کے جسمانی ریمانڈ کے خلاف دائر اپیل پر سماعت جج کی رخصت کے باعث بغیر کارروائی ملتوی کر دی گئی ۔ ڈیوٹی جج نے سماعت کے لئے 29 ستمبر کی تاریخ دیدی۔
(جاری ہے)
فلک جاوید کے وکیل میاں علی اشفاق کی جانب سے دائر اپیل میں موقف اختیار کیا گیا کہ جوڈیشل مجسٹریٹ نے حقائق کے برعکس ملزمہ کا جسمانی ریمانڈ منظور کیا۔قانون کے مطابق صرف ڈکیتی اور قتل جیسے مقدمات میں خاتون کا جسمانی ریمانڈ دیا جاسکتا ہے، استدعا ہے کہ مجسٹریٹ کے جسمانی ریمانڈ کے فیصلے کو کالعدم قرار دیا جائے۔
.ذریعہ: UrduPoint
کلیدی لفظ: تلاش کیجئے
پڑھیں:
سیلاب زدگان کی امداد سے روکے جانے کا معاملہ، مریم نواز کیخلاف دائر درخواست خارج
لاہور ہائیکورٹ نے مریم نواز کی تصاویر کے بغیر سیلاب زدگان کی امداد سے روکے جانے کے خلاف اعتراضی درخواست خارج کردی۔ تفصیلات کے مطابق لاہور ہائیکورٹ میں مریم نواز کی تصاویر کےبغیرسیلاب زدگان کی امداد سے روکے جانے کے خلاف اعتراضی درخواست پر سماعت ہوئی۔ عدالت نے ریمارکس دیے کہ آپ نے کون سے حقائق لکھے ہیں جن پر کارروائی کریں۔ وکیل آفتاب باجوہ نے نے اپنے دلائل میں کہا کہ مقامی پولیس اور انتظامیہ نے مریم نواز کی تصاویر کے بغیر امداد کی تقسیم سے روکا۔ امداد کرنیوالے کچھ لوگوں کو پولیس نے گرفتار کیا۔ عدالت نے ریمارکس دیے کہ آپ کی درخواست میں کوئی متاثرہ نام، جگہ نہیں لکھا۔ آپ کی درخواست ناقابل سماعت ہے خارج کی جاتی ہے۔ چیف جسٹس لاہور ہائیکورٹ مس عالیہ نیلم نے درخواست پر بطور اعتراض کیس سماعت کی۔ یہ درخواست غلام محی الدین وڑائچ نے آفتاب باجوہ ایڈووکیٹ کےتوسط سے دائر کی۔ درخواست میں حکومت پنجاب، چیف سیکرٹری اور آئی جی پنجاب کو فریق بنایاگیا تھا۔ درخواست میں مؤقف اپنایا گیا تھا کہ مریم نواز کی تصاویر کےبغیرسماجی کارکنوں کو امدادی سرگرمیوں سے روکاجارہاہے۔ کشتیوں کےذریعے متاثرین کو محفوظ مقام تک منتقلی کےلئے رشوت کی اطلاعات ہیں۔ سیلاب زدہ علاقوں میں لاکھوں افراد بے گھر ہیں۔ دودھ پیتے بچوں کے لیے دودھ دستیاب نہیں ہے۔ سیلاب متاثرین شدید مشکلات کاسامنا کررہے ہیں۔ مریم نواز کی تصاویر کےبغیر امداد سے روکا جانا قوانین اور اخلاقی اصول کی خلاف ورزی ہے۔ درخواست میں استدعا کی گئی ہے کہ عدالت امدادی کارکنوں اور سماجی تنظیموں کو امدادی سرگرمیوں جاری رکھنے کا تحفظ دے۔ عدالت رشوت لینے والے سرکاری ملازمین کےخلاف کارروائی کے احکامات صادر کرے۔ عدالت نے رجسٹرار آفس کا اعتراض برقرار رکھا۔ عدالت نے درخواست ناقابل سماعت قرار دے کر مسترد کر دی۔
راولپنڈی، سڑک کے کنارے بیٹھے مزدور روزگار کے حصول کے لیے کسی مسیحا کے منتظر ہیں