معرکہ حق کی فتح سے آزادی کا جشن دوبالا،کراچی سے خیبر تک سبز ہلالی پرچموں کی بہار
اشاعت کی تاریخ: 15th, August 2025 GMT
نگر نگر قریہ قریہ وطن سے محبت کا والہانہ اظہار،گلیاں، محلے، شاہراہیں سج گئیں، جگہ جگہ چراغاں کیا گیا، بچے بھی جشن آزادی کی خوشی سے سرشار ،آسمان پرلہراتے پرچم اور روشنیوں کا سمندر آگیا
نمازِ فجر کے بعد21توپوں کی سلامی، وطن عزیز کی سلامتی، ترقی، خوشحالی اور اتحاد کیلئے خصوصی دعائیں ،مختلف سیاسی،مذہبی جماعتوں ،سماجی تنظیموں اور شہریوں کی مزار پر قائد اعظم پر حاضری
معرکہ حق کی فتح سے آزادی کا جشن دوبالا ہوگیا۔کراچی سے خیبر، گلگت سے گوادر تک وطن سے محبت کا والہانہ اظہار کیا گیا، نگر نگر قریہ قریہ سبز ہلالی پرچموں کی بہار آگئی، گلیاں، محلے، شاہراہیں سج گئیں، جگہ جگہ چراغاں کیا گیا، بچے بھی جشن آزادی کی خوشی سے سرشار رہے۔آسمان پر لہراتے پرچم اور روشنیوں کا سمندر آگیا۔ملک بھر کی طرح کراچی میں بھی 79واں یوم آزادی وجشن معرکہ حق ملی جوش و جذبے کے ساتھ منایا گیا۔یوم آزادی کے موقع پر یہ عہد تجدید کے ساتھ منایا گیا کہ ملک کو ایک حقیقی اسلامی فلاحی ریاست بنانے کے لیے تحریک پاکستان کے جذبے سے کام کیا جائے گا۔رواں سال یوم آزادی کو معرکہ حق کی عظیم فتح سے منسوب کیا گیا ہے۔کراچی میں قومی جوش و جذبے اور احترامِ آزادی کے ساتھ تقاریب کا انعقاد کیا گیا۔ صبح کا آغاز نماز فجر کے ساتھ ہوا۔نماز فجر کے مساجد میں قرآن خوانی کی گئی ۔نمازِ فجر کے بعد وطن عزیز کی سلامتی، ترقی، خوشحالی اور اتحاد کے لیے خصوصی دعائیں کی گئیں۔پاک فوج کے چاق و چوبند دستے نے یوم آزادی کی صبح دشمن کو پیغام دینے والے انداز میں نعرہ تکبیر اللہ اکبر کے فلک شگاف نعروں کے ساتھ صوبائی دارالحکومت کراچی میں 21 توپوں کی سلامی دی۔یہ سلامی ملکی خودمختاری، قومی وقار، اور افواجِ پاکستان کی تیاری و قربانی کے عزم کی غماز سمجھی جاتی ہے۔گورنر سندھ کامران خان ٹیسوری ۔وزیراعلی سندھ سید مراد علی شاہ ۔صوبائی کابینہ ۔میئر کراچی مرتصی وہاب ۔ایم کیوایم پاکستان کے سربراہ و وفاقی وزیر ڈاکٹرخالدمقبول صدیقی سمیت دیگر مزار قائد اعظم پر حاضری دی۔پھولوں کی چادر چڑھائی اور فاتحہ خوانی کی۔بانی پاکستان کو زبردست خراج عقیدت پیش کیا ۔اس موقع پر پرچم کشائی بھی کی گئی۔تینوں مسلح افواج کے نمائندوں نے مزار قائد پر حاضری دی۔انہوں نے پھولوں کی چادر چڑھائی اور فاتحہ خوانی کی۔جشن آزادی و معرکہ حق کے موقع پر شہری سڑکوں پر امڈ آئے۔ فضا پاکستان زندہ باد کے نعروں سے گونج اٹھی،چھوٹی بڑی ریلیوں اور مختلف ثقافتی شوز کا انعقاد کیا گیا، شہریوں نے ملی نغموں اور ڈھول کی تھاپ پر بھنگڑے ڈالے۔دن بھر مزار قائداعظم پر مختلف سیاسی ۔مذہبی جماعتوں ۔سماجی تنظیموں اور شہریوں کی جانب بانی پاکستان کے مزار پر قائد اعظم پر حاضری دینے کا سلسلہ جاری رہا۔جشن آزادی اور معرکہ حق کے موقع پر شہر کو قومی پرچموں اور برقی قمقموں سے سجایا گیا تھا۔ مختلف تقریبات میں مقررین نے آزادی کی نعمت پر شکر گزاری اور اس کی حفاظت کے لیے قومی اتحاد، یکجہتی اور قربانی کے جذبے کو وقت کی اہم ضرورت قرار دیا۔مقررین نے جشن معرکہ حق میں مسلح افواج کی کامیابی پر ان کو زبردست خراج تحسین پیش کیا۔
.ذریعہ: Juraat
کلیدی لفظ: یوم ا زادی ا زادی کی معرکہ حق کیا گیا کے ساتھ فجر کے
پڑھیں:
کراچی میں مزار قائدؒ پر گارڈز تبدیلی کی پُروقار تقریب، نیول کیڈٹس نے ذمہ داری سنبھال لی
کیڈٹس کی جانب سے شاندار مارچ پاسٹ اور پریڈ کا مظاہرہ کیا گیا۔ کمانڈنٹ پاکستان نیول اکیڈمی نے مزار قائدؒ پر پھولوں کی چادر چڑھائی اور فاتحہ خوانی کی۔ اسلام ٹائمز۔ پاکستان کے 79ویں یوم آزادی کے موقع پر ملک بھر میں قومی جوش و جذبے اور احترامِ آزادی کے ساتھ تقاریب کا انعقاد کیا گیا۔ دن کا آغاز توپوں کی سلامی، قرآن خوانی، دعاؤں اور گارڈز کی تبدیلی کی پر وقار تقریب سے ہوا، جس میں بانی پاکستان قائداعظم محمد علی جناحؒ کو خراجِ عقیدت پیش کیا گیا۔ کراچی میں بانی پاکستان قائداعظم محمد علی جناحؒ کے مزار پر گارڈز کی تبدیلی کی مرکزی تقریب منعقد ہوئی، جہاں پاکستان نیول اکیڈمی کے کیڈٹس نے اعزازی گارڈز کے فرائض سنبھال لیے۔ نیول کیڈٹس ہر سال 14 اگست کو قائداعظمؒ کے مزار پر یہ ذمہ داری سنبھالتے ہیں، تاکہ بانی پاکستان کو عسکری انداز میں سلام پیش کیا جا سکے۔ تقریب کے مہمان خصوصی کمانڈنٹ پاکستان نیول اکیڈمی کموڈور تصور اقبال تھے، جبکہ پریڈ کمانڈر کے فرائض لیفٹیننٹ سمیع اللہ نے سر انجام دیئے، کیڈٹس کی جانب سے شاندار مارچ پاسٹ اور پریڈ کا مظاہرہ کیا گیا۔ کمانڈنٹ پاکستان نیول اکیڈمی نے مزار قائدؒ پر پھولوں کی چادر چڑھائی اور فاتحہ خوانی کی۔
بحریہ ٹاؤن کے خلاف ملک بھر میں کون سے مقدمات زیر سماعت ہیں؟