آزاد کشمیر میں مون سون بارشوں سے تباہی، جانی و مالی نقصانات کی تفصیلات جاری
اشاعت کی تاریخ: 15th, August 2025 GMT
---فائل فوٹو
آزاد جموں و کشمیر کے مختلف علاقوں میں مون سون بارشوں نے شدید تباہی مچا دی، اسٹیٹ ڈیزاسٹر مینجمنٹ اتھارٹی (ایس ڈی ایم اے) کے مطابق مختلف حادثات میں 8 افراد جاں بحق اور 2 زخمی ہوچکے ہیں، جبکہ کئی املاک کو نقصان پہنچا۔
اسٹیٹ ڈیزاسٹر مینجمنٹ اتھارٹی کے مطابق آزاد کشمیر میں وقفے وقفے سے بارش جاری ہے، جس کے باعث بیشتر دریاؤں اور ندی نالوں میں سیلابی صورتحال ہے۔ مختلف واقعات میں 8 افراد جان سے گئے جبکہ دو زخمی ہوئے، 6 پل اور کئی رابطہ سڑکوں کو بری طرح نقصان پہنچا۔
ایس ڈی ایم اے کا کہنا ہے کہ مختلف مقامات پر 30 سے زائد مکانات، دکانیں اور دیگر املاک تباہ ہوگئیں، بالائی علاقوں میں بجلی اور فون کا نظام متاثر ہوا، متاثرہ اضلاع کی تمام سرکاری اور نجی اسکولوں میں دو دن کی چھٹی کر دی گئی۔
آزاد کشمیر کے مختلف علاقوں میں بارش سے ندی نالوں میں طغیانی آ گئی، باغ کے برساتی نالے میں سیاحوں کی گاڑی بہہ گئی، مقامی لوگوں نے کار میں سوار چاروں سیاحوں کو بچا لیا۔
اسٹیٹ ڈزاسٹر مینیجمنٹ اتھارٹی نے شہریوں کو ندی نالوں سے دور رہنے کی ہدایات جاری کردیں، متاثرین کے لیے مختلف اسکولوں میں عارضی کیمپ قائم کردیے گئے۔
تفصیلات کے مطابق وادی نیلم میں 500 سے زائد سیاح پھنس گئے تھے، جن کو فوری اقدامات کے بعد محفوظ مقامات پر منتقل کردیا گیا۔
لوہار گلی لینڈ سلائیڈنگ کے باعث مظفرآباد کے پی کے کا زمینی رابطہ منقطع ہے، شاہراہ نیلم میں متعدد مقامات پر لینڈ سلائیڈنگ کے سبب ٹریفک معطل ہے، مظفرآباد جہلم ویلی کاٹ روڈ، کوہالہ مظفرآباد سیکشن لینڈ سلائیڈنگ کے باعث بند ہے۔
اسٹیٹ ڈیزاسٹر مینجمنٹ اتھارٹی کے مطابق جہلم ویلی کاٹ روڈ اور سری نگر مظفرآباد سیکشن متعدد مقامات پر مٹی کے تودے گرنے سے متاثر ہوا ہے، لیپہ مظفر آباد شاہرہ مٹی کا تودے گرنے کے باعث بند ہے۔
.
ذریعہ
ذریعہ: Jang News
کلیدی لفظ: مقامات پر کے مطابق کے باعث
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ