بھارتی یومِ آزادی کی تقریب بدشگونی کی علامت بن گئی
اشاعت کی تاریخ: 15th, August 2025 GMT
بھارت میں یومِ آزادی کی ایک اہم سرکاری تقریب اُس وقت غیر معمولی صورتحال کا شکار ہو گئی جب بھارتی وزیر داخلہ امیت شاہ سے قومی پرچم (ترنگا) کی پرچم کشائی کے دوران غلطی سے ترنگاگر گیا ۔ یہ واقعہ نئی دہلی میں منعقدہ ایک تقریب کے دوران پیش آیا، جس میں اعلیٰ حکام، میڈیا نمائندگان اور شہریوں کی بڑی تعداد شریک تھی۔
تقریب کے دوران جیسے ہی امیت شاہ نے ترنگا لہرانے کے لیے رسی کھینچی، تو ترنگا بلند ہونے کے بجائے اچانک زمین پر گر گیا ۔ لمحہ بھر کے لیے تقریب میں خاموشی چھا گئی، اور شرکاء حیرت سے ایک دوسرے کو دیکھتے رہے۔ بعد ازاں پرچم کو دوبارہ سنبھالا گیا اور تقریب کو مکمل کیا گیا۔
سوشل میڈیا پر شدید ردِعمل
یہ واقعہ کیمرے کی آنکھ میں محفوظ ہو گیا اور ویڈیو سوشل میڈیا پر تیزی سے وائرل ہو گئی، جہاں صارفین کی جانب سے مخلوط ردِعمل سامنے آئے۔
کئی افراد نے اسے یومِ آزادی جیسے اہم دن پر بدشگونی قرار دیا۔
کچھ صارفین نے اسے “موجودہ حکومت کی غیر سنجیدگی” سے جوڑاجبکہ دیگر نے اس پرچم گرنے کے عمل کو “قومی وقار سے جُڑا حساس لمحہ” قرار دیتے ہوئے ذمہ داری اور احتیاط کی ضرورت پر زور دیا۔
واضح رہے کہ بھارت ہر سال 15 اگست کو یومِ آزادی مناتا ہے، جس موقع پر ملک بھر میں ترنگالہرانے، تقاریر اور حب الوطنی کے مظاہرے کیے جاتے ہیں۔
ذریعہ: Daily Mumtaz
پڑھیں:
ٹرافی تنازع، بھارتی ٹیم رائزنگ اسٹارز ایشیا کپ میں اسپورٹس مین اسپرٹ دکھانے کو تیار نہیں
ایشین کرکٹ کونسل کے مردانہ ٹی20 ایشیا کپ 2025 کے ٹرافی تنازعے کا سلسلہ ممکنہ طور پر ایشیا کپ رائزنگ اسٹارز ٹورنامنٹ تک بھی پہنچ سکتا ہے۔
رائزنگ اسٹارز کا فائنل 23 نومبر کو دوحہ میں ہونے والا ہے، جہاں ممکنہ طور پر ایشین کرکٹ کونسل کے صدر محسن نقوی اختتامی تقریب میں مہمان خصوصی کے طور پر شرکت کریں گے۔
یہ بھی پڑھیں: ایشیا کپ میں ہاتھ نہ ملانے کا تنازعہ، اس حوالے سے کرکٹ قوانین کیا ہیں؟
میڈیا رپورٹس کے مطابق، بھارتی ٹیم فائنل تک پہنچنے کا امکان ہے، جس میں بالکل ایشیا کپ کی طرح بھارت ‘A’ اور پاکستان شاہینز کے درمیان مقابلہ ہوسکتا ہے۔
رپورٹس کے مطابق خدشہ ہے کہ ٹرافی سے متعلق کوئی تنازعہ پیدا ہو سکتا ہے، جیسا کہ سینئر ٹورنامنٹ میں ہوا تھا۔
مزید پڑھیں: ایشیا کپ فائنل: پاکستانی کرکٹ ٹیم نے میچ فیس بھارتی حملوں کے متاثرین کو عطیہ کردی
رواں برس ستمبر میں، ایشین کرکٹ کونسل کے صدر اور پاکستان کرکٹ بورڈ کے چیئرمین محسن نقوی کی موجودگی کے باعث بھارتی ٹیم نے ایشیا کپ 2025 کی اختتامی تقریب میں شرکت نہیں کی۔
بھارت نے براہِ راست محسن نقوی سے ٹرافی وصول کرنے سے انکار کر دیا تھا، جس کے باعث ٹرافی ابھی ایشین کرکٹ کونسل کے پاس موجود ہے، کونسل نے بھارت کو یہ موقع دیا کہ وہ کسی رسمی تقریب میں ٹرافی وصول کرے۔
مزید پڑھیں: ایشین کرکٹ کونسل کی جانب سے ویمنز ایمرجنگ ٹیمز ایشیا کپ موخر کرنے کا فیصلہ، وجہ کیا بنی؟
سینیئرایشیا کپ میں اختتامی تقریب میں کھلاڑیوں جیسے کلدیپ یادو، شیوام ڈوبے اور تیلاک ورما کو انفرادی ایوارڈز دیے گئے، جبکہ پاکستان کے کپتان سلمان علی آغا کو رنرز اپ انعام دیا گیا۔
کلدیپ یادیو کو سب سے زیادہ وکٹیں لینے پر ایوارڈ ملا اور ابھشیک شرما کو ٹورنامنٹ کا بہترین کھلاڑی قرار دیا گیا، مگر بھارتی ٹیم نے فاتح ٹرافی وصول نہیں کی۔
مزید پڑھیں: بھارتی کرکٹ بورڈ کی قیادت تبدیل، ایشیا کپ فائنل سے متعلق اہم فیصلہ بھی کرلیا
بھارتی میڈیا رپورٹس کے مطابق، بورڈ آف کرکٹ کنٹرول ان انڈیا نے ایشین کرکٹ کونسل کے صدر سے ٹرافی وصول کرنے سے انکار کر دیا ہے اور معاملے کو اگلی آئی سی سی میٹنگ میں بڑھانے کا ارادہ رکھتا ہے۔
بی سی سی آئی کے ایک ذریعہ کے مطابق وہ ٹرافی کی حوالگی کے سلسلے میں ایشین کرکٹ کونسل کے جواب کو قبول نہیں کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایشیا کپ ایشیا کپ رائزنگ اسٹارز ٹورنامنٹ ایشین کرکٹ کونسل بھارت پاکستان شاہینز ٹرافی ٹی20 رائزنگ اسٹارز محسن نقوی
دہلی کار بم دھماکہ معاملے میں کشمیر سے ایک اور ڈاکٹر کو گرفتار کیا گیا