وزیراعظم کا ہنگامی اجلاس طلب، بارشوں اور سیلابی صورتحال پر غور
اشاعت کی تاریخ: 16th, August 2025 GMT
چیئرمین این ڈی ایم اے سے رابطہ،خیبرپختونخوا میں امدادی کارروائیاں جاری رکھنے کی ہدایت
امدادی سرگرمیوں کیلئے تمام وسائل بروئے کار لائے جائیں، سیلابی صورت حال پر بریفنگ
وزیراعظم شہباز شریف نے ملک میں حالیہ بارشوں و سیلابی صورتحال پر ہنگامی اجلاس طلب کرلیا۔اجلاس میں وزیراعظم کو ملک میں حالیہ بارشوں اور سیلابی صورت حال پر بریفنگ دی جائے گی۔ دوسری جانب وزیراعظم نے خیبرپختونخوا میں سیلاب کی صورتحال پر ( نیشنل ڈیزاسٹر منیجمنٹ اتھارٹی) این ڈی ایم اے کیچیئرمین سے رابطہ کیا۔وزیراعظم نے چیٔرمین این ڈی ایم اے کو خیبرپختونخوا میں بھرپور امدادی کارروائیاں جاری رکھنے کی ہدایت کردی، وزیراعظم شہباز شریف نے کہاکہ خیبرپختونخوا میں امدادی سرگرمیوں کے لیے تمام وسائل بروئے کار لائے جائیں۔وزیراعظم نے لیفٹیننٹ جنرل انعام حیدر کو خیبرپختونخوا حکومت سے رابطہ کرنے کی بھی ہدایت کردی۔
.ذریعہ: Juraat
کلیدی لفظ: خیبرپختونخوا میں
پڑھیں:
وزیراعظم شہباز شریف کا آزاد کشمیر کے نو منتحب وزیراعظم سے ٹیلیفونک رابطہ, مبارکباد دی
اسلام آباد (ویب ڈیسک) وزیراعظم شہباز شریف نے آزاد کشمیر کے نو منتحب وزیراعظم راجہ فیصل ممتاز راٹھور کو ٹیلی فون کرکے مبارکباد دی۔
وزیر اعظم آفس کے میڈیا ونگ کی طرف سے جاری بیان کے مطابق وزیر اعظم نے آزاد کشمیر کے نو منتخب وزیر اعظم فیصل راٹھور کے لئے نیک خواہشات کا اظہار کرتے ہوئے کہا کہ آزاد کشمیر کے عوام کی ترقی و خوشحالی وفاقی حکومت کی ترجیحات میں شامل ہے۔
انہوں نے کہا کہ آزادکشمیر کے عوام کی فلاح و بہبود، معاشی ترقی و خوشحالی اور امن و سلامتی کے لیےآزاد کشمیر حکومت کے ساتھ مل کر کام کرنے کے لیے پرعزم ہیں۔
نومنتخب وزیراعظم آزاد کشمیر نے عہدے کا حلف اٹھالیا
انہوں نے کہا کہ آزادکشمیر کی حکومت کے لیے وفاقی حکومت ہر ممکن تعاون فراہم کرے گی۔
مزید :
پاک روس سیکیورٹی مشاورتی اجلاس، علاقائی امن و تعاون پر گفتگو