آئندہ برس مون سون کے نقصانات سے بچنے کیلئے ابھی سے تیاری کی جائے، وزیراعظم
اشاعت کی تاریخ: 19th, November 2025 GMT
وزیر اعظم شہباز شریف نے آئندہ برس مون سون میں کسی بھی جانی و مالی نقصان سے بچنے کیلئے ابھی سے تیاری کی ہدایت کرتے ہوئے کہا ہے کہ وزرات موسمیاتی تبدیلی، وزارت منصوبہ بندی اور نیشنل ڈیزاسٹر منیجمنٹ اتھارٹی (این ڈی ایم اے) صوبائی حکومتوں کے ساتھ مل کر موسمیاتی تبدیلی کے حوالے سے مربوط منصوبہ سازی کریں۔
وزیراعظم آفس کے میڈیا ونگ کی طرف سے جاری بیان کے مطابق وزیراعظم شہباز شریف کی زیر صدارت موسمیاتی تبدیلیوں کے مضر اثرات سے بچاؤ کی حکومتی حکمت عملی پر جائزہ اجلاس منعقد ہوا۔
وزیراعظم نے اجلاس میں ہدایت کی کہ آئندہ برس مون سون کے نقصانات سے بچنے کیلئے ابھی سے تیاری کی جائے،وزرات موسمیاتی تبدیلی، وزارت منصوبہ بندی اور این ڈی ایم اے صوبائی حکومتوں کے ساتھ مل کر موسمیاتی تبدیلی کے حوالے سے مربوط منصوبہ سازی کریں۔
انہوں نے پانی کے بہتر انتظام کے حوالے سے قومی سطح پر منصوبہ سازی کیلئے نیشنل واٹر کونسل کا اجلاس منعقد کرنے کی تیاری کی بھی ہدایت کی۔
وزیراعظم نے حکم دیا کہ پیش کردہ قلیل مدتی منصوبے پر فوری عملدرآمد شروع کیا جائے ۔
انہوں نے کہا کہ پاکستان ترقی پذیر ملک ہے، ہر تیسرے سال موسمیاتی تبدیلی کے مضر اثرات پر جی ڈی پی کا خاطر خواہ حصہ خرچ کرنا پڑتا ہے اورقیمتی و محدود وسائل ترقی کی بجائے موسمیاتی تبدیلی کے مضر اثرات سے بچاؤ کیلئے استعمال ہوتے ہیں۔
وزیراعظم نے کہا کہ پاکستان جس کا موسمیاتی تبدیلی میں کردار نہ ہونے کے برابر ہے، موسمیاتی تبدیلی کے مضر اثرات کی لپیٹ میں ہے۔
اجلاس میں وفاقی وزرا احسن اقبال، احد خان چیمہ، محمد اورنگزیب، ڈاکٹر مصدق ملک، عطا اللہ تارڑ اور متعلقہ اعلی حکام نے شرکت کی۔
اجلاس کو آئندہ برس مون سون کے حوالے سے اشاریوں کے عالمی تخمینوں پر بریفنگ دی گئی۔ اجلاس کو وزارت موسمیاتی تبدیلی کی جانب سے قلیل، وسط اور طویل مدتی منصوبوں پر بریفنگ دی گئی۔
وزیرِ اعظم نے قلیل مدتی منصوبے کی منظوری دیتے ہوئے فوری عملدرآمد شروع کرنے کی ہدایت کی۔
.ذریعہ: Daily Mumtaz
کلیدی لفظ: موسمیاتی تبدیلی کے کے مضر اثرات کے حوالے سے تیاری کی
پڑھیں:
الیکشن کیلئے تیاری مکمل ہے، بڑا سرپرائز دینگے، سید علی رضوی
ایک انٹرویو میں مجلس وحدت المسلمین کے صوبائی صدر سید علی رضوی نے کہا کہ ہم اقتدار کی نہیں اقدار کی سیاست کرتے ہیں ہم نے کبھی یہ مطالبہ نہیں کیا کہ ہمارے بندے کو ہی نگران وزیر اعلیٰ بنایا جائے ہم چاہتے ہیں کہ اہل شخصیت جس مسلک اور علاقے سے بھی ہو ہمیں بطور نگران وزیراعلیٰ قابل قبول ہوگی۔ اسلام ٹائمز۔ مجلس وحدت المسلمین گلگت بلتستان کے صدر سید علی رضوی نے کہا ہے کہ الیکشن کیلئے ہماری تیاری مکمل ہے، بڑا سرپرائز دینگے۔ کاظم میثم کو کئی حلقوں سے الیکشن لڑنے کی آفر ہوئی ہے۔ غیر متنازعہ اچھی شہرت کی حامل شخصیت کو نگران وزیراعلی بنایا جائے، متنازعہ شخصیت کو وزیراعلیٰ بنایا گیا تو پورا انتخابی عمل مشکوک ہو جائے گا، تینوں ریجنز میں سے کسی اہل شخصیت کو وزارت اعلیٰ کے منصب پر فائز کیا جائے بصورت دیگر ہم خاموش نہیں رہیں گے۔ ایک انٹرویو میں مجلس وحدت المسلمین کے صوبائی صدر سید علی رضوی نے کہا کہ ہم اقتدار کی نہیں اقدار کی سیاست کرتے ہیں ہم نے کبھی یہ مطالبہ نہیں کیا کہ ہمارے بندے کو ہی نگران وزیر اعلیٰ بنایا جائے ہم چاہتے ہیں کہ اہل شخصیت جس مسلک اور علاقے سے بھی ہو ہمیں بطور نگران وزیراعلیٰ قابل قبول ہوگی۔ اپوزیشن لیڈر کو بھی یہی ہدایات دی ہیں کہ وہ تینوں ریجنز سے چن چن کر اہل افراد کے نام وزارت اعلیٰ کیلئے پیش کریں۔ انہوں نے کہا کہ جب تک نگران حکومت غیر متنازعہ اور اچھی شہرت کی حامل شخصیات پر مشتمل نہیں ہو گی تب تک انتخابات صاف، شفاف اور غیر جانبدار نہیں ہوں گے۔
ایک سوال کے جواب میں انہوں نے کہا کہ الیکشن کی تیاری مکمل ہے، ہم بڑا سرپرائز دیں گے، ہماری کارکردگی عوام کے سامنے ہے، ہم عوامی حقوق کی جنگ سے کبھی پیچھے نہیں ہٹے، کاظم میثم نے اپنی بساط کے مطابق عوام کی نمائندگی کی ہے، یہی وجہ ہے کہ سکردو حلقہ نمبر 2 کے علاہ حلقہ نمبر 1 اور دوسرے حلقوں سے بھی لوگ کاظم میثم کو الیکشن لڑنے کی دعوت دے رہے ہیں مگر اس بات کا فیصلہ ابھی نہیں کیا گیا کہ کاظم میثم کن کن حلقوں سے الیکشن میں حصہ لیں گے، سیاسی کونسل فیصلہ کرے گی کہ کاظم میثم کن کن حلقوں سے الیکشن لڑیں گے کیوں کہ انہیں سکردو حلقہ نمبر 1 اور نگر سمیت کئی حلقوں سے الیکشن لڑنے کی آفر ہے۔ انہوں نے کہا کہ یہ بات حتمی ہے کہ ایم ڈبلیو ایم اس دفعہ گلگت بلتستان کے دس سے گیارہ حلقوں سے الیکشن میں حصہ لے گی، فارم 47 نہیں 45 کے تحت ہی رزلٹ آئیں گے، فارم 47 کا تجربہ جی بی میں نہیں دہرایا جا سکتا کیونکہ اس خطے کی الگ حیثیت ہے۔
کمبوڈیا: تھائی لینڈ کی سرحدی فائرنگ میں پانچ شہری زخمی