الیکشن کیلئے تیاری مکمل ہے، بڑا سرپرائز دینگے، سید علی رضوی
اشاعت کی تاریخ: 16th, November 2025 GMT
ایک انٹرویو میں مجلس وحدت المسلمین کے صوبائی صدر سید علی رضوی نے کہا کہ ہم اقتدار کی نہیں اقدار کی سیاست کرتے ہیں ہم نے کبھی یہ مطالبہ نہیں کیا کہ ہمارے بندے کو ہی نگران وزیر اعلیٰ بنایا جائے ہم چاہتے ہیں کہ اہل شخصیت جس مسلک اور علاقے سے بھی ہو ہمیں بطور نگران وزیراعلیٰ قابل قبول ہوگی۔ اسلام ٹائمز۔ مجلس وحدت المسلمین گلگت بلتستان کے صدر سید علی رضوی نے کہا ہے کہ الیکشن کیلئے ہماری تیاری مکمل ہے، بڑا سرپرائز دینگے۔ کاظم میثم کو کئی حلقوں سے الیکشن لڑنے کی آفر ہوئی ہے۔ غیر متنازعہ اچھی شہرت کی حامل شخصیت کو نگران وزیراعلی بنایا جائے، متنازعہ شخصیت کو وزیراعلیٰ بنایا گیا تو پورا انتخابی عمل مشکوک ہو جائے گا، تینوں ریجنز میں سے کسی اہل شخصیت کو وزارت اعلیٰ کے منصب پر فائز کیا جائے بصورت دیگر ہم خاموش نہیں رہیں گے۔ ایک انٹرویو میں مجلس وحدت المسلمین کے صوبائی صدر سید علی رضوی نے کہا کہ ہم اقتدار کی نہیں اقدار کی سیاست کرتے ہیں ہم نے کبھی یہ مطالبہ نہیں کیا کہ ہمارے بندے کو ہی نگران وزیر اعلیٰ بنایا جائے ہم چاہتے ہیں کہ اہل شخصیت جس مسلک اور علاقے سے بھی ہو ہمیں بطور نگران وزیراعلیٰ قابل قبول ہوگی۔ اپوزیشن لیڈر کو بھی یہی ہدایات دی ہیں کہ وہ تینوں ریجنز سے چن چن کر اہل افراد کے نام وزارت اعلیٰ کیلئے پیش کریں۔ انہوں نے کہا کہ جب تک نگران حکومت غیر متنازعہ اور اچھی شہرت کی حامل شخصیات پر مشتمل نہیں ہو گی تب تک انتخابات صاف، شفاف اور غیر جانبدار نہیں ہوں گے۔
ایک سوال کے جواب میں انہوں نے کہا کہ الیکشن کی تیاری مکمل ہے، ہم بڑا سرپرائز دیں گے، ہماری کارکردگی عوام کے سامنے ہے، ہم عوامی حقوق کی جنگ سے کبھی پیچھے نہیں ہٹے، کاظم میثم نے اپنی بساط کے مطابق عوام کی نمائندگی کی ہے، یہی وجہ ہے کہ سکردو حلقہ نمبر 2 کے علاہ حلقہ نمبر 1 اور دوسرے حلقوں سے بھی لوگ کاظم میثم کو الیکشن لڑنے کی دعوت دے رہے ہیں مگر اس بات کا فیصلہ ابھی نہیں کیا گیا کہ کاظم میثم کن کن حلقوں سے الیکشن میں حصہ لیں گے، سیاسی کونسل فیصلہ کرے گی کہ کاظم میثم کن کن حلقوں سے الیکشن لڑیں گے کیوں کہ انہیں سکردو حلقہ نمبر 1 اور نگر سمیت کئی حلقوں سے الیکشن لڑنے کی آفر ہے۔ انہوں نے کہا کہ یہ بات حتمی ہے کہ ایم ڈبلیو ایم اس دفعہ گلگت بلتستان کے دس سے گیارہ حلقوں سے الیکشن میں حصہ لے گی، فارم 47 نہیں 45 کے تحت ہی رزلٹ آئیں گے، فارم 47 کا تجربہ جی بی میں نہیں دہرایا جا سکتا کیونکہ اس خطے کی الگ حیثیت ہے۔
ذریعہ: Islam Times
کلیدی لفظ: حلقوں سے الیکشن سید علی رضوی کاظم میثم نے کہا کہ
پڑھیں:
بہار الیکشن میں مودی نے کسی مسلمان کو ٹکٹ نہیں دیا
data-id="863a0a8" data-element_type="widget" data-widget_type="theme-post-content.default">
251116-01-4
بہار(مانیٹر نگ ڈ یسک )بھارتی ریاست بہار کے الیکشن میں مودی کی جماعت نے روایتی انتہاپسندی، دھونس، دھمکی اور دھاندلی کے ذریعے فتح حاصل کرلی لیکن مسلم علاقوں میں بی جے پی کا سارا غرور اور تکبر خاک میں مل گیا۔بھارتی ریاست بہار کی 243 نشستوں پر مودی کی جماعت نے ایک بھی مسلمان کو ٹکٹ نہیں دیا تو صحافیوں نے امیت شاہ پر سوالات کی بوچھاڑ کردی۔جس پر بھارتی وزیر داخلہ اور پارٹی کے سربراہ امیت شاہ نے متکبرانہ انداز میں کہا کہ ہم اْسے ٹکٹ دیتے ہیں جس کی فتح کا کوئی امکان بھی موجود ہو۔ریاست بہار کی آبادی کے 18 فیصد غیور مسلمانوں کو امیت شاہ کا یہ گھمنڈی بیان ایک آنکھ نہ بھایا اور مسلم علاقوں میں بی جے پی کو شکست دھول چٹادی اور 11 مسلم امیدوار کامیاب ہوگئے۔خیال رہے کہ بی جے پی کے برعکس ریاست بہار سے راشٹریہ جنتا دل نے 18، کانگریس نے 10، جنتا دل یونائیٹڈ نے 4 امیدوار اور ایل جے پی (آر) نے ایک مسلمان کو ٹکٹ دیا تھا۔بہار میں جہاں مقبول مسلم جماعت آل انڈیا مجلس اتحاد بین المسلمین کے 5 امیدواروں نے فتح حاصل کی وہیں آر جے ڈی سے تین، کانگریس سے دو اور جنتادل یونائیٹڈ کے ایک مسلم امیدوار کو بھی کامیابی ملی۔یاد رہے کہ ریاست بہار کی 243 نشستوں پر بی جے پی کو 89 جبکہ جنتا دل (یونائیٹڈ) کو 85 اور کانگریس کو صرف 6 سیٹس مل سکیں۔
وزیراعظم کی کیش لیس معیشت کیلیے تمام اہداف مقررہ مدت میں حاصل کرنے کی ہدایت