سپریم جوڈیشل کونسل نے چیف الیکشن کمشنر اور دیگر 2 ممبران کیخلاف شکایات خارج کردیں
اشاعت کی تاریخ: 16th, August 2025 GMT
سپریم جوڈیشل کونسل نے اپنا فیصلہ پبلک کردیا جس کے مطابق چیف الیکشن کمشنر اور دیگر 2 ممبران کیخلاف شکایات خارج کردی گئیں۔
جاری اعلامیے کے مطابق سپریم جوڈیشل کونسل نے الیکشن کمیشن کے سربراہ اور 2 اراکین کے خلاف دائر کی گئی تین علیحدہ علیحدہ شکایت خارج کردی ہیں۔
سپریم جوڈیشل کونسل کے 8نومبر اور 13 دسمبر 2024 کو اجلاس ہوئے تھے، اجلاس میں چیف الیکشن کمشنرسکندر سلطان راجہ اور الیکشن کمیشن کے دو اراکین نثار احمد درانی اور شاہ محمد جتوئی کے خلاف شکایات کا جائزہ لیکر خارج کر دیا گیا۔
اعلامیے میں کہا گیا کہ دائرتین علیحدہ علیحدہ شکایات نمبرہائے 532/2021، 557/2022، 563/2022/ کا جائزہ لینے کے بعد شکایات کو خارج کرنے کا فیصلہ کیا گیا تھا۔
واضح رہے پی ٹی آئی نے بھی شکایات سپریم جوڈیشل کونسل کو بجھوائی تھیں۔
.ذریعہ: Express News
کلیدی لفظ: سپریم جوڈیشل کونسل
پڑھیں:
سپریم کورٹ1980کے رولز تبدیل، نئے رولز 2025جاری کردیئے گئے
اسلام آباد(ڈیلی پاکستان آن لائن)سپریم کورٹ1980کے رولز تبدیل کرکے نئے رولز 2025جاری کردیئے گئے۔
نجی ٹی وی چینل جیو نیوز کے مطابق رولز2025کے مطابق سکین شدہ نقول فراہم کرنا لازم ہے،نوٹسز، احکامات، تصدیق شدہ نقول اور درخواستیں ڈیجیٹل صورت میں جاری کی جائیں گی۔
رولز2025کے مطابق ویڈیو لنک کے ذریعے سماعت کی اجازت ہوگی،حلف نامے اپوسٹیل کے ذریعےتصدیق کئے جا سکیں گے،فریقین اور وکلا اپنے فون نمبر، ای میل، پتے اور ڈیجیٹل ایپ کی تفصیلات فراہم کریں گے،بذریعہ ڈاک بھیجے گئے عدالتی دستاویزات قبول نہیں کئے جائیں گے۔
سینئر صحافی انصار عباسی کی معرکہ حق ایوارڈ لینے سے معذرت
رولز 2025کے مطابق فریقین آن لائن یا بالمشافہ ریکارڈ معائنہ یا نقول حاصل کر سکیں گے،فوری نوعیت یا عبوری ریلیف کی درخواستیں 14دن کے اندر یا جلد از جلد سماعت کیلئے مقرر کی جائیں گی،رجسٹرار کو اختیار ہو گا کہ وہ چھٹے شیڈول کے مطابق فارمیٹ کی پابندی یقینی بنائے۔
رولز 2025کے مطابق کئی دہائیوں بعد عدالتی فیس اور وکلا و عملے کے اخراجات میں ترمیم کی گئی،رجسٹرار کو اختیار ہے کہ سزائے موت کے کیسز میں ریاستی خرچ پر وکیل مقررکرے،آرٹیکل 184(3)اورتوہین عدالت کے احکامات کے خلاف انٹراکورٹ اپیل کا اجراکیا گیا،ہر فیصلے پر صرف ایک نظرثانی کی اجازت ہوگی،درخواست ذاتی طور پر یا متبادلہ وکیل کے ذریعے دی جا سکتی ہے،غیرسنجیدہ نظرثانی پر جرمانہ اور سکیورٹی ڈپازٹ میں اضافہ کیا جا سکتا ہے۔
ثابت قدم رہیں کہ کوئی بھی قانون سے بالاتر نہیں، چیف جسٹس کا جشن آزادی پر پیغام
رولز2025کے مطابق فریق اپنا وکالت نامہ منسوخ کرکے نیا ایڈووکیٹ آن ریکارڈ مقرر کرسکتا ہے،عبوری احکامات کے خلاف اپیل کم از کم دو ججز کا بنچ سنے گا، دیگر اپیلیں بشمول بریت کے خلاف اپیل، کم از کم تین ججز سنیں گے۔
مزید :
مزید نااہلیاں۔۔۔۔ معاملہ کہاں رُکے گا؟