سرکاری حج اسکیم میں درخواستوں کی وصولی کا آخری دن، درخواستیں ایک لاکھ 8 ہزار تک پہنچ گئیں
اشاعت کی تاریخ: 16th, August 2025 GMT
سرکاری حج اسکیم کے تحت درخواستوں کی وصولی کا آج آخری دن ہے۔
وزارت مذہبی امور کے ترجمان کے مطابق نامزد بینک سٹیٹ بینک کی ہدایات کے تحت دن ڈھائی بجے تک کھلے رہیں گے جبکہ آن لائن پورٹل رات بارہ بجے بند کر دیا جائے گا۔
یہ بھی پڑھیں:سرکاری حج اسکیم کا دوسرا مرحلہ شروع، درخواستیں 16 اگست تک جمع کروائی جاسکتی ہیں
ترجمان نے بتایا کہ سرکاری اسکیم کے تحت اب تک ایک لاکھ 8 ہزار درخواستیں موصول ہو چکی ہیں۔
انہوں نے واضح کیا کہ درخواست گزار بینک سے تصویر اور بار کوڈ والی کمپیوٹرائزڈ رسید لازمی حاصل کریں تاکہ ریکارڈ میں کسی قسم کی کمی نہ رہ جائے۔
مزید کہا گیا ہے کہ عازمین حج موبائل ایپ ’پاک حج 2026‘ کے ذریعے اپنے کوائف ملاحظہ کر سکیں گے اور اسی پلیٹ فارم کے ذریعے وزارت مذہبی امور سے ہر وقت رہنمائی بھی حاصل کر سکیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’پاک حج 2026‘ پاک حج حج اسکیم وزارت مذہبی امور.ذریعہ: WE News
کلیدی لفظ: پاک حج 2026 پاک حج حج اسکیم حج اسکیم
پڑھیں:
بیروزگاروں کی سنی گئی :ملک بھر میں ہزاروں سرکاری نوکریاں
ویب ڈیسک: وزارت منصوبہ بندی نے اعلان کیا ہے کہ اگلے پانچ سے سات سال کے دوران پاکستان بھر میں 95ہزار سے زائد روزگار کے مواقع پیدا کیے جائیں گے۔
یہ ملازمتیں ملک بھر میں مختلف شعبوں میں جاری بڑے ترقیاتی منصوبوں کے نفاذ سے پیدا ہوں گی۔
سرکاری دستاویزات کے مطابق سینٹرل ڈیویلپمنٹ ورکنگ پارٹی نے صرف اکتوبر 2025میں 12ترقیاتی منصوبے منظور کیے۔
منصوبے توانائی، پانی، زراعت، حکومت، صحت، تعلیم اور دیگر اہم شعبوں سے متعلق ہیں اور قومی ترقی کی وسیع ترجیحات کی عکاسی کرتے ہیں۔
پٹرولیم مصنوعات کی قیمتوں میں عالمی مارکیٹ میں قیمتوں کے تناسب سے رد و بدل ہو گیا
وزارت منصوبہ بندی نے مزید تصدیق کی کہ چھ بڑے ترقیاتی منصوبے حتمی منظوری کے لیے ایکنک کو بھیج دیے گئے ہیں۔
ان منصوبوں سے تخمینہ لگایا گیا ہے کہ فوری طور پر 2501نئی ملازمتیں پیدا ہوں گی۔
حکومت نے پبلک سیکٹر ڈیولپمنٹ پروگرام کے 1000ارب روپے کے بجٹ میں سے پہلے چار ماہ کے دوران 330ارب روپے جاری کرنے کی منظوری دی ہے۔
اکتوبر تک وزارت منصوبہ بندی نے 33فیصد فنڈز جاری کر دیے تھے اور اس عرصے میں 134ارب روپے سے زائد مختلف شعبوں میں استعمال کیے گئے۔
گرین شرٹس آج روایتی حریف کو کرکٹ سکھانے کے لئے میدان میں آئیں گے
یہ اعداد و شمار ظاہر کرتے ہیں کہ ملک میں ترقیاتی منصوبوں کے نفاذ سے ملازمت کے مواقع پیدا کرنے کی تیز رفتار کوششیں جاری ہیں۔
مختلف شعبوں میں سرمایہ کاری سے قومی معیشت کو تقویت مل رہی ہے۔
کراچی میں جاری ترقیاتی منصوبے پائیدار ترقی کیلئے اہم ہوں گے، شرجیل میمن