پشاور سے باجوڑ جانے والے سرکاری ہیلی کاپٹر حادثے کی رپورٹ جاری
اشاعت کی تاریخ: 16th, August 2025 GMT
ویب ڈیسک : پشاور سے باجوڑ جانے والے سرکاری ہیلی کاپٹر کے المناک حادثے کی رپورٹ جاری کر دی گئی ہے , جس کے مطابق 2 پائلٹس سمیت5عملے کے ارکان جان کی بازی ہار گئے۔
رپورٹ کے مطابق جاں بحق ہونے والوں میں ایک فلائٹ انجنیئر، ایک کریو چیف اور ایک ٹیکنیشن شامل ہیں۔ ہیلی کاپٹر تقریباً 8 ہزار فٹ بلند پہاڑی علاقے میں گر کر تباہ ہوا۔
ہیلی کاپٹر صبح 10 بج کر 30 منٹ پر باجوڑ کے لیے روانہ ہوا تھا، تاہم دوپہر 12 بجے کے قریب اس کا زمینی اسٹیشن سے رابطہ منقطع ہو گیا۔ طویل تلاش کے بعد شام 4 بجے ہیلی کاپٹر کا ملبہ تلاش کر لیا گیا۔
مائع قدرتی گیس کی قیمتوں میں اضافے کا اعلان
رپورٹ میں بتایا گیا ہے کہ جائے حادثہ کے اطراف کسی قسم کی آبادی موجود نہیں تھی، جس سے امدادی کارروائیوں میں دشواری پیش آئی۔
حکام کے مطابق واقعے کی مزید تحقیقات جاری ہیں تاکہ حادثے کی اصل وجوہات سامنے لائی جا سکیں۔
.
ذریعہ
ذریعہ: City 42
پڑھیں:
کراچی، رینجرز اور ایس آئی یولیس کے ساتھ مقابلے میں 3 بھتہ خور ہلاک، ایک زخمی گرفتار
کراچی:ملیر 15 کے علاقے میں سندھ رینجرز اور اسپیشل انویسٹی گیشن یونٹ (ایس آئی یو) پولیس کے مشترکہ آپریشن کے دوران مبینہ مقابلے میں تین ملزمان ہلاک جبکہ ایک زخمی حالت میں گرفتار کر لیا گیا۔
چھیپا حکام کے مطابق قانون نافذ کرنے والے اداروں اور مبینہ بھتہ خوروں کے درمیان فائرنگ کا تبادلہ تقریباً آدھے گھنٹے تک جاری رہا جس کے بعد تین ملزمان مارے گئے جبکہ ایک زخمی حالت میں گرفتار ہوا۔
فائرنگ ختم ہونے کے بعد ہلاک اور زخمی ملزمان کو ریسکیو کی ایمبولینسوں کے ذریعے جناح اسپتال منتقل کیا گیا۔
حکام کے مطابق ہلاک ہونے والے ملزمان کی شناخت شاہ رخ، راحب اور علی حمزہ کے ناموں سے ہوئی ہے جبکہ زخمی حالت میں گرفتار ملزم کی شناخت محمد وسیم کے نام سے کی گئی ہے۔
ابتدائی معلومات کے مطابق ہلاک اور گرفتار ملزمان بھتہ خوری سمیت دیگر سنگین جرائم میں ملوث تھے۔ قانون نافذ کرنے والے ادارے واقعے کی مزید تفتیش کر رہے ہیں اور ملزمان کے ممکنہ ساتھیوں کی تلاش بھی جاری ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی