سائنس دانوں نے شہابی پتھر میں ملنے والا ہیرا تجربہ گاہ میں بنالیا
اشاعت کی تاریخ: 16th, August 2025 GMT
چین میں سائنس دانوں نے پہلا میٹورائٹ ہیرا (خلا میں اجرام کے شدید تصادم کے صورت میں وجود میں آنے والا ہیرا، جس کو لونسڈیلیٹ یا شش پہلو ہیرا بھی کہا جاتا ہے) بنا لیا۔
جرنل نیچر میں شائع ہونے والی رپورٹ میں سائنس دانوں کا کہنا تھا کہ ہائی پریشر اور ہائی ٹمپریچر تکنیک کا استعمال کرتے ہوئے انتہائی مضبوط ہیرے کی چھوٹی ڈسک بنائی گئی جو ڈرلنگ کے آلات اور الیکٹرونکس میں روایتی ہیروں کی جگہ لے سکتا ہے۔
اس ہیرے سے متعلق سائنس دانوں کا خیال تھا کہ یہ زمین پر پائے جانے والے ہیروں سے بھی زیادہ مضبوط ہو سکتا ہے۔
واضح رہے دنیا کا پہلا شش پہلو ساخت کا ہیرا 1967 میں کینیون ڈائیابلو نامی شہابی پتھر میں دریافت ہوا تھا جو امریکی ریاست ایریزونا میں 49 ہزار برس قبل گرا تھا۔
سائنس دانوں کا ماننا ہے کہ یہ ہیرا زمین سے تصادم کے نتیجے میں پیدا ہونے والے شدید دباؤ اور درجہ حرارت میں گریفائٹ سے بنا تھا۔
.ذریعہ: Express News
پڑھیں:
منگنی کی انگوٹھی کیلئے پتھرڈھونڈنے والی خاتون کو قسمت کا انمول تحفہ مل گیا
امریکا کی ریاست آرکنساس کے “کریٹر آف ڈائمنڈز اسٹیٹ پارک” میں ایک خاتون کو ایسا خزانہ مل گیا جس کی وہ صرف امید ہی رکھ سکتی تھیں۔ نیویارک شہر کے مین ہیٹن کی 31 سالہ رہائشی میشیر فاکس نے اپنی منگنی کی انگوٹھی کے لیے قیمتی پتھر خود تلاش کرنے کا خواب دو سال پہلے دیکھا تھا — اور اس خواب کی تعبیر انہوں نے اپنے ہاتھوں سے پا لی۔
میشیر نے اپنی منگنی کے لیے ہیرا خود ڈھونڈنے کا فیصلہ کیا۔ وہ چاہتی تھیں کہ یہ انگوٹھی صرف خوبصورت نہ ہو، بلکہ اس میں محنت اور یادیں بھی جڑی ہوں۔ ان کے منگیتر نے بھی ان کے اس منفرد فیصلے کی حمایت کی اور دونوں نے اس سفر کا آغاز کیا۔
اپنی تحقیق کے دوران میشیر کو معلوم ہوا کہ دنیا میں ایک ہی جگہ ایسی ہے جہاں عام لوگ خود جا کر ہیرا تلاش کر سکتے ہیں — اور وہ تھی آرکنساس میں واقع “کریٹر آف ڈائمنڈز” پارک۔ میشیر 8 جولائی کو پارک پہنچیں اور روز کئی گھنٹے قیمتی پتھروں کی تلاش میں صرف کرنے لگیں۔
آخرکار، 29 جولائی کو، اپنے قیام کے آخری دن، ان کی محنت رنگ لے آئی — اور انہیں 2.3 قیراط کا چمکتا ہوا ہیرا ملا، جو نہ صرف ان کی منگنی کی انگوٹھی کا حصہ بنے گا بلکہ ایک خوبصورت یاد بھی ہمیشہ ساتھ رکھے گا۔
میشیر نے میڈیا سے بات کرتے ہوئے کہا کہ دی کی تیاریاں بعض اوقات مہنگی پڑ جاتی ہیں، لیکن اگر آپ محنت اور نیت سے کچھ کرنا چاہیں تو وہ ممکن ہو جاتا ہے۔ یہ ہیرا میری زندگی کا خاص تحفہ ہے — کیونکہ یہ میں نے خود تلاش کیا ہے۔
یہ واقعہ نہ صرف ان کے لیے خوشی کا باعث ہے، بلکہ ان تمام افراد کے لیے بھی ایک مثال ہے جو اپنی زندگی کے اہم لمحات کو خاص اور بامعنی بنانا چاہتے ہیں۔
جمہوریت کے دفاع کیلئے اپوزیشن کا اتحاد لازمی ہے، مولانا سجاد نعمانی