ایکس پر نئی سہولت، تصویر کو ویڈیو میں بدلیں صرف ایک کلک سے
اشاعت کی تاریخ: 17th, August 2025 GMT
سوشل میڈیا پلیٹ فارم ایکس (X) نے نئی خصوصیت متعارف کرائی ہے جس کے ذریعے صارفین محض ایک تصویر کو فوراً ویڈیو میں بدل سکتے ہیں۔ یہ سہولت Grok AI کے تحت فراہم کی گئی ہے اور ابتدائی طور پر آئی فون (iOS) صارفین کے لیے دستیاب ہے، جبکہ اینڈرائیڈ صارفین کے لیے یہ فیچر جلد متعارف کرایا جائے گا۔
ایلون مسک کے مطابق یہ فیچر Grok Imagine کے ذریعے کام کرتا ہے، جو حال ہی میں دنیا بھر کے صارفین کے لیے مفت فراہم کیا گیا ہے۔ کمپنی کا کہنا ہے کہ اس کا مقصد ای آئی سے تیار کردہ مواد کو مزید آسان اور پلیٹ فارم کے اندر ہی یکجا کرنا ہے۔
مزید پڑھیں: جن بوتل سے باہر: غزہ پر آواز اٹھانے کی سزا ملی، ایلون مسک مجھے سنسر کر رہے ہیں، چیٹ بوٹ گروک بول پڑا
سہولت کیسے استعمال کریں؟صارفین کو اپنی X ایپ کو اپ ڈیٹ کرنا ہوگا، پھر فیڈ میں موجود کسی بھی تصویر پر لانگ پریس کرکے Make video with Grok کا آپشن منتخب کرنا ہوگا۔ تصویر خود بخود Grok ایپ کو بھیج دی جائے گی جہاں یہ قریباً 17 سیکنڈ میں ویڈیو میں بدل جائے گی۔ صارفین اپنی ویڈیو کو 4 دستیاب آڈیو ٹریکس میں سے کسی کے ساتھ جوڑ کر فوری طور پر شیئر کرسکیں گے۔
مزید پڑھیں: ٹرمپ کا کچا چٹھا کھولنے پر مصنوعی ذہانت پر مبنی چیٹ بوٹ ’گروک‘ کا اکاؤنٹ معطل
شرائط اور تقاضےاس سہولت کے لیے صارفین کے پاس Grok ایپ انسٹال اور اکاؤنٹ میں لاگ ان ہونا ضروری ہے۔ فی الحال یہ فیچر صرف iOS پر دستیاب ہے جبکہ اینڈرائیڈ کے لیے جلد ہی جاری کیا جائے گا۔
یہ اپ ڈیٹ Grok کے دیگر حالیہ فیچرز کے بعد سامنے آئی ہے، جن میں PDF پروسیسنگ میں بہتری، Grok 4 میں Auto اور Expert موڈز، اور اینڈرائیڈ پر ٹیکسٹ یا تصاویر سے 6 سیکنڈ کی ویڈیوز بنانے کی سہولت شامل ہے۔ ایلون مسک نے اس سال کے آخر تک Grok 5 کے اجرا کا بھی عندیہ دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
Grok X AI ایلون مسک گروک.ذریعہ: WE News
کلیدی لفظ: ایلون مسک گروک ایلون مسک صارفین کے کے لیے
پڑھیں:
نومولود اے آئی پرپلیکسٹی کی 3 ارب صارفین رکھنے والا گوگل کروم خریدنے کی حیران کن پیشکش، معاملہ کیا ہے؟
مصنوعی ذہانت کی دنیا میں تیزی سے ابھرتی ہوئی امریکی کمپنی پرپلیکسٹی اے آئی نے انٹرنیٹ کے مقبول ترین ویب براؤزر گوگل کروم کو خریدنے کے لیے ساڑھے 34 ارب ڈالر کی غیر متوقع بولی دے کر ٹیکنالوجی کی دنیا میں ہلچل مچا دی ہے۔
یہ بھی پڑھیں: اوپن اے آئی کا مصنوعی ذہانت پر مبنی براؤزر جلد متوقع، کیا گوگل کروم کا متبادل بن سکتا ہے؟
بی بی سی کی ایک رپورٹ کے مطابق صرف 3 سال پرانی کمپنی پرپلیکسٹی کو ایمیزون کے بانی جیف بیزوس اور چپ ساز ادارے انوڈیا کی حمایت حاصل ہے۔ کمپنی کی قیادت سابق گوگل اور اوپن اے آئی کے ملازم اروند سرینیواس کر رہے ہیں۔
لیکن ٹیکنالوجی انڈسٹری سے وابستہ کئی ماہرین نے اس بولی کو محض ایک ’تشہیری اسٹنٹ‘ قرار دیتے ہوئے کہا ہے کہ یہ کروم کی اصل قدر سے کہیں کم ہے اور اس بات کی بھی کوئی تصدیق نہیں کہ گوگل نے کروم کو فروخت کے لیے پیش کیا ہے یا نہیں۔
اس وقت گوگل کروم دنیا بھر میں تقریباً 3 ارب صارفین استعمال کر رہے ہیں۔ تاہم گوگل کو امریکا میں اپنی سرچ اور آن لائن اشتہارات کی اجارہ داری پر 2 بڑے اینٹی ٹرسٹ مقدمات کا سامنا ہے اور ایک وفاقی جج اسی ماہ فیصلہ سنا سکتا ہے جس کے نتیجے میں گوگل کو اپنا سرچ کاروبار الگ کرنا پڑ سکتا ہے۔ گوگل نے کسی بھی ممکنہ فیصلے کے خلاف اپیل کرنے کا عندیہ دیا ہے۔
مزید پڑھیے: اوپن اے آئی کا نیا ویب براؤزر گوگل کروم کے لیے چیلنج کیوں؟
پرپلیکسٹی کی جانب سے جاری کردہ بیان میں کہا گیا ہے کہ اس پیشکش کا مقصد اوپن ویب، صارفین کی آزادی اور کروم کے استعمال میں تسلسل کو یقینی بنانا ہے۔ کمپنی کا کہنا ہے کہ گوگل سے علیحدگی کی صورت میں کروم کو ایک ایسا خودمختار آپریٹر سنبھالے جو صارفین کی پرائیویسی اور سیکیورٹی کو مقدم رکھے۔
دلچسپ بات یہ ہے کہ اگر یہ سودا کامیاب ہوتا ہے تو بھی پرپلیکسٹی نے عندیہ دیا ہے کہ وہ کروم میں گوگل کو ہی ڈیفالٹ سرچ انجن رکھے گی تاہم صارفین کو اپنی مرضی سے تبدیلی کا اختیار حاصل ہوگا۔
نقاد کیا کہتے ہیں؟برطانوی سرمایہ کاری ادارے ڈاؤننگ فنڈ مینجرز کی سربراہ جوڈتھ میکینزی نے گفتگو میں کہا کہ مجھے پرپلیکسٹی کی جرات پسند آئی لیکن یہ پیشکش بغیر کسی باضابطہ مالی بندوبست کے دی گئی ہے۔
ایک اور ٹیک انویسٹر ہیتھ آہرنز نے کہا ک کہ یہ پیشکش سنجیدہ نہیں لگتی کیوں کہ کروم کی اصل قیمت کہیں زیادہ ہے اور اس میں موجود ڈیٹا اور عالمی رسائی بے مثال ہے۔
مزید پڑھیں: صارفین کے لیے گوگل کروم کو اپ ڈیٹ کرنا کیوں ضروری ہوگیا؟
انہوں نے مزید کہا کہ اگر ایلون مسک یا سیم آلٹمین جیسی شخصیات اس پیشکش کو 3 گنا کر دیں تو وہ اے آئی میں غلبہ حاصل کر سکتے ہیں۔
اسی طرح تھیوری وینچرز سے وابستہ تجزیہ کار ٹامس ٹنگوز نے کروم کی قدر کو اس پیشکش سے کم از کم 10 گنا زیادہ قرار دیا۔
پرپلیکسٹی کیا ہے؟پرپلیکسٹی ان کمپنیوں میں شامل ہے جو جنریٹیو اے آئی کی دوڑ میں تیزی سے ترقی کر رہی ہیں۔
گزشتہ ماہ اس نے Comet نامی ایک اے آئی پاورڈ براؤزر بھی لانچ کیا تھا۔
البتہ کمپنی کو حالیہ مہینوں میں کچھ تنازعات کا بھی سامنا رہا ہے جن میں کاپی رائٹ کی خلاف ورزی کے الزامات سرفہرست ہیں۔
جون میں بی بی سی نے پرپلیکسٹی کو قانونی نوٹس جاری کیا جس میں الزام لگایا گیا کہ کمپنی نے ان کا مواد لفظ بہ لفظ استعمال کیا ہے۔
یہ بھی پڑھیے: کیا امریکا سرچ انجن ’گوگل‘ کی اجارہ داری ختم کرنا چاہتا ہے؟ موبائل صارفین کو اس سے کیا نقصان پہنچے گا؟
جواب میں پرپلیکسٹی نے کہا کہ بی بی سی کی شکایت اس بات کا مزید ثبوت ہے کہ وہ گوگل کی غیر قانونی اجارہ داری کو بچانے کی کوشش کر رہا ہے۔
البتہ کمپنی نے یہ واضح نہیں کیا کہ گوگل کا بی بی سی سے کیا تعلق ہے۔
اس سے قبل کمپنی نے امریکی ٹک ٹاک ورژن کو خریدنے کی بھی پیشکش کی تھی جسے ستمبر تک کسی امریکی خریدار کو فروخت نہ کیا گیا تو امریکا میں پابندی کا سامنا ہو سکتا ہے۔
مزید پڑھیں: گوگل کا کروم بُک کے لیے اسٹیم سپورٹ ختم کرنے کا اعلان
پرپلیکسٹی نے کہا ہے کہ وہ کرمیم جیسے اوپن سورس سافٹ ویئر کی بھی بھرپور معاونت جاری رکھے گی جس پر نہ صرف کروم بلکہ مائیکروسافٹ ایج اور اوپیرا جیسے براؤزرز بھی انحصار کرتے ہیں۔
گوگل کی جانب سے اس پیشکش پر تاحال کوئی باضابطہ تبصرہ سامنے نہیں آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے آئی چیٹ بوٹ پرپلیکسٹی پرپلیکسٹی کی پیشکش گوگل کروم گوگل کروم کا خریدار
خواجہ آصف کی نوازشریف سے ملاقات، باہمی دلچسپی کے امور پر تبادلہ خیال