سینیٹ اجلاس میں چوہے کی انٹری، ایوان میں دلچسپ جملوں کا تبادلہ
اشاعت کی تاریخ: 19th, August 2025 GMT
سینیٹ کے اجلاس کے دوران دلچسپ صورتِ حال پیدا ہو گئی جب ایوان میں ایک چوہا گھس آیا، جس پر اراکین کی توجہ بٹ گئی اور ماحول خوشگوار ہو گیا۔
تفصیلات کے مطابق گزشتہ روز سینیٹ کا اجلاس جاری تھا، جہاں اراکین مختلف امور پر اظہارِ خیال کر رہے تھے کہ اسی دوران سینیٹر کامران مرتضیٰ نے ایوان میں چوہے کی موجودگی کی نشاندہی کی۔
چوہے کی نشاندہی پر پریزائیڈنگ افسر دنیش کمار نے دلچسپ تبصرہ کرتے ہوئے کہا، ’دیکھنا ہو گا کہ یہ چوہا ہے یا چوہیا‘ ان کے اس جملے پر ایوان میں قہقہے گونج اٹھے اور اجلاس کا ماحول قدرے خوشگوار ہو گیا۔
سینیٹ اجلاس کے دوران ہال میں چوہا گس گیا۔ کیا یہ سینیٹ سٹاف کی نا اہلی نہیں ہے ؟؟ ویسے کامران مرتضیٰ نے کہا کہ اس چوہے کو سینیٹ کا رکن بنا لیتے ہیں۔ pic.
— Mehwish Qamas Khan (@MehwishQamas) August 18, 2025
اس موقع پر سینیٹر طلال چوہدری نے تبصرہ کرتے ہوئے کہا کہ ایوان کا ماحول خوشگوار ہے، جس پر دیگر اراکین نے بھی مسکراہٹوں کا تبادلہ کیا۔
اجلاس کے دوران چوہے کی موجودگی ایک غیر متوقع مگر دلچسپ لمحہ بن کر ابھری، جس نے سنجیدہ ماحول کو کچھ دیر کے لیے خوشگوار بنا دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سینیٹ سینیٹ اجلاس سینیٹ میں چوہاذریعہ: WE News
کلیدی لفظ: سینیٹ سینیٹ اجلاس سینیٹ میں چوہا ایوان میں
پڑھیں:
امریکی شٹ ڈاؤن میں ٹرمپ کا بڑا فیصلہ، ڈیموکریٹک ریاستوں کے فنڈز منجمد کر دیے
امریکی صدر ڈونلڈ ٹرمپ کی انتظامیہ نے ڈیموکریٹک ریاستوں کے لیے مختص 26 ارب ڈالر کے فنڈز منجمد کر دیے ہیں۔ اس فیصلے میں نیویارک کے ٹرانزٹ منصوبوں کے لیے رکھے گئے 18 ارب ڈالر اور 16 ڈیموکریٹک ریاستوں بشمول کیلیفورنیا و الی نوائے کے گرین انرجی منصوبوں کے 8 ارب ڈالر شامل ہیں۔
شٹ ڈاؤن سے لاکھوں سرکاری ملازمین متاثرامریکا میں 15ویں مرتبہ حکومتی شٹ ڈاؤن ہوا ہے جس کے نتیجے میں سائنسی تحقیق، ماحولیاتی صفائی اور مالیاتی نگرانی سمیت متعدد سرگرمیاں معطل ہو گئی ہیں۔
یہ بھی پڑھیں:امریکی حکومتی شٹ ڈاؤن: ناسا کے 15 ہزار ملازمین فارغ، مشن معطل
تقریباً 7 لاکھ 50 ہزار وفاقی ملازمین کو تنخواہ کے بغیر گھر بھیج دیا گیا ہے جبکہ فوجی اور بارڈر پیٹرول ایجنٹس بغیر معاوضے کے کام کر رہے ہیں۔
’امریکی عوام کو یرغمال بنایا جا رہا ہے‘، ڈیموکریٹس کا الزامسینیٹ کے ڈیموکریٹ رہنما چک شومر نے صدر ٹرمپ پر الزام عائد کیا ہے کہ وہ سیاسی مخالفین کو سزا دینے کے لیے عام شہریوں کو تکلیف میں مبتلا کر رہے ہیں۔ ہاؤس کے ڈیموکریٹک رہنما حکیم جیفریز نے کہا کہ نیویارک کے ٹرانزٹ منصوبے رکنے سے ہزاروں افراد بے روزگار ہو جائیں گے۔
ریپبلکن رہنما جان تھون نے ڈیموکریٹس کے مؤقف کو مسترد کرتے ہوئے کہا کہ اگر وہ حکومت کھولنے کے لیے ووٹ دیں تو یہ مسئلہ فوری طور پر ختم ہو سکتا ہے۔ تاہم کچھ ریپبلکن سینیٹرز نے خدشہ ظاہر کیا ہے کہ نیویارک کے بنیادی ڈھانچے کے منصوبے منجمد کرنے سے بحران مزید بڑھ سکتا ہے۔
سینیٹ میں حکومت کو فنڈز فراہم کرنے کی دونوں تجاویز یعنی ریپبلکنز کی عارضی توسیع اور ڈیموکریٹس کی صحت کے اضافی فوائد کے ساتھ تجویز ، ناکام ہو گئیں۔ ریپبلکنز کو 60 ووٹ کی حد عبور کرنے کے لیے کم از کم سات ڈیموکریٹس کی حمایت درکار ہے، جو اب تک ممکن نہیں ہو سکی۔
ماہرین کے مطابق اگر شٹ ڈاؤن طویل ہوا تو لاکھوں مزید سرکاری ملازمین مستقل طور پر ملازمتوں سے محروم ہو سکتے ہیں۔ دونوں جماعتیں ایک دوسرے پر ذمہ داری ڈال رہی ہیں جبکہ 2026 کے وسط مدتی انتخابات کے پیش نظر یہ بحران سیاسی رنگ اختیار کرتا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا ڈیموکریٹس ریپبلکنز شٹ ڈاؤن صدر ٹرمپ فنڈز منجمند
کپل شرما سے بھتہ مانگنے والا گینگسٹر گرفتار