غزہ: اسرائیل کا النصر اسپتال پر حملہ 4 فلسطینی صحافیوں سمیت 14 شہید
اشاعت کی تاریخ: 25th, August 2025 GMT
غزہ میں اسرائیلی فوج کی کارروائیاں مزید شدت اختیار کر گئی ہیں۔ تازہ ترین اطلاعات کے مطابق جنوبی غزہ کے النصراسپتال پر بمباری میں کم از کم 14 افراد شہید ہو گئے ہیں، جن میں 4 فلسطینی صحافی بھی شامل ہیں۔
غزہ کی سرکاری میڈیا آفس نے تصدیق کی ہے کہ ناصر اسپتال پر اسرائیلی حملے میں شہید ہونے والوں میں 4 صحافی بھی شامل ہیں۔
بیان میں کہا گیا: ناصر اسپتال کو نشانہ بنانے کے نتیجے میں چار صحافیوں کی شہادت کے اعلان کے بعد شہید صحافیوں کی تعداد بڑھ کر 244 ہو گئی ہے۔
میڈیا آفس نے شہید صحافیوں کے نام جاری کیے:
حسام المصری(فوٹو جرنلسٹ، رائٹرز)، محمد سلامہ(فوٹو جرنلسٹ الجزیرہ)، مریم ابو دقہ(متعدد اداروں سے وابستہ صحافی) اور معاذ ابو طہ(این بی سی نیٹ ورک)۔
بیان میں مزید کہا گیا ’یہ صحافی ساتھی اس وقت شہید ہوئے جب اسرائیلی قبضہ کاروں نے خان یونس گورنریٹ کے ناصر اسپتال میں کوریج کے دوران موجود صحافیوں کے ایک گروپ کو بمباری کا نشانہ بنایا۔ اس خوفناک جرم میں کئی دیگر افراد بھی شہید ہوئے۔‘
غزہ کے حکام نے الزام عائد کیا: ’ہم اسرائیلی قبضے، امریکی انتظامیہ اور اُن ممالک کو—جو اس نسل کشی کے جرم میں شریک ہیں جیسے برطانیہ، جرمنی اور فرانس—ان بربریت پر مبنی سنگین جرائم کے ارتکاب کا مکمل طور پر ذمہ دار ٹھہراتے ہیں۔‘
قحط اور بچوں کی امواتڈاکٹروں کا کہنا ہے کہ اسپتالوں میں دوا، خوراک اور سہولیات کی شدید کمی ہے۔ ان کا کہنا ہے کہ وہ اسرائیل کی مسلط کردہ قحط کے باعث بچوں کو بھوک سے مرنے سے نہیں روک پا رہے۔
غزہ شہر میں محاصرے کا دائرہاسرائیلی فوج نے غزہ شہر کے بڑے حصوں، خصوصاً زیتون اور صبرہ کے محلّوں میں حملے تیز کر دیے ہیں۔ مقصد شہر پر قبضہ اور آبادی کو مزید جنوب کی طرف دھکیلنا بتایا جا رہا ہے۔
یمن کے دارالحکومت پر حملہادھر یمن میں حوثی حکام کا کہنا ہے کہ اسرائیل کے فضائی حملوں میں دارالحکومت صنعا کے صدارتی محل اور توانائی تنصیبات کو نشانہ بنایا گیا، جس کے نتیجے میں کم از کم 6 افراد شہید اور 86 زخمی ہوئے۔
اسرائیلی جنگ کا مجموعی انسانی نقصانغزہ پر اسرائیل کے جاری حملوں میں اب تک 62,622 فلسطینی شہید اور 157,673 زخمی ہو چکے ہیں۔
دوسری جانب 7 اکتوبر 2023 کو حماس کے زیر قیادت حملوں میں 1,139 اسرائیلی ہلاک ہوئے تھے جبکہ 200 سے زائد افراد کو یرغمال بنایا گیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیلی جارحیت النصر اسپتال غزہ.ذریعہ: WE News
کلیدی لفظ: اسرائیلی جارحیت النصر اسپتال
پڑھیں:
اسرائیل نے 30 فلسطینیوں کی لاشیں واپس کردیں، غزہ پر بمباری سے مزید شہادتیں
اسرائیل نے جمعے کو 30 فلسطینی قیدیوں کی لاشیں واپس کیں جن پر تشدد کے نشانات پائے گئے، جبکہ جنگ بندی کے باوجود اسرائیلی فضائی حملوں میں مزید 3 فلسطینی جاں بحق ہوگئے۔
یہ بھی پڑھیں:اسرائیلی یرغمالیوں کی مزید لاشیں کب حوالے کی جائیں گی؟ حماس کا اہم بیان آگیا
بین الاقوامی ریڈکراس کی نگرانی میں لاشوں کی واپسی قیدیوں کے تبادلے کے معاہدے کے تحت کی گئی۔ فلسطینی وزارتِ صحت کے مطابق اب تک 225 لاشیں وصول کی جا چکی ہیں، جن میں سے کئی پر تشدد، جلن اور اعضا کے کٹنے کے آثار پائے گئے۔
اسرائیلی حملوں میں مشرقی غزہ کے شجاعیہ علاقے، جبالیا کیمپ اور خان یونس میں شہری ہلاک ہوئے۔ دوسری جانب حماس نے مردہ اسرائیلی قیدیوں کی باقیات کی تلاش جاری رکھی ہے۔
یہ بھی پڑھیں:صدر ٹرمپ کا حماس کو ’تیز، شدید اور بے رحم‘ کارروائی کا انتباہ
معاہدے کے تحت حماس نے 20 زندہ قیدیوں کو رہا کیا جبکہ اسرائیل نے تقریباً 2 ہزار فلسطینی سیاسی قیدیوں کو رہا کیا۔
تاہم جنگ بندی کے باوجود اسرائیلی حملے وقفے وقفے سے جاری ہیں اور انسانی امداد کی ترسیل محدود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل بمباری غزہ فلسطین
وزیراعلیٰ سندھ نے کراچی میں ٹریفک خلاف ورزیوں پر ای چالان سسٹم کا افتتاح کردیا