صنعا: اسرائیلی فضائی حملے میں دو افراد شہید، 35 زخمی
اشاعت کی تاریخ: 25th, August 2025 GMT
یمن کے دارالحکومت صنعا پر اسرائیلی فضائی حملے میں کم از کم دو افراد شہید اور 35 زخمی ہوگئے۔
حوثی حکام کے مطابق حملے کا نشانہ شہر کی ایک میونسپل عمارت اور تیل کمپنی کی تنصیبات تھیں۔
دھماکے کے بعد آسمان پر آگ کے شعلے بلند ہوئے اور سیاہ دھواں چھا گیا۔ اسرائیلی فوج نے کہا ہے کہ یہ کارروائی حوثی باغیوں کی جانب سے اسرائیل پر بار بار کیے جانے والے میزائل اور ڈرون حملوں کے جواب میں کی گئی۔
اسرائیلی فوج کے بیان میں کہا گیا کہ فضائی حملے میں صدارتی محل کے قریب کے علاقے، دو پاور پلانٹس اور ایک ایندھن کے ذخیرے کو نشانہ بنایا گیا۔ اس سے قبل بھی اسرائیل یمن میں حوثیوں کے ٹھکانوں پر متعدد بار کارروائیاں کر چکا ہے۔
حوثی باغی اکتوبر 2023 سے اسرائیل پر میزائل اور ڈرون داغنے کا سلسلہ جاری رکھے ہوئے ہیں اور ان کا دعویٰ ہے کہ وہ فلسطینی عوام کے ساتھ اظہارِ یکجہتی کے لیے ایسا کرتے ہیں۔ بیشتر حملے ناکام یا روک لیے گئے، تاہم اسرائیل نے ان کے جواب میں صنعا اور دیگر شہروں میں حملے تیز کر دیے ہیں۔
ذریعہ
ذریعہ: Express News
پڑھیں:
سرینڈر کا امریکی مطالبہ مسترد، ایران کا حملے کی صورت میں نئے محاذ کھولنے کا اعلان
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ اسلام ٹائمز۔ اسلامی جمہوریہ ایران نے سرینڈر کا امریکی مطالبہ ناقابل قبول قرار دیتے ہوئے حملے کی صورت میں نئے محاذ کھولنے کا اعلان کر دیا۔ پاسداران انقلاب کے ترجمان بریگیڈیئر جنرل حسین محبی کہتے ہیں کہ ایرانی فوج کسی بھی ممکنہ صورتحال سے نمٹنے کیلئے پہلے سے زیادہ تیار ہے، دشمن کو جارحیت پر مختلف نوعیت کی فوجی کارروائیوں کا سامنا کرنا پڑے گا، میدان جنگ اور ہتھیاروں کی اقسام بھی مختلف ہوں گی، جنگ بندی کے دوران ہماری عسکری صلاحیتوں میں اضافہ ہوا۔
خاتم الانبیا سینٹرل ہیڈ کوارٹرز کے ڈپٹی انسپکٹر بریگیڈیئر جنرل جعفر اسدی کا کہنا ہے کہ امریکا مکمل سرینڈر کا مطالبہ کر رہا ہے، لیکن ایرانی قوم کبھی نہیں جھکے گی، امریکا کے ساتھ دوبارہ جنگ ناگزیر ہے۔ انہوں نے مزید کہا کہ ہم نے ابھی مکمل صلاحیتیں ظاہر نہیں کیں، جنگ میں نیٹو بھی شامل ہوتی ہے تو بھی ہمیں پریشانی نہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ