50% ٹرمپ ٹیرف نافذ سے ہونے سے پہلے ہی بھارتی کاروباری طبقہ بدترین بحران سے دوچار
اشاعت کی تاریخ: 26th, August 2025 GMT
امریکی صدر ڈونلڈ ٹرمپ کی جانب سے بھارت پر 50 فیصد ٹیرف کل بروز بدھ سے نافذ ہوجائےگا۔ درآمدات پر اس ٹیکس کے نفاذ نے بھارت کی برآمدی صنعتوں کو شدید بحران میں مبتلا کر دیا ہے۔ خاص طور پر تیرُوپور (تمل ناڈو) کے گارمنٹس ہب، سورت (گجرات) کی ہیرے کی صنعت، اور آندھرا پردیش کے جھینگا (Shrimp) فارمز بدترین صورتحال سے دوچار ہیں۔
یہ بھی پڑھیے: ٹرمپ پیوٹن مذاکرات ناکام ہوئے تو بھارت پر مزید ٹیرف لگائیں گے، امریکا کی مودی سرکار کو وارننگ
برطانوی خبر رساں ادارے ’بی بی سی‘ کی ایک رپورٹ کے مطابق تیرُوپور میں، جو بھارت کی تیار شدہ ملبوسات کی برآمدات کا تقریباً ایک تہائی فراہم کرتا ہے، کئی فیکٹریوں میں مشینیں بند پڑی ہیں۔ ن کرشنامورتی، جو 200 مشینوں کے مالک ہیں، کہتے ہیں:
’ستمبر سے شاید ہمارے پاس کچھ بھی کرنے کو نہ بچا۔ تمام بڑے امریکی کلائنٹس نے آرڈرز روک دیے ہیں۔ میں نے 250 نئے مزدور رکھے تھے، مگر اب انہیں کام پر نہیں لا پا رہا۔‘
یہ بھی پڑھیں بھارت پر 50 فیصد ٹیرف: پاکستانی ایکسپورٹ مارکیٹ کیلئے فائدہ اُٹھانا فوری طور پر ممکن نہیں، معاشی ماہرین
اس کے اثرات فوری نظر آئے ہیں:
ایک فیکٹری میں تقریباً 10 لاکھ ڈالر کا انڈر ویئر اسٹاک امریکی خریدار نہ ملنے کے باعث فیکٹری ہی میں پڑا ہوا ہے۔
ٹی شرٹ جو پہلے 10 ڈالر میں امریکی مارکیٹ میں بکتی تھی، اب ٹیرف کے بعد 16.
پہلے مہینے میں 2000 ہیرے تراشے جاتے تھے، اب صرف 300 رہ گئے ہیں۔
ایک یونٹ میں 300 کارکن کام کرتے تھے، اب صرف 70 بچے ہیں۔
مزدوروں کو زبردستی چھٹی، کم اجرت اور نوکریوں کے خاتمے کا سامنا ہے۔
عالمی مانگ میں کمی اور لیب میں بنے ہیرے (Lab-grown diamonds) کی بڑھتی سپلائی نے پہلے ہی مشکلات بڑھا رکھی تھیں، اب ٹیرف نے ’ڈبل جھٹکا‘ دے دیا ہے۔
جھینگا (Shrimp) فارمزامریکا بھارت کا سب سے بڑا خریدار تھا، مگر نئے ٹیکس کے بعد قیمتیں 60 سے 72 سینٹ فی کلو کم ہو گئی ہیں۔
فارمز نے پیداوار میں کمی کر دی ہے۔ ایک ہچری (hatchery) نے بتایا کہ پہلے سالانہ 100 ملین لاروا بنتے تھے، اب صرف 60–70 ملین۔
اندازہ ہے کہ اس بحران سے 5 لاکھ کسان براہ راست اور 25 لاکھ افراد بالواسطہ متاثر ہوں گے۔
ٹرمپ ٹیرف کے بھارت میں وسیع تر اثراتامریکا بھارت پر روسی تیل اور ہتھیار خریدنے پر بھی 25% اضافی جرمانہ لگا رہا ہے۔
تجارتی ماہرین کہتے ہیں کہ یہ عملی طور پر تجارتی پابندی ہی کی ایک شکل ہے۔
نئی دہلی میں طے شدہ تجارتی مذاکرات منسوخ ہو گئے ہیں، اور امریکا نے بھارت پر بیجنگ سے قربت اور روس کے لیے “laundromat” ہونے کا الزام لگایا ہے۔
یہ بھی پڑھیں بھارت میں مذہبی میلے کے دوران ٹرمپ کا پتلا اٹھاکر اضافی ٹیرف کیخلاف انوکھا احتجاج ریکارڈ
بھارت صنعت کیسے اس اچانک بحران کا مقابلہ کرسکتی ہے؟ ماہرین کے مطابق بھارت کو اب لازمی طور پر خود انحصاری (Self-Reliance) پر زور دینا ہوگا، برآمدی منڈیوں میں تنوع (Diversification) پیدا کرنا ہوگا، اور یورپ، برطانیہ، آسٹریلیا جیسے متبادل شراکت داروں سے فوری معاہدے کرنا ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: بھارت پر
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
بھارت سے جنگ اور افغانستان میں کارروائی خارج ازامکان نہیں، وزیردفاع