بلوچستان حکومت کا بینک آف بلوچستان کے قیام کا اعلان
اشاعت کی تاریخ: 26th, August 2025 GMT
حکومت بلوچستان نے بینک آف بلوچستان کے قیام کا اعلان کر دیا ہے، وزیر اعلیٰ بلوچستان کی زیر صدارت اجلاس میں منصوبے کی ابتدائی فیزیبلٹی رپورٹ پیش کی گئی، جسے قابلِ عمل قرار دے دیا گیا۔
وزیر اعلیٰ بلوچستان میر سرفراز بگٹی نے ایک ہفتے کے اندر اس منصوبے کا آپریشنل پلان مرتب کرنے کی ہدایت کی۔
یہ بھی پڑھیں: بلوچستان: کوئٹہ اور تربت میں جدید گرین و پنک بسیں جلد سڑکوں پر آ جائیں گی
اجلاس سے خطاب کرتے ہوئے وزیر اعلیٰ نے کہا کہ بینک آف بلوچستان کے قیام سے عوام، تاجروں اور سرمایہ کاروں کو معیاری بینکنگ سہولیات فراہم ہوں گی، ان کا کہنا تھا کہ صوبے کے عوام جلد خوشخبری سنیں گے کیونکہ یہ منصوبہ صوبے میں معاشی سرگرمیوں کے فروغ کا باعث بنے گا۔
میر سرفراز بگٹی نے کہا کہ بینک آف بلوچستان صوبے کی معیشت میں ایک تاریخی سنگِ میل ثابت ہوگا، اس بینک کے ذریعے صوبے کے نوجوانوں کے لیے روزگار کے نئے مواقع پیدا ہوں گے جبکہ صوبائی وسائل کو بروئے کار لا کر ترقیاتی منصوبوں کی رفتار بھی تیز کی جائے گی۔
مزید پڑھیں: بلوچستان کی بیٹیاں روایتوں کے حصار توڑ کر فٹ بال کے میدان میں اتر آئیں
اجلاس میں صوبائی وزیر خزانہ میر شعیب نوشیروانی، چیف سیکرٹری بلوچستان شکیل قادر خان، پرنسپل سیکرٹری بابر خان سمیت دیگر اعلیٰ حکام نے شرکت کی، جبکہ بینکنگ سیکٹر کے ماہرین نے آن لائن شرکت کرتے ہوئے اس منصوبے کو جلد فعال بنانے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشنل پلان بلوچستان بینک آف بلوچستان بینکنگ سہولیات حکومت سنگ میل صوبائی وسائل فیزیبلٹی رپورٹ میر سرفراز بگٹی.ذریعہ: WE News
کلیدی لفظ: آپریشنل پلان بلوچستان بینک ا ف بلوچستان بینکنگ سہولیات حکومت سنگ میل میر سرفراز بگٹی بینک آف بلوچستان
پڑھیں:
زونگ کی جانب سے چین۔پاکستان انٹرنیشنل جوائنٹ انوویشن لیبارٹری کے قیام کا اعلان
پاکستان کی معروف انفارمیشن سروسز اور ٹیکنالوجی انوویشن کمپنی زونگ فورجی نے پاک چین لو کاربن انٹیلی جنٹ مینوفیکچرنگ انٹرنیشنل جوائنٹ انوویشن لیبارٹری کے قیام کے لیے ایک معاہدے پر دستخط کیے ہیں۔ یہ لیبارٹری فاسٹ،نیشنل یونیورسٹی آف کمپیوٹر اینڈ ایمرجنگ سائنسز اسلام آباد میں قائم کی جائے گی، جو چین اور پاکستان کے درمیان سائنسی اور تکنیکی تعاون کے ایک نئے سنگ میل کی حیثیت رکھتی ہے۔
یہ لیبارٹری زونگ فورجی، سوزو یونیورسٹی آف سائنس اینڈ ٹیکنالوجی (USTS)، گوانگ ژو انسٹیٹیوٹ آف سافٹ ویئر اپلیکیشن ٹیکنالوجی (GZIS) اورفاسٹ ،نیشنل یونیورسٹی آف کمپیوٹر اینڈ ایمرجنگ سائنسز کے باہمی اشتراک سے قائم کی جارہی ہے جو ایک ریسرچ اینڈ ڈویلپمنٹ پلیٹ فارم کے طور پر کام کرے گی۔ اس اقدام کا مقصد سائنسی تحقیق کو مضبوط بنانا، علمی تبادلے کو فروغ دینا اور جدید ٹیکنالوجی کے ذریعے کم کاربن انوویشن کو آگے بڑھانا ہے۔
اس اشتراک کے تحت ابتدائی تحقیق چار بنیادی شعبوں پر مرکوز ہوگی جن میں کلاؤڈ اور ڈیجیٹل ٹیکنالوجیز کے استعمال کے ذریعے کم کاربن اور ماحولیاتی تحفظ،مصنوعی ذہانت اور 5G کنیکٹیویٹی کے ذریعے انٹیلی جنٹ کنسٹرکشن اینڈ مینوفیکچرنگ،بگ ڈیٹا اور اسمارٹ انرجی مینجمنٹ کے ذریعے قابل تجدید توانائی کے نظام اور ڈیجیٹل اور انٹیلی جنٹ ایپلیکیشنز جوآئی او ٹی ،اے آئی اور ایڈوانسڈ اینالیٹکس کو یکجا کرتی ہیں۔یہ تمام شعبے ایک اسٹریٹجک روڈمیپ کی نمائندگی کرتے ہیں جو اس مستقبل کی جانب رہنمائی کرتا ہے جہاں تکنیکی انوویشن پائیدار ترقی کے اہداف کے ساتھ ہم آہنگ ہو۔
چین ۔پاک انٹرنیشنل جوائنٹ انوویشن لیبارٹری ایک کثیر الشعبہ پلیٹ فارم کے طور پر کام کرے گی جو تعلیمی و صنعتی دنیا کے درمیان پل کا کردار ادا کرے گی اور سائنسی کامیابیوں کو مارکیٹ میں استعمال کے قابل سالوشنز میں تبدیل کرے گی۔ اس کے علاوہ، یہ کم کاربن سسٹم اور ڈیجیٹل ٹیکنالوجیز کے شعبوں میں نوجوان ریسرچرز اور انجینئرز کے لیے ٹیلنٹ ڈویلپمنٹ کے مواقع بھی فراہم کرے گی تاکہ وہ چین۔پاکستان اکنامک کاریڈور (سی پیک) کے فریم ورک کے مطابق عملی تحقیق اور پائلٹ منصوبوں میں حصہ لے سکیں۔زونگ صنعتی سہولت کار کے طور پر کردار ادا کرے گا، جو تعلیمی تحقیق کو عملی کاروباری ایپلیکیشنز سے جوڑے گا جبکہ شراکت دار یونیورسٹیاں اور تحقیقی ادارے اپنے خصوصی مہارت اور استعداد کار کے ذریعے مشترکہ تحقیقی نتائج کو فروغ دیں گے۔
زونگ کے چیف ٹیکنیکل آفیسر ڈاکٹر ماؤ وی لیانگ نے کہا کہ ،”اس انٹرنیشنل جوائنٹ انوویشن لیبارٹری کا قیام ایک نئے ایسے ایکو سسٹم کی تشکیل کی جانب فیصلہ کن قدم ہے جہاں تحقیق حقیقی دنیا پر اثر ڈالتی ہے۔ چین اور پاکستان کے نمایاں تعلیمی اور تحقیقی اداروں کو یکجا کر کے ہم انٹیلی جنٹ مینوفیکچرنگ، ڈیجیٹل انوویشن، بشمول 5G، مصنوعی ذہانت، بگ ڈیٹا، کلاؤڈ کمپیوٹنگ اور دیگر ابھرتی ہوئی ٹیکنالوجیز میں پائیدار صنعتی ترقی کے لیے ایک مضبوط بنیاد رکھ رہے ہیں۔”
فاسٹ ،نیشنل یونیورسٹی آف کمپیوٹر اینڈ ایمرجنگ سائنسزکے ریکٹر ڈاکٹر آفتاب معروف نے کہا کہ ،”یہ تعاون اکیڈمیہ اور انڈسٹری کے مابین مضبوط تعلقات کی عکاسی کرتا ہے اور اس امر کو اجاگر کرتا ہے کہ یونیورسٹیاں پاکستان کے انوویشن ایکو سسٹم کو تشکیل دینے میں کس طرح اہم کردار ادا کر سکتی ہیں۔ اپنے طلبہ اورریسرچرز کواے آئی( AI)،انٹرنیٹ آف تھنگز( IoT)، کلاؤڈ اور لو کاربن سسٹمز پر مبنی عملی تحقیق میں شامل کر کے ہم ایسے حل فراہم کر رہے ہیں جو قومی و بین الاقوامی سطح پر پائیدار صنعتی ترقی میں مددگار ثابت ہوں گے۔”
چین۔پاکستان لو کاربن انٹیلی جنٹ مینوفیکچرنگ انٹرنیشنل جوائنٹ انوویشن لیبارٹری کا قیام بیلٹ اینڈ روڈ فریم ورک کے تحت سائنسی و تکنیکی ترقی کے مشترکہ عزم کی نمائندگی کرتا ہے، جو انڈسٹری ،ریسرچ اور پائیداری کے درمیان روابط مستحکم کرنے میں زونگ کے تکنیکی سفر کو تقویت دیتا ہے۔
اشتہار
پاکستان اور سری لنکا میں سمندری معیشت کے فروغ پر باہمی اتفاق