پی وی اے آر اے کا پہلا اجلاس، کرپٹو ریگولیشنز کا لائحہ عمل طے
اشاعت کی تاریخ: 26th, August 2025 GMT
اسلام آباد میں پاکستان ورچوئل ایسٹس ریگولیٹری اتھارٹی (پی وی اے آر اے) کے پہلے بورڈ اجلاس میں اسٹیٹ بینک کی 2018 کی ورچوئل کرنسیز پر پابندی واپس لینے پر غور کیا گیا۔
اجلاس میں وزیر خزانہ محمد اورنگزیب، وزیرِ مملکت برائے کرپٹو و بلاک چین اور پی وی اے آر اے کے چیئرمین بلال بن ثاقب، اسٹیٹ بینک کے گورنر، ایف بی آر، ایس ای سی پی اور دیگر اداروں کے نمائندے شریک ہوئے۔
یہ بھی پڑھیں:پاکستان کرپٹو کونسل اور ورلڈ لبرٹی فنانشل کے درمیان معاہدے پر دستخط
اجلاس میں طے پایا کہ پی وی اے آر اے عالمی اینٹی منی لانڈرنگ اور دہشت گردوں کی مالی معاونت کے معیارات کے مطابق فریم ورک تیار کرے گی۔ اس مقصد کے لیے ریگولیٹری سینڈ باکس، ٹیکسیشن پالیسی، بین الاقوامی روابط اور قواعد و ضوابط کی تیاری کے لیے خصوصی کمیٹیاں تشکیل دی جائیں گی۔
اتھارٹی نے ایک شکایتی پورٹل بنانے کی منظوری بھی دی جو نیشنل سائبر کرائم انویسٹی گیشن ایجنسی کے تعاون سے عوام کو سہولت فراہم کرے گا۔
مزید پڑھیں:پاکستان کرپٹو کونسل کا بٹ کوائن مائننگ کے لیے اضافی بجلی استعمال کرنے کا مشورہ
وزیر خزانہ نے اس اقدام کو پاکستان کی معیشت کے لیے اہم سنگِ میل” قرار دیا جبکہ بلال بن ثاقب نے کہا کہ یہ قدم نہ صرف مالی شفافیت کو یقینی بنائے گا بلکہ جدت اور سرمایہ کاری کے نئے مواقع بھی پیدا کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد بلال بن ثاقب پاکستان ورچوئل ایسٹس ریگولیٹری اتھارٹی کرپٹو و بلاک چین محمد اورنگزیب وزیر خزانہ وزیر مملکت.ذریعہ: WE News
کلیدی لفظ: اسلام آباد بلال بن ثاقب کرپٹو و بلاک چین محمد اورنگزیب وزیر مملکت پی وی اے کے لیے
پڑھیں:
غزہ معاہدہ: اسحاق ڈار اسلامی وزرائے خارجہ اجلاس میں شرکت کیلئے آج استنبول جائینگے
اسلام آباد (خبر نگار خصوصی) نائب وزیراعظم و وزیر خارجہ سینیٹر محمد اسحاق ڈار ترک وزیر خارجہ کی دعوت پر (آج) پیر کو ایک روزہ دورے پر استنبول جائیں گے۔ جہاں وہ عرب- اسلامی وزرائے خارجہ کے رابطہ اجلاس میں شرکت کریں گے۔ اتوار کو دفتر خارجہ سے جاری بیان کے مطابق استنبول اجلاس کے دوران پاکستان جنگ بندی معاہدے پر مکمل عمل درآمد، مقبوضہ فلسطینی علاقوں، بالخصوص غزہ سے اسرائیلی افواج کے مکمل انخلا، فلسطینی عوام کو بلا رکاوٹ انسانی امداد کی فراہمی اور غزہ کی تعمیرِ نو کی ضرورت پر زور دے گا۔ پاکستان اس بات کو بھی دہرائے گا کہ تمام فریقوں کو مل کر ایک آزاد، قابلِ عمل اور جغرافیائی طور پر متصل فلسطینی ریاست کے قیام کے لیے کوششیں تیز کرنی چاہئیں، جس کا دارالحکومت القدس الشریف ہو، جو 1967 سے قبل کی سرحدوں پر مبنی ہو اور جو اقوامِ متحدہ کی متعلقہ قراردادوں اور عرب امن منصوبے کے مطابق ہو۔
اختیارات کےناجائز استعمال پر این سی سی آئی اے سابق ایڈیشنل ڈائریکٹر سمیت 4 افسران گرفتار