پاکستان ماحولیاتی چیلنجز سے تنہا نہیں نمٹ سکتا، دنیا کو مدد کرنا ہوگی، وزیراعظم شہباز شریف
اشاعت کی تاریخ: 26th, August 2025 GMT
وزیراعظم پاکستان شہباز شریف نے کہا ہے کہ پاکستان ماحولیاتی چیلنجز سے تنہا نہیں نمٹ سکتا، اس کے لیے عالمی برادری کو پاکستان کی مدد کرنا ہوگی۔
نیو انرجی وہیکل پالیسی کی افتتاحی تقریب سے خطاب کرتے ہوئے وزیراعظم نے کہاکہ پاکستان ان ممالک میں شامل ہے جو ماحولیاتی تبدیلیوں سے سب سے زیادہ متاثر ہو رہے ہیں۔ ان کے مطابق موسمیاتی تبدیلیوں سے نمٹنا ایک بڑا چیلنج ہے اور پاکستان کو اس سلسلے میں دنیا کی معاونت درکار ہے۔
انہوں نے کہاکہ خیبرپختونخوا میں حالیہ سیلاب کے نتیجے میں بستیاں مٹ گئیں، بادل پھٹنے، فلیش فلڈنگ اور دریاؤں میں طغیانی سے جانی و مالی نقصانات ہوئے۔
وزیراعظم نے یاد دلایا کہ 2022 میں آنے والے سیلاب نے بھی سینکڑوں جانیں لیں اور اربوں روپے کی املاک تباہ کیں۔ اس سیلاب سے 30 ارب روپے سے زیادہ کا نقصان ہوا، حالانکہ پاکستان کا گرین ہاؤس گیسوں کے اخراج میں حصہ نہ ہونے کے برابر ہے۔
تقریب کے دوران ملک بھر کے تعلیمی اداروں میں نمایاں کارکردگی دکھانے والے طلبہ میں الیکٹرک بائیکس تقسیم کی گئیں۔
اس موقع پر وزیراعظم نے کہاکہ وہ تمام اسٹیک ہولڈرز اور برطانوی حکومت کے مشکور ہیں جنہوں نے پالیسی سازی میں معاونت فراہم کی۔ ان کے مطابق یہ نئی پالیسی حکومت کے ماحول دوست اقدامات کی جانب ایک اہم قدم ہے۔
شہباز شریف نے مزید کہاکہ ہارون اختر نے صوبائی حکومتوں سے مشاورت کے بعد جو پالیسی مرتب کی ہے، اس کے ذریعے طلبہ کو میرٹ پر الیکٹرک بائیکس دی جا رہی ہیں۔
اس سے قبل وزیراعظم کے معاون خصوصی برائے صنعت و پیداوار ہارون اختر نے تقریب سے خطاب کرتے ہوئے کہاکہ نئی انرجی وہیکلز پالیسی انڈسٹری کی جدید کاری میں اہم کردار ادا کرے گی اور اس سے روزگار کے وسیع مواقع پیدا ہوں گے۔
انہوں نے کہاکہ اس پالیسی کے تحت پیٹرولیم مصنوعات کی کھپت میں نمایاں کمی ہوگی اور فضائی آلودگی میں بھی خاطر خواہ کمی آئے گی۔
ہارون اختر کے مطابق سبز انقلاب پاکستان کے روشن مستقبل کی ضمانت ہے اور ہم دنیا کے سامنے خود کو ایک صاف اور سرسبز ملک کے طور پر پیش کریں گے۔
انہوں نے کہاکہ نئی انرجی وہیکلز پالیسی کا اجرا خواب کو حقیقت میں بدلنے کے مترادف ہے، وزیراعظم کے وژن کے تحت مشترکہ کاوشیں آج کامیاب ہوئیں اور پالیسی کو عالمی قوانین کے مطابق تشکیل دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انرجی وہیکل پالیسی پیٹرولیم مصنوعات شہباز شریف عالمی برادری مدد ماحولیاتی چیلنجز ہارون اختر وزیراعظم پاکستان.
ذریعہ
ذریعہ: WE News
کلیدی لفظ: انرجی وہیکل پالیسی پیٹرولیم مصنوعات شہباز شریف عالمی برادری مدد ماحولیاتی چیلنجز ہارون اختر وزیراعظم پاکستان شہباز شریف ہارون اختر نے کہاکہ کے مطابق
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ