گورنرہاؤس میں روزانہ ربیع الاول کی محافل منعقد ہوں گی: گورنر سندھ
اشاعت کی تاریخ: 26th, August 2025 GMT
گورنرسندھ کامران خان ٹیسوری نے کہا ہے کہ گورنرہاؤس میں روزانہ ربیع الاول کی محافل رات 10سے ساڑھے گیارہ بجے تک منعقد ہوں گی۔ تمام عاشقان رسول ﷺ کومحافل میں شرکت کی دعوت ہے۔ ان محافل میں معروف نعت خواہان ، معروف قوال اور عالم دین شرکت کریں گے۔
ان خیالات کا اظہار انہو ں نے گورنرہاؤس میں ربیع الاول کے حوالہ سے پریس کانفرنس سے خطاب کرتے ہوئے کیا۔
اس موقع پر متحدہ قومی موومنٹ پاکستان کے سینئر مرکزی رہنما ڈاکٹر فاروق ستار ،انیس قائمخانی اور رکن سندھ اسمبلی عامر صدیقی بھی موجود تھے۔
انہوں نے مزید کہا کہ گورنرہاؤس میں کسی بھی پروگرام کے لئے عوام کے ٹیکس کا ایک روپیہ بھی نہیں لگایا۔ ربیع الاول کی تمام محافل کے اخراجات وہ اپنی جیب سے ادا کریں گے۔
گورنرسندھ نے کہا کہ ہمارا مقصد لوگوں کو جوڑنا اور ان کے درمیان محبت قائم کرنا ہے۔ لوگوں کو بتادیا کہ حکمرانوں کے دروازے عوام کے لئے بند نہیں ہیں۔
انہوں نے کہا کہ اس شہر کی سڑکوں کے لئے بھی کام کررہے ہیں ، جلد ترقیاتی منصوبے شروع کرنے جارہے ہیں۔ تعلیم، صحت پر دن رات کام ہورہا ہے ، اس شہر کے لئے 12جامعات لا چکے ہیں۔
انہوں نے کہا کہ جاب فیئر کے لئے ملٹی نیشنل کمپنیوں سے بات چل رہی ہے جلد جاب فیئر میں 100کمپنیاں اپنے اسٹالز لگائیں گی۔ نوجوان تیاری کرلیں ، جاب فیئر میں ان کو ملٹی نیشنل کمپنیاں ملازمت کی آفر کریں گی ۔ہم نوجوانوں کو بتا دینا چاہتے ہیں کہ ہم ان کی نوکریوں کے لئے بھی کام کررہے ہیں۔
انہوں نے کہا کہ حالیہ بارشوں میں لوگوں کے درمیان نظر آئے کیونکہ ہمارا منشور خدمت کرنا ہے۔
.
ذریعہ
ذریعہ: Express News
کلیدی لفظ: گورنرہاؤس میں ربیع الاول نے کہا کہ انہوں نے کے لئے
پڑھیں:
سندھ حکومت پولیس فورس کو جدید خطوط پر استوار کرنے کیلئے پرعزم ہے، وزیراعلیٰ سندھ
کراچی(ڈیلی پاکستان آن لائن) وزیر اعلیٰ سندھ مراد علی شایہ نے کہا ہے کہ سندھ حکومت پولیس فورس کو جدید خطوط پر استوار کرنے کیلئے پرعزم ہے۔
نجی ٹی وی چینل دنیا نیوز کے مطابق وزیراعلیٰ سندھ مراد علی شاہ نے کہا ہے کہ امن و امان کے قیام اور عوام کے جان و مال کے تحفظ میں سندھ پولیس کا کردار قابلِ ستائش ہے، سندھ پولیس عوام کے جان و مال کے تحفظ کے لیے ہر وقت تیار ہے، جدید تربیت یافتہ پولیس فورس امن و امان کے قیام میں کلیدی کردار ادا کرے گی۔
مراد علی شاہ نے پاسنگ آؤٹ پریڈ کی تقریب سے خطاب کرتے ہوئے کہا کہ پیشہ ورانہ مہارت، دیانتداری اور عوامی خدمت سندھ پولیس کی پہچان ہونی چاہیے، ہماری حکومت پولیس کی استعداد کار بڑھانے اور جدید سہولیات کی فراہمی کے لیے پرعزم ہے، نئی بھرتی ہونے والے جوان قانون کی بالادستی اور عوامی اعتماد کے فروغ میں اپنا بھرپور کردار ادا کریں۔
اداکارہ روما مائیکل اداکار شان بیگ سے شادی کے بندھن میں بندھ گئیں
وزیراعلیٰ سندھ نے پاس آؤٹ ہونے والے ریکروٹس کو مبارکباد پیش کرتے ہوئے روشن مستقبل کے لیے نیک تمناؤں کا اظہار کیا، تقریب کے اختتام پر وزیراعلیٰ سندھ نے ریکروٹس اور افسران کے ساتھ گروپ فوٹو بھی بنوایا۔
بھارت سے جنگ اور افغانستان میں کارروائی خارج ازامکان نہیں، وزیردفاع