آنکھوں میں دباؤ اور دھندلا پن:عمران خان کے طبی معائنے کیلئے درخواست دائر
اشاعت کی تاریخ: 27th, August 2025 GMT
سابق وزیراعظم اور پاکستان تحریک انصاف کے بانی چیئرمین عمران خان کی صحت پر گہری تشویش کا اظہار کرتے ہوئے ان کی بہن علیمہ خان نے عدالت سے اپیل کی ہے کہ ان کے بھائی کے لیے ایک آزاد اور مکمل میڈیکل بورڈ تشکیل دیا جائے۔
یہ درخواست انسداد دہشت گردی عدالت میں معروف وکلا فیصل ملک ایڈووکیٹ، خالد یوسف چوہدری اور تابش فاروق ایڈووکیٹ کے توسط سے جمع کرائی گئی۔
آنکھوں میں دباؤ اور دھندلا پن، طبی معائنے کی ضرورت
درخواست میں بتایا گیا کہ جیل میں ملاقات کے دوران عمران خان نے آنکھوں میں شدید دباؤ، دھندلا دیکھنے اور دیگر طبی مسائل کی شکایت کی۔
یاد رہے کہ 73 سالہ عمران خان گزشتہ دو سال سے زائد عرصے سے قید میں ہیں اور ان کا آخری باقاعدہ میڈیکل چیک اپ 4 نومبر 2024ء کو ہوا تھا۔
درخواست کے مطابق، کئی مرتبہ طبی معائنے کی درخواستیں دی گئیں، مگر ابھی تک کوئی تفصیلی معائنہ نہیں کرایا گیا، جو ان کی صحت کے لیے خطرہ بن سکتا ہے۔
آزاد میڈیکل بورڈ کی تشکیل کا مطالبہ
درخواست گزاروں نے سرکاری ڈاکٹرز پر عدم اعتماد کا اظہار کرتے ہوئے مطالبہ کیا ہے کہ:
عمران خان کے ذاتی معالجین کو میڈیکل بورڈ کا حصہ بنایا جائے۔
اس مقصد کے لیے شوکت خانم اسپتال کے فزیشن ڈاکٹر فیصل سلطان اور راولپنڈی میڈیکل یونیورسٹی کے ماہر امراض چشم پروفیسر فواد احمد خان کو شامل کیا جائے۔
درخواست میں کہا گیا کہ عمران خان کو قیدی کے بنیادی انسانی حقوق سے محروم رکھا جا رہا ہے اور کئی مرتبہ قیدِ تنہائی میں بھی رکھا گیا ہے، جو ان کی ذہنی اور جسمانی صحت پر منفی اثر ڈال سکتا ہے۔
عدالت کا ردعمل
سماعت انسداد دہشت گردی عدالت کے جج امجد علی شاہ نے کی، جس میں وکلا فیصل ملک، خالد یوسف اور تابش فاروق عدالت میں پیش ہوئے۔
عدالت نے اڈیالہ جیل کے سپرنٹنڈنٹ سے وضاحت طلب کرتے ہوئے پراسیکیوشن کو بھی نوٹس جاری کر دیا ہے ۔ کیس کی آئندہ سماعت 29 اگست کو مقرر ہے۔
ذریعہ
ذریعہ: Daily Mumtaz
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار