وزیراعظم سے بیلاروس کے وزیر داخلہ کی ملاقات، مختلف شعبوں میں تعاون بڑھانے پر اتفاق
اشاعت کی تاریخ: 27th, August 2025 GMT
وزیراعظم پاکستان شہباز شریف سے بیلاروس کے وزیر داخلہ ایون کبراکوو نے اپنے وفد کے ہمراہ وزیراعظم ہاؤس میں ملاقات کی۔ جس میں مختلف شعبوں میں تعاون بڑھانے پر اتفاق کیا گیا۔
وزیراعظم نے بیلاروس کے وزیر داخلہ کو پاکستان آمد پر خوش آمدید کہتے ہوئے کہا کہ پاکستان اور بیلاروس کے مابین دیرینہ دوستانہ تعلقات وقت کے ساتھ مزید مستحکم ہو رہے ہیں۔
یہ بھی پڑھیں: بیلا روس نے اپنی فضائیہ کو پاکستان ایئر فورس سے ٹریننگ دلانے کی خواہش ظاہر کردی
انہوں نے رواں سال اپنے دورہ بیلاروس کا حوالہ دیتے ہوئے صدر الیگزینڈر لوکاشینکو کے لیے نیک خواہشات کا اظہار کیا اور کہا کہ اس دورے کے دوران دونوں ممالک نے مختلف شعبوں میں تعاون کے کئی معاہدوں اور مفاہمتی یادداشتوں پر دستخط کیے تھے۔
شہباز شریف نے کہا کہ انہیں اس امر پر خوشی ہے کہ بیلاروس کے ساتھ پاکستانی ہنر مند افراد کو مختلف شعبوں میں روزگار کے مواقع فراہم کرنے پر اتفاق ہوا تھا اور آج اس حوالے سے باضابطہ مفاہمتی یادداشت پر دستخط ہو چکے ہیں۔ پاکستان بیلاروس کے صدر کے جلد دورہ پاکستان کا منتظر ہے۔
بیلاروس کے وزیر داخلہ ایون کبراکوو نے وزیراعظم کا پرتپاک استقبال اور مہمان نوازی پر شکریہ ادا کرتے ہوئے صدر لوکاشینکو کی نیک خواہشات بھی پہنچائیں۔
انہوں نے کہاکہ بیلاروس پاکستان کے ساتھ زراعت، صنعت اور دیگر شعبوں میں تعاون کو فروغ دینے کا خواہاں ہے۔ اپنے دورہ پاکستان کے دوران وفاقی وزیر داخلہ محسن نقوی اور وزیر سمندر پار پاکستانی و انسانی وسائل چوہدری سالک حسین سے ملاقاتوں کو بھی انہوں نے دونوں ممالک کے تعلقات میں پیش رفت کے لیے نہایت سودمند قرار دیا۔
اس موقع پر وفاقی وزیر داخلہ محسن نقوی نے وزیراعظم کو بتایا کہ بیلاروس کے وزیر داخلہ اور ان کا وفد نیشنل ڈیٹا بیس رجسٹریشن اتھارٹی (نادرا) کا بھی دورہ کر چکا ہے۔ جبکہ وزیر سمندر پار پاکستانی و ترقی انسانی وسائل چوہدری سالک حسین نے آگاہ کیا کہ ہنر مند پاکستانیوں کو بیلاروس بھجوانے سے متعلق آج مفاہمتی یادداشت پر دستخط ہو گئے ہیں، جس کے بعد یہ عمل باضابطہ طور پر شروع ہو جائے گا۔
یہ بھی پڑھیں: بیلاروس کا ڈیڑھ لاکھ پاکستانیوں کو ملازمتیں دینے کا اعلان، کیا مواقع موجود ہیں؟
انہوں نے بتایا کہ بیلاروس پاکستانی کارکنوں کو میڈیکل سمیت سماجی تحفظ کی سہولیات بھی فراہم کرے گا۔
ملاقات میں وفاقی وزیر داخلہ محسن نقوی، وفاقی وزیر سمندر پار پاکستانی و ترقی انسانی وسائل چوہدری سالک حسین، وزیر مملکت برائے داخلہ طلال چوہدری، وزیر مملکت برائے سمندر پار پاکستانی و ترقی انسانی وسائل محمد عون چوہدری سمیت اعلیٰ سرکاری افسران بھی شریک تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بیلا روس وزیر داخلہ تعاون بڑھانے پر اتفاق شہباز شریف وزیراعظم پاکستان وی نیوز.ذریعہ: WE News
کلیدی لفظ: بیلا روس وزیر داخلہ تعاون بڑھانے پر اتفاق شہباز شریف وزیراعظم پاکستان وی نیوز بیلاروس کے وزیر داخلہ سمندر پار پاکستانی مختلف شعبوں میں شعبوں میں تعاون کہ بیلاروس وفاقی وزیر پر اتفاق انہوں نے
پڑھیں:
پاک ایران باہمی تجارتی حجم 10 ارب ڈالر تک بڑھانے کے عزم کا اعادہ
data-id="863a0a8" data-element_type="widget" data-widget_type="theme-post-content.default">
اسلام آباد:۔ پاکستان اورایران نے دوطرفہ تجارت کو10ارب ڈالرسالانہ کرنے کے عزم کااعادہ کرتے ہوئے تجارت اور سرمایہ کاری کے شعبے میں ٹیرف اور غیر ٹیرف رکاوٹوں کے خاتمے، بارڈر مارکیٹس کو فعال کرنے اور باقاعدہ کاروباری اجلاسوں کے فروغ پر زوردیا ہے، دونوں ممالک نے توانائی اور بنیادی ڈھانچہ کے شعبے میں بجلی کے تبادلے کو بڑھانے، گوادر کے لئے 220 کے وی ٹرانسمیشن لائن کی تعمیر دوبارہ شروع کرنے اور قابلِ تجدید توانائی منصوبوں کی تلاش پربھی اتفاق کیاہے۔
وزارت اقتصادی امورکی جانب سے جاری کردہ بیان کے مطابق پاکستان اور ایران کے مشترکہ اقتصادی کمیشن کا 22واں اجلاس 15 تا 16 ستمبر اسلامی جمہوریہ ایران کے دارالحکومت تہران میں کامیابی کے ساتھ اختتام پذیر ہوا۔ اجلاس دونوں ممالک کے درمیان اقتصادی، تجارتی اور ثقافتی تعلقات کو مزید مضبوط بنانے کی جانب اہم قدم ثابت ہوا جس نے باہمی خوشحالی اور دوطرفہ تعاون کے فروغ کے عزم کو اجاگر کیا۔
پاکستانی وفد کی قیادت وفاقی وزیر تجارت جام کمال خان جبکہ ایرانی وفد کی سربراہی وزیر برائے سڑکیں و شہری ترقی فرزانہ صادق نے کی۔ اجلاس میں دوطرفہ تعلقات کا تفصیلی جائزہ لیا گیا اور مستقبل کے تعاون کے لئے جامع فریم ورک پر اتفاق کیا گیا۔ اس موقع پر دونوں وزرا نے اپنی اپنی حکومتوں کی جانب سے پروٹوکولز پر دستخط کئے۔
دونوں ممالک کے درمیان زراعت اور ماحول کے میدان میں ویٹرنری صحت، کیڑوں پر قابو پانے، زرعی بیج و آلات میں تعاون کے معاہدوں پر عملدرآمد، ریت و گرد کے طوفانوں اور مینگرووز کے تحفظ جیسے ماحولیاتی چیلنجز کے لیے مشترکہ حکمت عملی پر بھی اتفاق کیا گیا اور ٹرانسپورٹ اور رابطہ کاری کے شعبے میں سڑک، ریل، فضائی اور بحری روابط کو مزید بہتر بنانے پر زور دیا گیا۔ اس میں ریلوے کارگو کی مقدار بڑھانے، فضائی نیوی گیشن خدمات کو بہتر بنانے اور زائرین کے لیے بحری جہازوں کے ذریعے سفر کی سہولت پر غور شامل ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام