بند گاڑی میں دم گھٹنے سے دو معصوم بچے جاں بحق
اشاعت کی تاریخ: 29th, August 2025 GMT
راولپنڈی کے علاقے ڈھوک چراغ دین میں ایک افسوسناک واقعہ پیش آیا جہاں بند گاڑی میں دم گھٹنے سے دو کمسن بچے جان کی بازی ہار گئے۔
ریسکیو 1122 کے مطابق گاڑی دھوپ میں کھڑی تھی اور دونوں بچے طویل وقت تک اس میں بند رہے جسکی وجہ سے شدید گرمی اور آکسیجن کی کمی نے ان کی حالت نازک بنا دی۔ ریسکیو ٹیمیں اطلاع ملنے پر فوری طور پر موقع پر پہنچیں اور بچوں کو بچانے کی ہر ممکن کوشش کی گئی، انہیں سی پی آر دینے کے بعد ہسپتال منتقل کیا گیا تاہم وہ جانبر نہ ہو سکے۔
اہلخانہ کے مطابق دونوں بچے کھیلتے ہوئے گاڑی میں جا گھسے اور اندر سے دروازے بند کر لیے۔ بدقسمتی سے کسی کو معلوم نہ ہو سکا کہ وہ کہاں ہیں، اور وہ تقریباً تین گھنٹے تک لاپتہ رہے۔
یہ واقعہ نہ صرف خاندان بلکہ علاقے بھر کیلئے صدمہ خیز ہے۔ ماہرین نے والدین کو خبردار کیا ہے کہ بچوں کو گاڑی کے قریب تنہا نہ چھوڑیں، خاص طور پر گرمی کے دنوں میں جب بند گاڑیاں جان لیوا ثابت ہو سکتی ہیں۔
ذریعہ
ذریعہ: Daily Mumtaz
پڑھیں:
کراچی: 6 سالہ بچی سے مبینہ زیادتی کرنے والا ملزم پولیس مقابلے میں مارا گیا
فائل فوٹوکراچی میں جیکسن کے علاقے میں بچی سے مبینہ زیادتی کرنے والا ملزم پولیس مقابلے میں مارا گیا۔
ڈپٹی انسپکٹر جنرل (ڈی آئی جی) ساؤتھ اسد رضا کے مطابق 6 سالہ بچی کی لاش آج دوپہر کو جیکسن کے علاقے سے ملی تھی، ملزم کی گرفتاری کے لیے جیسے ہی پولیس پہنچی، اُس نے پولیس پر فائرنگ کردی۔
ڈی آئی جی کا کہنا ہے کہ پولیس کے ساتھ فائرنگ کے تبادلے میں ملزم ہلاک ہوگیا، جس کے پاس سے اسلحہ برآمد ہوا۔
پولیس کا کہنا ہے کہ بچی کل دوپہر کو لاپتا ہوئی تھی، آج اس کی لاش ملی، ابتدائی پوسٹ مارٹم میں بھی بچی کے ساتھ زیادتی کی تصدیق ہوگئی تھی۔
بھارت سے جنگ اور افغانستان میں کارروائی خارج ازامکان نہیں، وزیردفاع